23-Mar-2025

ବଲାଙ୍ଗୀର ଗାନ୍ଧୀ ଷ୍ଟାଡିୟମ୍ ପରିସରରେ ଆଜି ବଲାଙ୍ଗୀର ଚାମ୍ପିଅନ ଟ୍ରଫି କ୍ରିକେଟ ଲିଗ୍ ମେଚ କୁ ନେଇ ପ୍ଲେୟାର ଅକ୍ସନ ପ୍ରକିୟା ଆରମ୍ଭ ହୋଇଯାଇଛି।ତେବେ ଆସନ୍ତା ଏପ୍ରିଲ ୬ରୁ ୧୩ ପର୍ଯ୍ୟନ୍ତ ହେବାକୁ ଥିବା ବଲାଙ୍ଗୀର ଚାମ୍ପିଅନ ଲିଗ୍ ୨୦୨୫ ପାଇଁ ପ୍ଲେୟାର ଅକ୍ସନ ପ୍ରକିୟାରେ ୬ ଟି ଦଳ  ମାଲିକାନା ପାଇଥିବା ବେଳେ ସ୍ବରାଜ,ବ୍ଲାଷ୍ଟର, ଡ଼ ଅମ୍ବେଦକର ୱାରିଅର,ଆର୍ ଏସ ଫାଇଟର,ଅବ୍ରାହମ ଟ୍ରାଇକର ଖେଳାଳି ଚୟନ ପ୍ରକିୟା ଜାରି ରଖିଛନ୍ତି।ଯେଉଁଥିରେ ଆଜି ଲଟେରୀ ମାଧ୍ୟମରେ ପ୍ରଥମ ରୁ ଷଷ୍ଠ ପର୍ଯ୍ୟନ୍ତ ବୋଲି ପରେ ଖେଳାଳି ଚୟନ ପ୍ରକିୟା ସରିଛି। ତେବେ ବଲାଙ୍ଗୀର ଗାନ୍ଧୀ ଷ୍ଟାଡିୟମ ଖେଳ ପଡିଆ ଡବ୍ଲୁ ଓ ଡି ସି କନଫରେନ୍ସ ହଲ ରେ ଆୟୋଜନ ହୋଇଥିବା ପ୍ଲେୟାର ଅକ୍ସନ ବେଳେ ବଲାଙ୍ଗୀର ଚମ୍ପିଅନ ଲିଗ କମିଟି ସଭାପତି ସନ୍ତୋଷ ଆନନ୍ଦ ମିଶ୍ର,ସଂପାଦକ ବିକ୍ରମ ପାତ୍ର, ବରିଷ୍ଠ ଖେଳାଳି ସୂର୍ଯ୍ୟ ନାରାୟଣ ମିଶ୍ର,ଦିବ୍ୟ ରଞ୍ଜନ ମିଶ୍ର,ଅରବିନ୍ଦ ହୋତା, ହରିଶ୍ ଦାନି ପୃଥିରାଜ୍ ମିଶ୍ର,ରଶ୍ମି ରଂଜନ ପଟ୍ଟନାୟକ ପ୍ରମୁଖ ମଞ୍ଚରେ ସମସ୍ତ ପ୍ରକିୟା ପରିଚାଳନା କରିଥିଲେ। ଯେଉଁଥିରେ ଚାମ୍ପିଅନ କମିଟି ସହ ସଦସ୍ୟ ବିଷ୍ଣୁ ପ୍ରସାଦ ଜାଲ,ଗୋଲ ରମଣ ମିଶ୍ର,ଆଶିଷ ମିଶ୍ର,ସୁଶାନ୍ତ କୁମାର ଠାକୁର ସହଯୋଗ କରିଥିଲେ।ତେବେ ବଲାଙ୍ଗିରରେ ପ୍ରତିବର୍ଷ ଭଳି ଚଳିତ ବର୍ଷ ମଧ୍ୟ ବଲାଙ୍ଗୀର ଚାମ୍ପିଅନ ଟି ଟ୍ୱେନଟି କ୍ରିକେଟ ଲିଗ୍ ୨୦୨୫ ଏପ୍ରିଲ ୬ରୁ ଆରମ୍ଭ ହେବାକୁ ଯାଉଥିବା ବେଳେ ପ୍ରତିଦିନ ଦୁଇଟି ମ୍ୟାଚ୍ ହେବ।ଫାଇନାଲ ଖେଳ ଏପ୍ରିଲ ୧୩ ରେ ହେବା ନେଇ କମିଟି  ସବିଶେଷ ସୂଚନା ଦେଇଛି।କେବଳ ବଲାଙ୍ଗୀର ଜିଲ୍ଲାର ଖେଳାଳିଙ୍କୁ ନେଇ ବଲାଙ୍ଗୀର ଚାମ୍ପିଅନ ଲିଗ୍ ୨୦୨୫ ଖେଲାହେବ। ଯାହା ଆଗାମୀ ଦିନରେ ଯୁବ ପିଢ଼ି କ୍ରିକେଟ ଖେଳ ପ୍ରତି ମନ୍ ବଲାଇବେ ଏବଂ ନିଜର ପ୍ରତିଭା ପ୍ରଦର୍ଶନ କରି ଜିଲ୍ଲା ସହ ରାଜ୍ୟର ନାଁ ରଖି ଗର୍ବ ଓ ଗୌରବ ଆଣିବେ।