21-Mar-2025

ବରିଷ୍ଠ କଳାକାରଙ୍କୁ ଦିଆଗଲା ଶ୍ରଦ୍ଧାଜଂଳି

ବଲାଙ୍ଗୀର(ପ୍ରେରଣା ଖବର):  ଆଜି ସ୍ଥାନୀୟ ଟାଉନ୍ ବାଳିକା ଉଚ୍ଚ ବିଦ୍ୟାଳୟ ଠାରେ ବଲାଙ୍ଗୀର ଏ. କେ ଫିଲ୍ମସ୍ ର ରୌପ୍ୟ ଜୟନ୍ତୀ ପାଳିତ ହୋଇଯାଇଛି l 'ସାମ୍ପ୍ରତିକ ପରିସ୍ଥିତିରେ ସମାନ୍ତରାଳ ଫିଲ୍ମର ପ୍ରାସଙ୍ଗିକତା' ଶୀର୍ଷକ ବିଷୟ ଉପରେ ଏକ ଆଲୋଚନାଚକ୍ର ଅନୁଷ୍ଠିତ ହୋଇଥିଲା l ଏ.କେ ଫିଲ୍ମସ୍ ର ପ୍ରତିଷ୍ଠାତା ଅଶୋକ କୁମାର ମିଶ୍ରଙ୍କ ସଭାପତିତ୍ବରେ ଅନୁଷ୍ଠିତ ଏହି କାର୍ଯ୍ୟକ୍ରମରେ ମୁଖ୍ୟ ଅତିଥି ଭାବରେ ସମାଜସେବୀ ଡ. ଶ୍ରୀକର ମିଶ୍ର ଓ ସମ୍ମାନିତ ଅତିଥି ଭାବେ ବରିଷ୍ଠ ବିଜେପି ନେତା ଗୋପାଳଜୀ ପାଣିଗ୍ରାହୀ, ମୁଖ୍ୟ ବକ୍ତା ଭାବରେ ଗାଳ୍ପିକ ପ୍ରଦୀପ କୁମାର ମହାପାତ୍ର ଯୋଗଦେଇ ନିଜର ଅଭିଭାଷଣ ରଖିଥିଲେ l ସଭା ପ୍ରାରମ୍ଭରେ ବରିଷ୍ଠ ଅଭିନେତା ଓ ନାଟ୍ୟ ନିର୍ଦ୍ଦେଶକ ବ୍ରଜମୋହନ ମିଶ୍ର ଓ କ୍ଷୁଦ୍ର  ଚଳଚ୍ଚିତ୍ର ନିର୍ମାତା ଓ ନିର୍ଦ୍ଦେଶକ ଗୋବର୍ଦ୍ଧନ ଭୋଇଙ୍କ ବିୟୋଗରେ ଏହି ଦୁଇ  ଅମର ଆତ୍ମାର ସଦଗତି ନିମନ୍ତେ ଦୁଇ ମିନିଟ୍ବ ନୀରବ ପ୍ରାର୍ଥନା କରାଯାଇଥିଲା ସରରେ.  ଏ କେ ବେନରସ ରେ ଅଭିନୟ କରିଥିବା କିଛି କଳାକାର ଓ ଟେକନିସିଆନ ମାନଙ୍କୁ ସମ୍ବର୍ଦ୍ଧିତ କରାଯାଇଥିଲା l ସଭାକୁ ବିଜୟ ତ୍ରିପାଠୀ ସଂଯୋଜନା କରିଥିଲେ l ଶେଷ ରେ କପିଳେଶ୍ଵର ଖମାରୀ ଧନ୍ୟବାଦ ଅର୍ପଣ କରିଥିଲେ l  ପରେ ଏ କେ ବେନରସ ରେ ନିର୍ମିତ ସିନେମା ସବୁକୁ ଦର୍ଶକ ମାନେ ଉପଭୋଗ କରିଥିଲେ l