23-Mar-2025

ବରଗଡ଼:(ନିରଞ୍ଜନ ତ୍ରିପାଠୀ)-ବରଗଡ ସହରରୁ ଦିର୍ଘ ୩୦ ବର୍ଷ ହେଲା ନିୟମିତ ଭାବେ ପତ୍ରିକାର ସମ୍ପାଦକ ଶ୍ରୀଯୁକ୍ତ ପ୍ରଦୀପ ଭାନୁ ମହାନ୍ତିଙ୍କ ସମ୍ପାଦନା ରେ ପ୍ରକାଶ ପାଇ ଆସୁଛି। ଆଜି ତାର ବାର୍ଷିକୋତ୍ସବ ସ୍ଥାନୀୟ ବାପୁଜୀ ସ୍ୱତନ୍ତ୍ର ବିଦ୍ୟାଳୟ ବରଗଡ଼ ଠାରେ ପାଳିତ ହୋଇଯାଇଛି।ଏହି ବାର୍ଷିକୋତ୍ସବ କାର୍ଯ୍ୟକ୍ରମରେ ଯୁଗୋପଯୋଗୀ  ସୁବର୍ଣ୍ଣଦୀପର ମୁଖ୍ୟ ଉପଦେଷ୍ଟା ସର୍ଦ୍ଦାର ପ୍ରୀତମ ସିଂ ଙ୍କ ସଭାପତିତ୍ବ ଅନୁଷ୍ଠିତ ହୋଇଥିଲା। ମୁଖ୍ୟ ଅତିଥି ଭାବେ ଭିମସାର ବୁର୍ଲାର କାର୍ଯ୍ୟରତ ମେଡିସିନ ସ୍ପେସାଲିଷ୍ଟ ଡ଼ା. ଶଙ୍କର ରାମ ଚନ୍ଦାନୀ, ସମ୍ମାନୀତ ଅତିଥି ଭାବେ ବିଶିଷ୍ଟ ସାହିତ୍ୟିକ ମନୋରଞ୍ଜନ ମେହେର,ଯଶବୀର ସିଂ ସୈନୀ, ବାପୁଜୀ ସ୍ୱତନ୍ତ୍ର ବିଦ୍ୟାଳୟ ବରଗଡ଼ର ପ୍ରଧାନ ଶିକ୍ଷକ କିଶୋର ସାହୁ, ବାପୁଜୀ ସ୍କୁଲ କମିଟିର ସଭାପତି ଡା.ଦିଲିପ କୁମାର ପଣ୍ଡା ଯୋଗଦାନ କରିଥିବାବେଳେ, ବରଗଡ଼ର ବିଶିଷ୍ଟ ଓକିଲ କିରଣ ମିଶ୍ର ମୁଖ୍ୟ ବକ୍ତା ଭାବେ ଯୋଗଦାନ କରି ସମ୍ପାଦକ ଶ୍ରୀଯୁକ୍ତ ମହାନ୍ତିଙ୍କ ପ୍ରଚେଷ୍ଟାରେ ଶିଶୁ କିଶୋର ପତ୍ରିକା ସୁବର୍ଣ୍ଣଦୀପ ଆଜି ଯାଏ ବଞ୍ଚି ରହିଛି। ଅନେକ ସଂଘର୍ଷର ଏହାହିଁ ଏକ ନମୁନା ବୋଲି ମତବ୍ୟକ୍ତ କରିଥିଲେ। ଏଅବସରରେ ପ୍ରାରମ୍ଭେ ସୁବର୍ଣ୍ଣଦୀପ ପତ୍ରିକାର ସହ ସମ୍ପାଦକ ନବକୃଷ୍ଣ ମିଶ୍ର ଅତିଥି ମାନଙ୍କୁ ମଞ୍ଚକୁ ଆମନ୍ତ୍ରଣ କରିଥିଲେ। ସମ୍ପାଦକ ଶ୍ରୀଯୁକ୍ତ ମହାନ୍ତି ଅତିଥି ମାନଙ୍କ ପରିଚୟ ପ୍ରଦାନ ସହ ସଂପାଦକୀୟ ବିବରଣୀ ପଠନ କରିଥିଲେ।

ଏ ଅବସରରେ ଡ଼ା. ଶଙ୍କର ରାମ ଚନ୍ଦାନୀଙ୍କୁ ସେବା ସମ୍ମାନ, ସୁଦୂର କଲିକତାରୁ ଆସିଥିବା ବିଶିଷ୍ଟ ସାହିତ୍ୟିକ ସୁଧାଂଶୁ ଶେଖର ଦ୍ୱିବେଦୀ ଙ୍କୁ ୩୦ତମ ରାଜ୍ୟ ସ୍ତରୀୟ ସାରସ୍ଵତ ସମ୍ମାନ, ଶ୍ରୀମତୀ ପ୍ରଭାତ ନଳିନୀ ସାହୁଙ୍କୁ ସାରସ୍ୱତ ସମ୍ମାନ, ଶ୍ରୀମତୀ ରାଧାରାଣୀ ପଟ୍ଟନାୟକଙ୍କୁ ପ୍ରକାଶନୀ ସମ୍ମାନ ନବକୃଷ୍ଣ ମିଶ୍ରଙ୍କୁ ପ୍ରତିଭା ସମ୍ମାନ, ରାଜେଶ ପାତ୍ରଙ୍କୁ ସମାଜସେବୀ ସମ୍ମାନ ସହ ବିଭିନ୍ନ କ୍ଷେତ୍ରରେ ପାରଦର୍ଶିତା ଅର୍ଜନ କରିଥିବା ପ୍ରତିଭା ମାନଙ୍କୁ ଅନୁଷ୍ଠାନ ପକ୍ଷରୁ ଅତିଥି ବୃନ୍ଦ ମଞ୍ଚରେ ଉପଢ଼ୌକନ ସହ ମାନପତ୍ର ଦେଇ ସମ୍ମାନୀତ କରିଥିଲେ। ଶେଷରେ ନୃତ୍ୟ ଗୁରୁ ସାନ ମଲ୍ଲିକଙ୍କ ଉଦ୍ୟମ ପ୍ରତିଷ୍ଠିତ ସାନ ଡ୍ୟାସ ଏକାଡେମୀ ପରିବାରର କୁନିକୁନି ପିଲାମାନେ ତାଙ୍କ ନୃତ୍ୟ ପରିବେଷଣ କରିଥିଲେ।