13-Mar-2025

ବଲାଙ୍ଗୀର(ପ୍ରେରଣା ଖବର): ପୂର୍ବତନ ବିଧାୟକ ତଥା ସ୍ବର୍ଗତ ମହାରାଜା ରାଜେନ୍ଦ୍ରନାରାୟଣ ସିଂହଦେଓଙ୍କ  ରାଜନୈତିକ ସଚିବ ସ୍ବର୍ଗତ ରାଧାମୋହନ ମିଶ୍ର ଙ୍କ  ଧର୍ମପତ୍ନୀ ସରୋଜିନୀ ମିଶ୍ରଙ୍କ  ୯୫ବର୍ଷ ବୟସରେ ଗୁରୁବାର ଦିନ ଦିବା ୧୧.୧୫ ମିନିଟ ବେଳେ   ତାଙ୍କର ରାଧାରାଣୀ ପଡା ସ୍ଥିତ ବାସଭବନରେ ଦେହାନ୍ତ ହୋଇଯାଇଛି।ସ୍ବର୍ଗତ ସରୋଜିନୀ ଥିଲେ ଜଣେ ଧର୍ମ ପରାୟଣା ମହିଳା। ବିଭିନ୍ନ ସମୟରେ  ବହୁ ଭଜନ ଜଣାଣ ପୁସ୍ତକ ସହ ନିତ୍ୟକର୍ମ ପଦ୍ଧତି ବହି ର ସେ  ପ୍ରକାଶିକା ଥିଲେ। ତାଙ୍କର  ପାଞ୍ଚପୁଅ  କିରଣଶଂକର, କଲ୍ୟାଣ, ଅରୁଣ , ତରୁଣ,ସ୍ମରଣ ଶଂକର ଓ ଦୁଇ ଝିଅ ନିହାରିକା ଓ ସାଗରିକା ସହ ନାତିନାତୁଣୀ  ଅଛନ୍ତି।ସ୍ବର୍ଗତା ସରୋଜିନୀ ପଦ୍ମଶ୍ରୀ ଡକ୍ଟର ଶ୍ରୀନିବାସ ଉଦ୍‌ଗାତାଙ୍କ ଧର୍ମପତ୍ନୀ  ବିଶିଷ୍ଟ ଲେଖିକା  ସୌଦାମିନୀ ଉଦ୍‌ଗାତାଙ୍କ  ବଡ ଭଉଣୀ ଅଟନ୍ତି। ଖବର ପାଇ ସହରର ବହୁ ବିଶିଷ୍ଟ ବ୍ଯକ୍ତି ଶେଷ ଦର୍ଶନ କରିଛନ୍ତି ।ତାଙ୍କର ତିରୋଧାନରେ ଅଞ୍ଚଳରେ   ଶୋକର ର ଛାୟା ଖେଳିଯାଇଛି । ଆଜି ତାଙ୍କର ଶେଷକୃତ୍ୟ ବିଭୁତିପଡା  ଶ୍ମଶାନ ରେ ଅନୁଷ୍ଠିତ ହେବ।