28-Mar-2025

ବଲାଙ୍ଗୀର (ପ୍ରେରଣା ଖବର):  ଦୀର୍ଘଦିନ ଧରି କର୍କଟ ରୋଗ ରେ ପୀଡିତ ଥିବା ଯୁବ ଆଇନଜୀବୀ ମାନସ ପଣ୍ଡା ଙ୍କ ଆଜି ସକଳେ ତାଙ୍କ ସାଲେପାଲି ସ୍ଥିତ ବାସଭବନରେ ଚିକିତ୍ସାଧୀନ ଅବସ୍ଥାରେ ପରଲୋକ ହୋଇଯାଇଛି l ମୃତ୍ୟୁ ବେଳକୁ ତାଙ୍କୁ ୪୮ବର୍ଷ ହେଉଥିଲା l ଜଣେ ମେଳାପୀ ମଣିଷ ଭାବରେ ଶ୍ରୀ ପଣ୍ଡା ଜଣାଶୁଣା ଥିଲେ l ଆଜି ଜିଲ୍ଲା ଓକିଲ ସଂଘ ପକ୍ଷରୁ ସ୍ଵର୍ଗତ ମାନସ ପଣ୍ଡାଙ୍କ ଅକାଳ ବିୟୋଗରେ ତାଙ୍କର ଆତ୍ମର ସଦଗତି ପାଇଁ ଦୁଇ ମିନିଟ୍ ନୀରବ ପ୍ରାର୍ଥନା କରାଯାଇଥିଲା l ଜିଲ୍ଲା ଓକିଲ ସଂଘ ସଭାପତି ଅମରେଶ ତ୍ରିପାଠୀଙ୍କ ଆବାହକତ୍ବରେ ଅନୁଷ୍ଠିତ ଶୋକସଭାରେ ଆଡଭୋକେଟ୍ ଗୋପାଳ ଚନ୍ଦ୍ର 

ପାଣିଗ୍ରାହୀ, ଅଶ୍ୱିନୀ ତ୍ରିପାଠୀ, ଲୁନା ଦାସ,ରଜତ ବେଚ୍, ଦେବାଶିଷ ବିଶ୍ଵାଳ ପ୍ରମୁଖ ସ୍ମୃତିଚାରଣ କରିଥିଲେ l ମୃତ୍ୟୁ ଖବର ପ୍ରଚାର ହେବା ପରେ ମାନସ ପଣ୍ଡାଙ୍କ ସାଲେପାଲି ସ୍ଥିତ ବାସଭବନରେ ଶୁଭେଚ୍ଛୁ, ବନ୍ଧୁ ବର୍ଗ ଓ ଆଡଭୋକେଟ୍ ମାନଙ୍କ ଭିଡ ଜମିଛି l  ମୃତ୍ୟୁଶଯ୍ୟାରେ ମାନସଙ୍କ  ପତ୍ନୀ ଙ୍କ ସମେତ ପିତା ଯୋଗେଶ୍ଵର ପଣ୍ଡା, ମାତା ସୁମୁଖୀ ପଣ୍ଡା ଏବଂ ପରିବାର ସଦସ୍ୟ ଉପସ୍ଥିତ ଥିଲେ l ଆଡଭୋକେଟ୍ ବାଳକୃଷ୍ଣ ଷଡଙ୍ଗୀ,ନରେନ୍ଦ୍ର ବେହେରା ଅନ୍ୟ ମାନେ ଗଭୀର ଶୋକବ୍ୟକ୍ତ କରିବା ସହିତ ମୃତ ଆଡଭୋକେଟଙ୍କ ପରିବାରକୁ ସମବେଦନା ଜଣାଇଛନ୍ତି l