28-Apr-2025

ବରୀ(ରଞ୍ଜିତ ମହାନ୍ତି): ସରକାରଙ୍କ ତରଫରୁ ଗମନା ଗମନର ସୁବିଧା ପାଇଁ  ଅର୍ଥ ମଞ୍ଜୁରୀ ହେଉଥିଲେ ହେଁ ଦାୟିତ୍ୱରେ ଥିବା ଅଧିକାରୀଙ୍କ କାଳକ୍ଷେପଣ ନୀତି ଯୋଗୁଁ ମଞ୍ଜୁର ଅର୍ଥ ନିର୍ଦ୍ଧିଷ୍ଟ ସମୟ ସୀମା ମଧ୍ୟରେ ଖର୍ଚ୍ଚ ହୋଇ ନ ପାରିବାରୁ ଉନ୍ନୟନ କାର୍ଯ୍ୟ ବାଧା ପ୍ରାପ୍ତ ହେଉଛି। ସୂଚନା ମୁତାବକ ବରୀ-ବିଦ୍ରୁପା ପୂର୍ତ୍ତ ବିଭାଗ ରାସ୍ତାର ସମ୍ପ୍ରସାରଣ କାର୍ଯ୍ୟ ଚାଲୁ ଅଛି। ମାତ୍ର ଏହି ରାସ୍ତା ଉପରେ ବିଭିନ୍ନ ସ୍ଥାନ ମାନଙ୍କରେ ରାସ୍ତା ଉପରେ ବିଦ୍ୟୁତ ଖୁଣ୍ଟ ଓ ଟ୍ରାନ୍ସଫର୍ମର ରହି ଥିବାରୁ ଏହାକୁ ସ୍ଥାନାନ୍ତରିତ କରିବା ନିମନ୍ତେ ସରକାରଙ୍କ ତରଫରୁ ୧ କୋଟି ୭୮ଲକ୍ଷ ୭୩ ହଜାର ୮ଶହ ୧୬ଟଙ୍କା ତା ୬/୨/୨୦୨୫ ରିଖରୁ  ଅର୍ଥ ମଞ୍ଜୁର ହୋଇଥିଲେ ହେଁ ଅଦ୍ୟାବଧି ଟେଣ୍ଡର ନ ହେବା ଯୋଗୁଁ ବର୍ଷା ରିତୁ ପୂର୍ବରୁ କାର୍ଯ୍ୟ ସମ୍ପୂର୍ଣ ହେବା ପାଇଁ ଆଶଙ୍କା ପ୍ରକାଶ ପାଇଛି। ବିଶେଷ କରି ବ୍ରାହ୍ମଣୀ ନଦୀର ବାମ ପାର୍ଶ୍ଵ ରେ ଥିବା ନଦୀ ବନ୍ଧରେ ସୁରକ୍ଷା ନିମନ୍ତେ ମଞ୍ଜୁର ଅର୍ଥର ଟେଣ୍ଡର କରାଯାଇ ଶୀଘ୍ର କାର୍ଯ୍ୟ ଆରମ୍ଭ କରାଯିବାକୁ ସାଧାରଣରେ ଦାବି ହେଉଛି। ଏ ବିଷୟରେ ପୂର୍ତ୍ତ ବିଭାଗର ସହକାରୀ ଯନ୍ତ୍ରୀ ବିରେନ ବସୁଙ୍କୁ ପଚାରିବାରୁ ସେ କୁହନ୍ତି ସରକାରଙ୍କ ତରଫରୁ ଅର୍ଥ ମଞ୍ଜୁର ହୋଇଛି। ଖୁବ ଶୀଘ୍ର ଟେଣ୍ଡର କରାଯାଇ କାର୍ଯ୍ୟାରମ୍ଭ କରାଯିବ।