23-Mar-2025

ବିନିକା(ହିମାଂଶୁ ଶେଖର ପୁଟେଲ) ଆୟୋଜିତ ହେଉଥିବା ବଡି ବିଲ୍ଡର ଅର୍ଥାତ ସୁନ୍ଦର ପ୍ରତିଯୋଗିତାରେ ଦୀର୍ଘ ଦଶନ୍ଧି ଧରି କେହି ବି ସମ୍ପ୍ରତି ବିନିକା ଅଞ୍ଚଳରୁ ପ୍ରତିନିଧିତ୍ଵ କରୁ ନଥିଲେ ।ହେଲେ ଏ ଅଞ୍ଚଳର ଜଣେ ଯୁବ ପ୍ରତିଭା ପ୍ରଥମ ବ୍ୟକ୍ତି ଭାବେ ଉକ୍ତ ପ୍ରତିଯୋଗିତାରେ ଭାଗନେଇ ଦ୍ଵିତୀୟ ସ୍ଥାନ ଅଳଙ୍କୃତ କରି ବିନିକା ଅଞ୍ଚଳ ପାଇଁ ଗୌରବ ସୃଷ୍ଟି କରିଛନ୍ତି ।ସେ ହେଉଛନ୍ତି ବିନିକା ଏନଏସି ଅନ୍ତର୍ଗତ ଗୁଲାପଡ଼ା ଗ୍ରାମର ବୈରାଗୀ ପ୍ରଧାନ ।ଶ୍ରୀ ପ୍ରଧାନ ବର୍ତ୍ତମାନ କାଉନସିଲର ପଦରେ ପ୍ରତିନିଧିତ୍ଵ କରି ଲୋକଙ୍କ ସେବା ଜାରି ରଖିଥିବା ବେଳେ ସ୍ପୋର୍ଟସ କ୍ଲବ ସକ୍ରିୟ

ସଦସ୍ୟ ଏବଂ ବିଜୁ ପଟ୍ଟନାୟକ ଇଣ୍ଡୋର ଷ୍ଟାଡିୟମ ଜିମ ବିଭାଗରେ ପ୍ରଶିକ୍ଷକ ଦାୟିତ୍ଵ ତୁଲାଉଛନ୍ତି । ହୃଷ୍ଟ ପୃଷ୍ଟ ଶରୀର ଗଠନ ଓ ସ୍ୱାସ୍ଥ୍ୟର  ଉନ୍ନତି ସକାଶେ ଜିମ ବିଭାଗରେ ଥିବା ବିଭିନ୍ନ ପ୍ରକାରର ବ୍ୟାୟାମ କୌଶଳ ଯୁବକ ଯୁବତୀଙ୍କୁ ପ୍ରଶିକ୍ଷଣ ଦେବା ସହିତ ନିଜେ ମଧ୍ୟ କଠିନ ପରିଶ୍ରମ କରି ଶିକ୍ଷା ଲାଭ କରିଥିଲେ। ପୁରସ୍କାର ମିଳୁ କି ନମିଲୁ ଶରୀର ପାଇଁ ପ୍ରତିଯୋଗିତାରେ ଭାଗ ନେଇ ଦକ୍ଷତା ପ୍ରତିପାଦନ କରିବା ଶ୍ରେଜସ୍କର ଭାବି ୨୨ତାରିଖ ବଲାଙ୍ଗୀର ଠାରେ ଆୟୋଜିତ ପଶ୍ଚିମ ଓଡ଼ିଶା ସ୍ତରୀୟ ବଡ଼ି ବିଲ୍ଡର ଚାମ୍ପିଅନସିପ ପ୍ରତିଯୋଗିତାରେ ଭାଗ ନେଇଥିଲେ ।ପ୍ରତିଯୋଗିତାରେ ବିଭିନ୍ନ ସ୍ଥାନରୁ ପ୍ରାୟ ୩୫ରୁ ଅଧିକ ପ୍ରତିଯୋଗୀ ଅଂଶ ଗ୍ରହଣ କରିଥିଲେ ।ହେଲେ ନିର୍ଭୀକ ଦକ୍ଷତା ପାଳନ ପୂର୍ବକ ବୈରାଗୀ ନିଜ ଶରୀରର କୌଶଳ ପ୍ରଦର୍ଶନ କରି ଦ୍ଵିତୀୟ ସ୍ଥାନ ଅଧିକାର କରିବାରେ ସଫଳ ହୋଇଥିଲେ । ପଦକ ଜିତି ବୈରାଗୀ ବଲାଙ୍ଗୀରରୁ ଫେରିବା ପରେ ଆଜି ରବିବାର ମଧ୍ୟାହ୍ନ ୧୨ଟା ସମୟରେ "ପ୍ରେରଣା" ସାମ୍ବାଦିକଙ୍କୁ ଭେଟି ପ୍ରକାଶ କରିଛନ୍ତି ଯେ ଆଜିର ଜୀବନ ଶୈଳୀରେ ସ୍ବାସ୍ଥ୍ୟ ହିଁ ଅମୂଲ୍ୟ ସମ୍ପଦ । ଶରୀରକୁ ପରିବେଶ ସହିତ ଖାପଖୁଆଇ ନିଜର ସ୍ବାସ୍ଥ୍ୟକୁ ଠିକ ରଖି ପାରିଲେ  ଆୟୁଷ ବଡିବା ସହିତ ବୟସାଧିକ ସମୟରେ ଦୁର୍ବଳ କରି ପାରିବ ନାହିଁ ବରଂ ନିଜର ଶାରୀରିକ କ୍ଷମତା

ଅଧିକ ମାତ୍ରାରେ ବୃଦ୍ଧି ପାଇବ।  ଜୀବନର ଶେଷ ପର୍ଯ୍ୟନ୍ତ ସ୍ଵଭାବ ବଳବତ୍ତର ରହିବ। ପୁରସ୍କାର ମିଳୁ ଅବା ନମିଲୁ ବିଭିନ୍ନ ପ୍ରତିଯୋଗିତାରେ ଭାଗ ନେଇ ଦକ୍ଷତା ପ୍ରତିପାଦନ କରିବା ଶ୍ରେଜସ୍କର ବୋଲି ସୁନ୍ଦର ପ୍ରତିଯୋଗିତା ବିଜେତା ବୈରାଗୀ ପ୍ରଧାନ କହିଛନ୍ତି । ତାଙ୍କର ଏହି ସଫଳତା ପାଇଁ ଅଞ୍ଚଳରେ ଖୁସିର ଲହରୀ ଖେଳିଯାଇଛି। ତେବେ ସେ ଯାହା ବି ହେଉ ପ୍ରଥମ କରି ଏଭଳି ପ୍ରତିଯୋଗିତାରେ ଭାଗ ନେଇଥିବାରୁ ସୁସ୍ଥ ଜୀବନ ଶୈଳୀ ଗଠନ ପାଇଁ ତାଙ୍କର  ଶାରୀରିକ ଶିକ୍ଷା ଅଞ୍ଚଳର ଅନେକ ଯୁବକ ଯୁବତୀଙ୍କୁ ଆଗାମୀ ଦିନରେ ପ୍ରେରଣା ଯୋଗାଇବ ବୋଲି ବୁଦ୍ଧିଜୀବୀ ମହଲରେ ଆଶା ପ୍ରକଟ ପାଇଛି।