24-Mar-2025

ବରଗଡ଼:(ନିରଞ୍ଜନ ତ୍ରିପାଠୀ)- ବରଗଡ ଜିଲ୍ଲା ଅମ୍ବାଭୋନା ବ୍ଲକ ଅନ୍ତର୍ଗତ ଉତ୍ତମ ଶିବ ମନ୍ଦିର ଠାରେ ଆଜି ସୋମବାର ଦିନ ଅପରାହ୍ନ ୪ ଟା ସମୟରେ ଠାରେ ବାରପାହାଡ଼ କୃଷକ ସଙ୍ଗଠନ, ଲାଲବହାଦୁର କୃଷକ ସଂଗଠନ ଏବଂ ଅମ୍ବାଭାନା ବ୍ଲକ ର କୃଷକ ମାନଙ୍କ ଏକ ଜରୁରୀ ବୈଠକ ବସିଥିଲା। ବୈଠକ ରେ ବକେୟା ବିଦ୍ୟୁତ ବିଲ ଦେଇ ନ ପାରିଲେ ଲାଇନ କଟିବା ଘଟଣା କୁ ଅତି ଗମ୍ଭୀର ଭାବରେ ବିଚାର କରି ମନ୍ତ୍ରୀ,ଏମ ଏଲ ଏ ଙ୍କ ନିଷ୍ପତ୍ତି ବିରୋଧ ରେ କମ୍ପାନୀ କାହା ତାକତ ରେ ଏହି ପରି ପଦକ୍ଷେପ ନେଉଛନ୍ତି ବୋଲି ଏଠାରେ ପ୍ରଶ୍ନ କରାଯାଇଛି। ପ୍ରକାଶ ଥାଉ କି ଜରିମୂଲୀ ଗ୍ରାମ ର ସୌଦାଗର କୁଆଁର ଙ୍କ ଲାଇନ କଟିବା ପରେ ଈଶାନ୍ତ ଭୋଇ ଟାଟା ପାୱାର ର ଜେ ଇ ଙ୍କୁ କାହିଁକି ଲାଇନ କାଟିଲ ବୋଲି ପ୍ରଶ୍ନ କରିବାରୁ ତାହାଙ୍କୁ ନିସ୍ତୁକ ମାଡ ମାରିବା ଘଟଣା କୁ ତୀବ୍ର ନିନ୍ଦା କରାଯାଇଛି। କମ୍ପାନୀ କର୍ମଚାରୀ ମାନେ ମାଡ ମାରିବା ପରେ ପୁଣି ତାଙ୍କର କାର୍ଯ୍ୟକୁ ଉଚିତ ପଦକ୍ଷେପ  ନେଇଥିବା ଦର୍ଶାଇ ଖବର କାଗଜ ରେ ପ୍ରକାଶ କରିବା ଏବଂ ଥାନା ରେ ଉଦ୍ଦେଶ୍ୟ ମୂଳକ ଭାବେ କେସ ଦାଏର କରିବା ଆହୁରୀ ଏକଛାତ୍ରବାଦ ର ଏହା ଏକ ନିଚ୍ଛକ ନମୁନା ଅଟେ ବୋଲି ସଭାରେ ଆଲୋଚନା ହୋଇଛି। ଗତ କାଲି ଟି ପି ଡବ୍ଲୁ ଓ ଡି ଏଲ ତରଫରୁ ପ୍ରେସ ବାର୍ତ୍ତା ରେ ଗଣମାଧ୍ୟମ ରେ ବିଭ୍ରାନ୍ତି ଖବର ବାହାରିଥିବା ପ୍ରକାଶ କରି ଗଣତାନ୍ତ୍ରିକ ଆନ୍ଦୋଳନ ଏବଂ ନିରପେକ୍ଷ ସାମ୍ବାଦିକ କୁ ମଧ୍ୟ୍ୟ କଣ୍ଠରୋଧ କରିବା ପାଇଁ ଚେଷ୍ଟା କରିବା ବୁଦ୍ଧିଜୀବି ମହଲରେ ଗଭୀର ଚକ୍ରାନ୍ତ ଚାଲୁଥିବା ର ଆଲୋଚନା ସଭାରେ ମତପ୍ରକାଶ ପାଇଛି। ବୈଠକ ରେ ଉପେନ୍ଦ୍ର ଦାସ, କୀର୍ତ୍ତି ଦୁଆନ, ସତ୍ୟ ଭୂଷଣ ସାହୁ, ହୀରାଧର ସାହୁ, ଛନ୍ଦାଚରଣ ଭୋଇ, ଇନ୍ଦଜିତ ବିଶି, ଇମାନୁଆଲ ରଣବୀର, ନେତ୍ରାନନ୍ଦ ପୁରୋହିତ, ମନୋହର ପଧାନ, ଜୟ ପ୍ରକାଶ ବେହେରା, ଅଭିମନ୍ୟୁ ପଧାନ, ମହେନ୍ଦ୍ର ଦେହେରୀ, ଈଶାନ୍ତ ଭୋଇ, ସୌଦାଗର କୁଆଁର ଆଲୋଚନା ରେ ଅଂଶ ଗ୍ରହଣ କରିଥିବା ବେଳେ ସଂଯୁକ୍ତ କୃଷକ ସଂଗଠନ ର ଉପଦେଷ୍ଟା ରମେଶ ମହାପାତ୍ର, ରବିଶଙ୍କର ପଧାନ, ଥବିର ସାହୁ, ତପନ ମିଶ୍ର, କାରଣ ସାହୁ, ସୁରେଶ ନିକେଣ୍ଟି ଉପସ୍ଥିତ ଥିଲେ।