25-Mar-2025

ତୁଷୁରା(ପଞ୍ଚାନନ ନାଏକ): ଆଗାମୀ ଶିକ୍ଷାବର୍ଷ ୨୦୨୫-୨୬ ରେ ନୂତନ ଶିକ୍ଷାନୀତି-୨୦୨୦ କାର୍ଯ୍ୟକାରୀ ହେବାକୁ ଯାଉ ଥିବାରୁ ରାଜ୍ୟ ସରକାରଙ୍କର ଯୋଜନାନୁଯାୟୀ ବ୍ଲକ୍ ର ସମସ୍ତ ବିଦ୍ୟାଳୟରେ ଶିଶୁ ସଂଗ୍ରହ ଅଭିଯାନ ଆରମ୍ଭ ହୋଇ ଯାଇଛି। ତୁଷୁରା ଏନ୍‌ଏ‌ସି ଅନ୍ତର୍ଗତ ସରକାରୀ ବାଳକ ଉଚ୍ଚ ପ୍ରାଥମିକ ବିଦ୍ୟାଳୟରେ ମଧ୍ୟ ପ୍ରଧାନ ଶିକ୍ଷକ ହେମନ୍ତ କୁମାର ଦାଶଙ୍କ ନେତୃତ୍ୱରେ ସମସ୍ତ ସହକାରୀ ଶିକ୍ଷୟିତ୍ରୀ ଘର ଘର ବୁଲି ଶିଶୁ ସଂଗ୍ରହ ଅଭିଯାନ ଆରମ୍ଭ କରି ଦେଇଛନ୍ତି। ଏହି ପରିପ୍ରେକ୍ଷୀ ରେ ପତିତପାବନ ପଡାରେ ବିଦ୍ୟାଳୟ ପରିଚାଳନା ସମିତି ସଭାପତି ପ୍ରିୟବ୍ରତ ଛତ୍ରିଆଙ୍କ ସଭାପତିତ୍ଵରେ ଏକ ଜନ ସଚେତନତା ସଭା ଅନୁଷ୍ଠିତ ହୋଇ ଯାଇଛି। ଏଥିରେ ମୁଖ୍ୟ ଅତିଥି ଭାବେ ଏନ୍‌ଏସି ଅଧ୍ଯକ୍ଷ ଅଜୟ ଜୟଶ୍ବାଲ ଯୋଗ ଦେଇ

ଶିଶୁ ପ୍ରିନ୍ସ ସୁନା, ଭିଭାନ ଦୀପ ଓ ଜିନା ଛତ୍ରିଆଙ୍କୁ ମୁଖ୍ୟମନ୍ତ୍ରୀଙ୍କ ବାର୍ତ୍ତା ସମ୍ବଳିତ ନିମନ୍ତ୍ରଣ ପତ୍ର ବଣ୍ଟନ କରିଥିଲେ। ଏହି ଅବସରରେ ଅଭିଭାବକ ଟୁନା ସୁନା, ଅଭିଭାବିକା ଯଶୋବନ୍ତୀ ସୁନା, ଜନନୀ ଛତ୍ରିଆ ଓ ପ୍ରୀତି ଦୀପ ଉପସ୍ଥିତ ଥିଲେ। ସମ୍ମାନିତ ଅତିଥି ଭାବେ ସିଆର୍‌ସିସି ଜଗମୋହନ ତ୍ରିପାଠୀ ଯୋଗ ଦେଇ କାର୍ଯ୍ୟକ୍ରମ ର ଉଦ୍ଦେଶ୍ୟ ଜ୍ଞାପନ କରିଥିଲେ। ପ୍ରଧାନ ଶିକ୍ଷକ ଶ୍ରୀ ଦାଶ ସଭା ସଞ୍ଚାଳନ କରିଥିଲେ। ସହକାରୀ ଶିକ୍ଷୟିତ୍ରୀ  ପ୍ରଶାନ୍ତି ଦାସ, ଆକାଂକ୍ଷା ରାଣୀ ଯୋଶୀ, ଅଙ୍ଗନୱାଡ଼ି କର୍ମୀ ମାୟାବତୀ ଛତ୍ରିଆ, ସାମ୍ବାଦିକ ବିନୋଦ କୁମାର ସୁନା, ସିସିଏଚ୍ ଗିତା ଦର୍ଜୀ ଓ ଗୁଣମତି ମହାଲିଙ୍ଗ ସହଯୋଗ କରିଥିଲେ। ଶେଷରେ ସହକାରୀ ଶିକ୍ଷୟିତ୍ରୀ ବିନ୍ଦୁ ମହାଣା ଧନ୍ୟବାଦ ଅର୍ପଣ କରିଥିଲେ। ପ୍ରଧାନ ଶିକ୍ଷକ ଶ୍ରୀ ଦାଶଙ୍କ ଏଭଳି ଅଭିନବ ପ୍ରୟାସକୁ ଜନ ସାଧାରଣରେ ଭୁରି ଭୁରି ପ୍ରଶଂସା କରିଥିଲେ।