28-Mar-2025

ବରଗଡ଼:( ନିରଞ୍ଜନ ତ୍ରିପାଠୀ)- ବରଗଡ଼ ଗାନ୍ଧୀ ଛକ ଠାରେ  ଜୟ କିସାନ ଆନ୍ଦୋଳନ ତରଫରୁ  ପ୍ରଧାନମନ୍ତ୍ରୀ ନରେନ୍ଦ୍ର ମୋଦି, ଗୃହମନ୍ତ୍ରୀ ଅମିତ ଶାହ ଏବଂ ପଞ୍ଜାବ ମୁଖ୍ୟମନ୍ତ୍ରୀ ଭଗବତ ସିଂ ମାନ ଙ୍କ କୁଶପୁତ୍ତଳିକା ଦାହ କାର୍ଯ୍ୟକ୍ରମ ରଖାଯାଇଥିଲା । କିନ୍ତୁ କୁଶପୁତ୍ତଳିକା ଦାହ କରିବା ସମୟରେ ଶହ ଶହ ସଂଖ୍ୟାରେ ପୋଲିସ ପହଞ୍ଚି ପୁତ୍ତଳିକା ଛଡେଇ ନେଇ ନିଜେ ଚିରି ଦେଇଥିଲେ।   ଜୟ କିସାନ ଆନ୍ଦୋଳନ ର କର୍ମୀ ମାନେ ଗାନ୍ଧୀ ଛକ ଠାରେ ସମବେତ ହୋଇ ଚାଷୀ ବିରୋଧି ନରେନ୍ଦ୍ର ମୋଦି, ଅମିତ ଶାହ ଏବଂ ପଞ୍ଜାବ ମୁଖ୍ୟମନ୍ତ୍ରୀ ଭଗବତ ସିଂ ମାନ ମୁର୍ଦାବାଦ, ଚାଷୀ ଆନ୍ଦୋଳନ କୁ ଦମନ କରିବା ଚଲିବ ନାହିଁ ଆଦି ଶ୍ଳୋଗାନ ଦେଇ ଏକ ପଥପ୍ରାନ୍ତ ସଭା କରାଯାଇଥିଲା।  ଦିଲ୍ଲୀ ର ଖନୌରୀ ଏବଂ ସଂହୁ ବୋର୍ଡର ରେ ଚାଲିଥିବା କୃଷକ ଆନ୍ଦୋଳନ  କୁ  ଗତ ୧୯ ତାରିଖ ରେ ଯେଭଲି ଭାବରେ ଦମନ କରାଗଲା ଏବଂ  ସରକାରଙ୍କ ସହିତ ଆଲୋଚନା ସମୟରେ ସେହି କୃଷକ ନେତାମାନଙ୍କୁ ଯେଭଲି ଭାବରେ ଗିରଫ କରାଗଲା ଏହାକୁ ଚାଷୀ ନେତା ଲିଂଗରାଜ  ଦୃଢ ନିନ୍ଦା କରିଥିଲେ। ତିନି କଳା କୃଷି ଆଇନ ପ୍ରତ୍ୟାହାର ସମୟରେ ଯେଉଁ ସବୁ ପ୍ରତିଶ୍ରୁତି ସରକାର ଦେଇଥିଲେ ସହି ପ୍ରତିଶ୍ରୁତି ପାଳନ ପାଇଁ ସଂଯୁକ୍ତ କିସାନ ମୋର୍ଚ୍ଚା ପୁଣି ଥରେ ଆନ୍ଦୋଳନ ର ଆରମ୍ଭ କରାଯାଇଥିଲା। ସଂଯୁକ୍ତ କିସାନ ମୋର୍ଚ୍ଚା ( ଅଣରାଜନୈତିକ) ର ନେତା ଜଗଜୀତ ସିଂହ ଦଲ୍ଲେୱାଲ ଦୀର୍ଘ  ୧୨୦ ଅନଶନ ରେ ଥିଲେ। ବିଭିନ୍ନ ପର୍ଯ୍ୟାୟ ରେ ସରକାର ଆନ୍ଦୋଳନକାରୀ ମାନଙ୍କ ସହିତ ଆଲୋଚନା ମଧ୍ୟ କରୁଥିଲେ। କିନ୍ତୁ ହଠାତ୍ ପଞ୍ଜାବ ର ଭଗବତ ସିଂ ମାନ  ସରକାର ବୁଲଡୋଜର୍ ଚଲାଇ ଆନ୍ଦୋଳନ କୁ ଛିନ୍ନଛତ୍ର କରିଦେଇଛି ଏହାକୁ ବରଦାସ୍ତ କରାଯିବ ନାହିଁ ଏବଂ ଆଗାମୀ ଦିନରେ ରାଷ୍ଟ୍ରୀୟ ସ୍ତରରେ ପୁଣି କୃଷକ ଆନ୍ଦୋଳନ ସଂଗଠିତ ହୋଇ ସଂଘର୍ଷ କରିବେ ଏବଂ ଚାଷୀ ବିରୋଧି ସରକାରମାନଙ୍କୁ ଉଚିତ ଜବାବ ଦିଆଯିବ ବୋଲି  ଶ୍ରୀ ଲିଂଗରାଜ କହିଥିଲେ । ଏହି କାର୍ଯ୍ୟକ୍ରମରେ ଜୟ କିସାନ ଆନ୍ଦୋଳନ ର ଜିଲ୍ଲା ସଭାପତି ସୁଶୀଲ କୁମାର ସାହୁ, ସାଧାରଣ ସଂପାଦକ ହର ବଣିଆଁ, ବରିଷ୍ଠ ଚାଷୀ ନେତା ଶିବ ପ୍ରସାଦ ପ୍ରଧାନ,  ଚଞ୍ଚଳ ପ୍ରଧାନ, ଅରୁଣ କୁମାର ସାହୁ,  ସରୋଜ ପଧାନ, ସିଲିଂ ସାହୁ, ଭଞ୍ଜନ ବାରିକ,  କିଶୋର ସାହୁ, କୁନା ବେହେରା, ବିଜୟ ପ୍ରଧାନ, ତପୋବନ୍ତ ନାୟକ  ରେବତି କାନ୍ତ ବେହେରା, ଲକ୍ଷ୍ମଣ ସୁନା ଉପସ୍ଥିତ ଥିଲେ।