26-Mar-2025

ବଲାଙ୍ଗିର : ଆଜି ନୂଆଦିଲ୍ଲୀର IIIDEMରେ ମୁଖ୍ୟ ନିର୍ବାଚନ ଅଧିକାରୀ ଶ୍ରୀ ଜ୍ଞାନେଶ କୁମାର, ଡକ୍ଟର ବିବେକ ଜୋଶୀଙ୍କ ସହ ବୁଥସ୍ତରୀୟ ଅଧିକାରୀ(BLO)ମାନଙ୍କ ପାଇଁ ଆୟୋଜିତ ପ୍ରଥମ ତାଲିମକୁ ଉଦ୍ଘାଟନ କରିଛନ୍ତି। ଆଗାମୀ କିଛି ବର୍ଷ ମଧ୍ୟରେ ପ୍ରାୟ ୧ ଲକ୍ଷ ବୁଥସ୍ତରୀୟ ଅଧିକାରୀ, ହାରାହାରି ପ୍ରତି ୧୦ ଟି ମତଦାନ କେନ୍ଦ୍ରରେ ଗୋଟିଏ ବୁଥସ୍ତରୀୟ ଅଧିକାରୀଙ୍କୁ ଏପରି ତାଲିମ କାର୍ଯ୍ୟକ୍ରମରେ ସୁଶିକ୍ଷିତ କରାଯିବ। ଏହି ସୁପ୍ରଶିକ୍ଷିତ ବୁଥସ୍ତରୀୟ ଅଧିକାରୀ ଗୁଡ଼ିକ ଦେଶବ୍ୟାପୀ ବୁଥ୍ ସ୍ତରୀୟ ଅଧିକାରୀମାନଙ୍କର ସମଗ୍ର ସାମାଜିକ ସମ୍ପର୍କକୁ ସୁଦୃଢ଼ କରିବା ପାଇଁ ବିଧାନସଭା ସ୍ତରୀୟ ମାଷ୍ଟର ଟ୍ରେନର ର ଏକ ସଂଘ ଗଠନ କରିବେ, ଯେଉଁମାନେ ୧୦୦ କୋଟି ଭୋଟର ଏବଂ ନିର୍ବାଚନ ଆୟୋଗ ମଧ୍ୟରେ ପ୍ରଥମ ଏବଂ ସବୁଠାରୁ ଗୁରୁତ୍ୱପୂର୍ଣ୍ଣ ମାଧ୍ୟମ ହେବ।

ଏହି ଅନନ୍ୟ କ୍ଷମତା ନିର୍ମାଣ କାର୍ଯ୍ୟକ୍ରମ ପର୍ଯ୍ୟାୟକ୍ରମେ ଜାରି ରହିବ ଏବଂ ପ୍ରଥମେ ନିର୍ବାଚନ ହେବାକୁ ଥିବା ରାଜ୍ୟଗୁଡ଼ିକ ଉପରେ ଧ୍ୟାନ ଦିଆଯିବ। ବର୍ତ୍ତମାନ, ବିହାର, ପଶ୍ଚିମବଙ୍ଗ ଏବଂ ଆସାମରୁ ୧୦୯ ଜଣ ବୁଥସ୍ତରୀୟ ଅଧିକାରୀ ଏହି ୨-ଦିନିଆ ଆବାସିକ ତାଲିମ କାର୍ଯ୍ୟକ୍ରମରେ ଅଂଶଗ୍ରହଣ କରୁଛନ୍ତି । ଏହାସହିତ ବିହାର, ପଶ୍ଚିମବଙ୍ଗ,ଆସାମ, କେରଳ, ପୁଡୁଚେରୀ ଏବଂ ତାମିଲନାଡୁରୁ ୨୪ ଜଣ ନିର୍ବାଚନ ପଞ୍ଜିକରଣ ଅଧିକାରୀ ଏବଂ ୧୩ ଜଣ ଜିଲ୍ଲା ନିର୍ବାଚନ ଅଧିକାରୀ  ମଧ୍ୟ ଅଂଶଗ୍ରହଣ କରୁଛନ୍ତି।
ଏହି ତାଲିମ କାର୍ଯ୍ୟକ୍ରମର ଯୋଜନା ହେଉଛି ବୁଥ୍ ସ୍ତରୀୟ ଅଧିକାରୀମାନଙ୍କୁ ଆରପି ଆକ୍ଟ ,୧୯୫୦, ନିର୍ବାଚନ ପଞ୍ଜୀକରଣ ନିୟମ ୧୯୬୦ ଏବଂ ସମୟ ସମୟରେ ଜାରି ହୋଇଥିବା ନିର୍ବାଚନ ଅଧିକାରୀଙ୍କର ନିର୍ଦ୍ଦେଶାବଳୀ ଅନୁଯାୟୀ ସେମାନଙ୍କର ଭୂମିକା ଏବଂ ଦାୟିତ୍ୱ ସହିତ ପରିଚିତ କରାଇବା ଏବଂ ଭୋଟର ତାଲିକାର ତ୍ରୁଟିମୁକ୍ତ ଅଦ୍ୟତନ ପାଇଁ ପ୍ରାସଙ୍ଗିକ ଫର୍ମ ପୂରଣ କରିବାର ଆବଶ୍ୟକତା ସହ ମଧ୍ୟ ସେମାନଙ୍କୁ ସୁସଜ୍ଜିତ କରାଯିବ । ସେମାନଙ୍କ କାର୍ଯ୍ୟକୁ ସମର୍ଥନ କରିବା ପାଇଁ ଡିଜାଇନ୍ କରାଯାଇଥିବା ଆଇଟି ଆପ୍ଲିକେସନ୍ ସହିତ ମଧ୍ୟ ସେମାନଙ୍କୁ ପରିଚିତ କରାଯିବ।
