22-Mar-2025

ବଲାଙ୍ଗୀର(ପ୍ରେରଣା ଖବର): ଆଜି ସକାଳେ ସ୍ଥାନୀୟ ପତିତପାବନ ଏକାଡେମୀ ଠାରେ ସାପ୍ତାହିକ ପ୍ରେରଣା ତରଫରୁ ସ୍କୁଲ ଛାତ୍ରଛାତ୍ରୀମାନଙ୍କୁ ନେଇ ଏକ ଚିତ୍ରାଙ୍କନ ପ୍ରତିଯୋଗିତା ଅନୁଷ୍ଠିତ ହୋଇଥିଲା l ପ୍ରଥମରୁ ପଞ୍ଚମ, ଷଷ୍ଠ ରୁ ସପ୍ତମ ଏବଂ ଅଷ୍ଟମ ରୁ ଦଶମ ଶ୍ରେଣୀ ର ଛାତ୍ରଛାତ୍ରୀ ମାନଙ୍କୁ ନେଇ ଏପରି ତିନୋଟି ବିଭାଗରେ  ଏହି ପ୍ରତିଯୋଗିତା ଅନୁଷ୍ଠିତ ହୋଇଥିଲା l ଏଥିରେ ବଲାଙ୍ଗୀର ସହରର ବିଭିନ୍ନ ସରକାରୀ ଓ ଘରୋଇ ସ୍କୁଲର ଛାତ୍ରଛାତ୍ରୀମାନେ ଯୋଗ ଦେଇଥିଲେ l ଏହି ପ୍ରତିଯୋଗିତାର ବିଚାରକ ଭାବେ ଚିତ୍ରଶିଳ୍ପୀ ଜବlହାରଲାଲ ନନ୍ଦ, ସତ୍ୟ ସିଂହଦେଓ, ମଦନ ଜୁଏଡ,

ଶ୍ରୀମତୀ ଆଶାଲତା ସେଠୀ, ରଶ୍ମିତା ଡାକୁଆ ପ୍ରମୁଖ ଯୋଗ ଦେଇ କୃତୀ ପ୍ରତିଯୋଗୀମାନଙ୍କ ନାମ ଘୋଷଣା କରିଥିଲେ l ପ୍ରେରଣା ର ସଂପାଦକ ରଘୁ ନନ୍ଦନ ସିଂହ ଙ୍କ ତତ୍ତ୍ଵାବଧାନରେ ଅନୁଷ୍ଠିତ ଏହି ପ୍ରତିଯୋଗିତା ଆୟୋଜନରେ ରତ୍ନମୟ ତ୍ରିପାଠୀ, ବିଶ୍ୱରଞ୍ଜନ ଡାକୁଆ ଓ ଆକୁଳ ବେହେରା ସହଯୋଗ କରିଥିଲେ l ଆସନ୍ତା ୨୫ତାରିଖରେ ବଲାଙ୍ଗୀର ବୋଷ କଲୋନୀ ସ୍ଥିତ ମୋଣ୍ଟେସୋରୀ ପବ୍ଲିକ ସ୍କୁଲ ଠାରେ କଲେଜ ସ୍ତରୀୟ ଓଡ଼ିଆ ଓ ଇଂରାଜୀ ବକ୍ତୃତା ପ୍ରତିଯୋଗିତା ଅନୁଷ୍ଠିତ ହେବ l ସମସ୍ତ କୃତୀ ପ୍ରତିଯୋଗୀ ଆସନ୍ତା ଏପ୍ରିଲ ୬ତାରିଖ ପବିତ୍ର ରାମ ନବମୀ ସନ୍ଧ୍ୟାରେ ସ୍ଥାନୀୟ ସାମ୍ବାଦିକ ଭବନ ଠାରେ ଅନୁଷ୍ଠିତ ପ୍ରେରଣାର ସ୍ୱନକ୍ଷତ୍ର ଦିବସ ଦିନ ପୁରସ୍କୃତ ହେବେ ବୋଲି ସୂଚନା ଦିଆଯାଇଛି l