21-Mar-2025

କଣ୍ଟାମାଳ
ଜୟ କୁମାର ମହାରଣା 

ବୌଦ୍ଧ ଜ଼ିଲ୍ଲା କଣ୍ଟାମାଲ ବ୍ଲକ ସ୍ତରୀୟ ଜଳ ବିଭାଜିକା ମହୋତ୍ସବ-୨୦୨୫ ଉଦଘାଟିତ ହୋଇଯାଇଛି। ଜ଼ିଲ୍ଲା ପ୍ରକଳ୍ପ ନିର୍ଦେଶକ ପ୍ରଦୀପ ମହାନ୍ତିଙ୍କ ଅଧକ୍ଷତାରେ ଅନୁଷ୍ଠିତ ସାଧାରଣ ସଭାରେ ମୁଖ୍ୟ ଅତିଥିଭାବେ ଜ଼ିଲ୍ଲା ପରିଷଦ ଉପାଧ୍ୟକ୍ଷ ଶଙ୍କର୍ଷଣ ପ୍ରଧାନ ଯୋଗ ଦେଇଥିବାବେଳେ ସମ୍ମାନିତ ଅତିଥିଭାବେ ଜ଼ିଲ୍ଲା ପରିଷଦ ଜୋନ ନମ୍ବର 2 ର ସଭ୍ୟା ପଦ୍ମାଳୟା ପ୍ରଧାନ ଓ ବିଧାୟକଙ୍କ ପ୍ରତିନିଧିଭାବେ ଅନିଲ କୁମାର ପ୍ରଧାନ ଓ ଖଟଖଟିଆ ଗ୍ରାମ ପଞ୍ଚାୟତର ସରପଞ୍ଚ ଅରବିନ୍ଦ ପାଣ୍ଡେ  ଯୋଗ ଦେଇଥିଲେ।ଏହି ଅବସରରେ ଉପସ୍ଥିତ ଜନସାଧାରଣଙ୍କୁ ଜଳ ବିଭାଜିକା ପ୍ରକଳ୍ପ ର ବିଭିନ୍ନ ଯୋଜନା  ଓ ତାହାର ଉଦେଶ୍ୟ ଉପରେ ଅବଗତ କରାଇଥିଲେ। ଏହି ଅବସରରେ ପ୍ରଧାନମନ୍ତ୍ରୀ କୃଷି ସିଞ୍ଚାଇ ଯୋଜନାରେ ଖୋଲା ହେବାକୁଥିବା ପୋଖରୀର ଭୂମି ପୂଜନ କାର୍ଯ୍ୟକ୍ରମ ସହିତ ବୃକ୍ଷରୋପଣ କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା।ଏହି ଅବସରରେ ଜାଳବିଭାଜିକା ମିଶନ ତରଫରୁ ବିଭିନ୍ନ ସ୍ୱୟଂ ସହାୟକ ଗୋଷ୍ଠୀ, ଜାଳବିଭାଜିକା କମିଟି, ସଫଳ ଚାଷୀ, କୃତି ଛାତ୍ରଛାତ୍ରୀଙ୍କୁ ସମ୍ବର୍ଦ୍ଧିତ କରାଯାଇଥିଲା।ଏଥିରେ ଜାଳବିଭାଜିକା ମିଶନ ସମସ୍ତ କର୍ମଚାରୀ ସହଯୋଗ କରିଥିଲେ।