ବୁଥ୍ ସ୍ତରୀୟ ଅଧିକାରୀମାନେ ରାଜ୍ୟ ସରକାରଙ୍କ ଅଧିକାରୀ ଏବଂ ଜିଲ୍ଲା ନିର୍ବାଚନ ଅଧିକାରୀ ଙ୍କ ଅନୁମୋଦନ ପରେ ନିର୍ବାଚନ ପଞ୍ଜିକରଣ ଅଧିକାରୀ ଙ୍କ ଦ୍ୱାରା ନିଯୁକ୍ତ ହୁଅନ୍ତି। ମୁଖ୍ୟ ନିର୍ବାଚନ ଅଧିକାରୀ ଶ୍ରୀ ଜ୍ଞାନେଶ କୁମାର ଭୋଟର ତାଲିକାର ତ୍ରୁଟିମୁକ୍ତ ଅଦ୍ୟତନ ଏବଂ ବୁଥ୍ ସ୍ତରୀୟ ଅଧିକାରୀ ମାନଙ୍କ ଗୁରୁତ୍ୱପୂର୍ଣ୍ଣ ଭୂମିକାକୁ ସ୍ୱୀକାର କରି ଗୁରୁତ୍ୱାରୋପ କରିଥିଲେ ଯେ ରାଜ୍ୟ ସରକାରମାନେ ଉପଜିଲ୍ଲାପାଳ କିମ୍ବା ସମକକ୍ଷ ଅଧିକାରୀମାନଙ୍କୁ ସେମାନଙ୍କ ବରିଷ୍ଠତାକୁ ବିଚାର କରି ନିର୍ବାଚନ ପଞ୍ଜିକରଣ ଅଧିକାରୀ ଭାବରେ ମନୋନୀତ କରିବା ଉଚିତ ବୋଲି କହିଛନ୍ତି ଏବଂ ସେମାନଙ୍କ ଦାୟିତ୍ୱରେ ଥିବା ମତଦାନ କେନ୍ଦ୍ରର ଅନୁଯାଇ ଏକ ସାଧାରଣ ବାସିନ୍ଦାକୁ ଏବଂ ବୁଥ୍ ସ୍ତରୀୟ ଅଧିକାରୀ ଭାବେ ନିଯୁକ୍ତ କରିବା ଉଚିତ । 
ମୁଖ୍ୟ ନିର୍ବାଚନ ଅଧିକାରୀ ଗୁରୁତ୍ୱାରୋପ କରିଥିଲେ ଯେ ସମ୍ବିଧାନର ଧାରା ୩୨୬ ଏବଂ ଆରପି ଆକ୍ଟ,୧୯୫୦ ର ଧାରା ୨୦ ଅନୁଯାୟୀ, କେବଳ ୧୮ ବର୍ଷରୁ ଅଧିକ ବୟସର ଏବଂ ସାଧାରଣତଃ ନିର୍ବାଚନମଣ୍ଡଳୀରେ ବାସ କରୁଥିବା ଭାରତର ନାଗରିକମାନେ ଭୋଟର ଭାବରେ ପଞ୍ଜୀକୃତ ହୋଇପାରିବେ।
ସେ ସମସ୍ତ ମୁଖ୍ୟ ନିର୍ବାଚନ ଅଧିକାରୀ , ଜିଲ୍ଲା ନିର୍ବାଚନ ଅଧିକାରୀ  ଓ ନିର୍ବାଚନ ପଞ୍ଜିକରଣ ଅଧିକାରୀମାନଙ୍କୁ ସେମାନଙ୍କ ସ୍ତରରେ ସର୍ବଦଳୀୟ ବୈଠକ କରିବା ଏବଂ ଭୋଟର ତାଲିକାର ସଠିକ୍ ଅଦ୍ୟତନ ସମେତ ସେମାନଙ୍କ କ୍ଷେତ୍ରାଧିକାର ସମ୍ବନ୍ଧୀୟ ସମସ୍ୟାର ସମାଧାନ କରିବା ପାଇଁ ତାଙ୍କ ନିର୍ଦ୍ଦେଶକୁ ପୁନଃ ମନେ ପକାଇଥିଲେ। ସେ ଏହା ମଧ୍ୟ ସତର୍କ କରାଇଥିଲେ ଯେ ନିର୍ବାଚନ ପଞ୍ଜିକରଣ ଅଧିକାରୀ କିମ୍ବା ବୁଥସ୍ତରୀୟ ଅଧିକାରୀଙ୍କ ବିରୁଦ୍ଧରେ ଯକୌଣସି ଅଭିଯୋଗ ଉପରେ କଠୋର କାର୍ଯ୍ୟାନୁଷ୍ଠାନ ନିଆଯିବ। ସେ କହିଥିଲେ ଯେ ଭୋଟର ତାଲିକାର ଅଦ୍ୟତନ ପାଇଁ ଘର ଘର ଯାଞ୍ଚ ସମୟରେ ସମସ୍ତ ବୁଥ୍ ସ୍ତରୀୟ ଅଧିକାରୀମାନେ ଭୋଟରଙ୍କ ସହିତ ଭଦ୍ର ଭାବରେ ଆଲୋଚନା କରିବା ଉଚିତ। ସେ କହିଥିଲେ ଯେ କମିଶନ ପ୍ରାୟ ୧୦୦ କୋଟି ଭୋଟରଙ୍କ ସହିତ ଠିଆ ହୋଇଥିଲା, ଅଛି ଏବଂ ସର୍ବଦା ରହିବ।