09-Mar-2025

କଳାହାଣ୍ଡି,କୋକସରା (ତ୍ରିନାଥ ବେଶ୍ରା )
କଳାହାଣ୍ଡି ଜିଲ୍ଲାର କୋକସରା ବ୍ଲକ, ଜୁନାଗଡ଼ ବ୍ଲକ୍ ଲାଞ୍ଜିଗଡ ବ୍ଲକ କେସିଙ୍ଗା ନର୍ଲା ବ୍ଳକ ଗୁଡିକରେ  ନାଗରିକ ବିକାଶ ସଂଗଠନ ତରଫରୁ ଆନ୍ତର୍ଜାତୀୟ ମହିଳା ଦିବସ ପାଳିତ ହୋଇଯାଇଛି। କୋକସରା ବ୍ଲକ ର  ସାନ ପୋଡ଼ା ଗୁଡା  ଏବଂ ଖୁଣ୍ଟିଆ ଗ୍ରାମ ରେ ପଞ୍ଚାୟତ ସ୍ତରୀୟ ଆନ୍ତର୍ଜାତୀୟ ମହିଳା ଦିବସ ପାଳନ କରାଯାଇଥିଲା। ଏଠାରେ ମୁଖ୍ୟ ଅତିଥି ଭାବରେ ଖୁଣ୍ଟିଆ ଗ୍ରାମ ପଞ୍ଚାୟତ ସରପଞ୍ଚ ଶ୍ରୀମତୀ ମାଧବୀ ଧରୁଆ, ମୂଖ୍ୟ ବକ୍ତା ଭାବରେ ନାରୀ ନେତ୍ରୀ ଶ୍ରୀମତୀ ରମଣୀ ଦୁରିଆ,  ଯୋଗଦାନ କରି ମହିଳା ଦିବସ ପାଳନର ଉଦ୍ଦେଶ୍ୟ ଓ ଆଭିମୁଖ୍ୟ ଉପରେ ନିଜ ନିଜ ଅଭିଭାଷଣ ରଖିଥିଲେ। ସେହିପରି ସାନପୋଡ଼ାଗୁଡା ପଞ୍ଚାୟତ ରେ ମଧ୍ଯ ଉର୍ମି ଲିଡର ପ୍ରେମଶିଳା ପାଣିଗ୍ରାହୀଙ୍କ ଅଧ୍ଯକ୍ଷତାରେ ନାଗରିକ ବିକାଶ ସଂଗଠନ କୋକସରା ବ୍ଲକ ସଂଯୋଜକ ଉପେନ୍ଦ୍ର ସୁନାନୀ ଅନ୍ତର୍ଜାତୀୟ ମହିଳା ଦିବସ ପାଳନର ମୁଖ୍ୟ ଉଦ୍ଦେଶ୍ୟ ଯାହାକି ମହିଳା ସଶକ୍ତିକରଣକୁ ଆଧାର କରି ଉପସ୍ଥିତ ମହିଳା ମାନଙ୍କୁ ବାର୍ତ୍ତା ପ୍ରଦାନ କରିଥିଲେ।ଏଥିରେ ଅଂଶଗ୍ରହଣକାରୀ ମହିଳାମାନେ ରାଜନୈତିକ, ଆର୍ଥିକ, ସାମାଜିକ ଏବଂ ମହିଳା ଅଧିକାର  ବିଶେଷକରି  ମହିଳାମାନଙ୍କ ପାଇଁ ସଶକ୍ତିକରଣ ଉପରେ ସଂଗଠନର କାର୍ଯ୍ୟକଳାପ ଏବଂ ସଚେତନତା ବିଷୟରେ ଶୁଣି ସମସ୍ତ ଙ୍କ ମନରେ ଖୁସିର ଲହରୀ ଦେଖିବାକୁ ମିଳିଥିଲା ।
ଏହି ଅବସରରେ ମହିଳାମାନଙ୍କ ମଧ୍ୟରେ ହାