26-Mar-2025

ବରଗଡ଼:(ନିରଞ୍ଜନ ତ୍ରିପାଠୀ)-ବରଗଡ଼ ଜିଲ୍ଲା ପାଇକମାଲ ବ୍ଲକ ଅନ୍ତର୍ଗତ ସରେଇକେଲା ଗୌନ୍ତିଆ ପଡା ଠାରେ ଆସନ୍ତା ଏପ୍ରିଲ ତା ୦୨ ରୁ ୦୩ ପର୍ଯ୍ୟନ୍ତ ଦୁଇ ଦିନ ବ୍ୟାପୀ ହେବାକୁ ଥିବା ଅଷ୍ଟ ପ୍ରହରୀ ନାମ ଯଜ୍ଞ ର ଶୁଭ ସ୍ତମ୍ଭ  ସ୍ଥାପିତ ହୋଇ ଯାଇଛି ।ପଣ୍ଡିତ ଶୁକୃ ହୋତା ଙ୍କ ପୌରୋହିତ୍ୟ ରେ ଯଜ୍ଞ କର୍ତ୍ତା କବିରାଜ ପ୍ରଧାନ ଓ ଧର୍ମପତ୍ନୀ ପୂର୍ଣ୍ଣିମା ପ୍ରଧାନ ପୂଜା କାର୍ଯ୍ୟ ସମ୍ପାଦନ କରିଥିଲେ । ପଡା ର କୀର୍ତ୍ତନ ମଣ୍ଡଳୀ  ସମେତ ସମସ୍ତ ପଡ଼ା ବାସିନ୍ଦା ଏହି କାର୍ଯ୍ୟକ୍ରମ ରେ ଉପସ୍ଥିତ ରହି ସଙ୍କୀର୍ତ୍ତନ ପରିବେଷଣ କରିବା ସହ ଶୁଭ ସ୍ତମ୍ଭ ସ୍ଥାପନ ରେ ଉପସ୍ଥିତ ରହିଥିଲେ l ଗୌନ୍ତିଆପଡ଼ା ବାସୀ ଙ୍କ ମିଳିତ ଉଦ୍ୟମ ରେ  ଅନୁଷ୍ଠିତ ହେବାକୁ ଥିବା ଏହି ଅଷ୍ଟ ପ୍ରହର ନାମ ସଂକୀର୍ତନ ରେ ପ୍ରସିଦ୍ଧ କୀର୍ତ୍ତନ ଗାୟକ ଗୁରୁ ଶ୍ରୀ ସଞ୍ଜୟ ସାହୁ ରାଧା ଗୋବିନ୍ଦ କୀର୍ତ୍ତନ ମଣ୍ଡଳୀ ଅଧାମୁଣ୍ଡା କଳାହାଣ୍ଡି,ଗାୟକ ସୁଶାନ୍ତ ସାହୁ ସମଲେଶ୍ୱରୀ କୀର୍ତ୍ତନ ମଣ୍ଡଳୀ ଜାମପାଲି,ଗାୟିକା ଲିପସାରାଣୀ ଖମାରୀ, ବୁଢୀମା କୀର୍ତ୍ତନ ମଣ୍ଡଳୀ ଗଣ୍ଠିଆ ପାଲି,ଗାୟିକା ରଞ୍ଜିତା ହଂସ ସମଲେଶ୍ୱରୀ କୀର୍ତ୍ତନ ମଣ୍ଡଳୀ ଭାଙ୍ଗକୁଦ ସାମିଲ ହୋଇ କୀର୍ତ୍ତନ କରିବେ l  ସଙ୍କୀର୍ତ୍ତନ ପ୍ରେମୀ ସୁଧୀ ବୃନ୍ଦ ଏହି ପବିତ୍ର ଯଜ୍ଞ କର୍ମ ରେ ଯୋଗଦାନ କରି ଅକ୍ଷୟ ପୁଣ୍ୟ ଅର୍ଜନ କରିବା ପାଇଁ ଆୟୋଜକ ସରେଇକେଲା ଗୌନ୍ତିଆ ପଡ଼ା ବାସୀ ଙ୍କ ତରଫରୁ ଅନୁରୋଧ କରାଯାଇଛି l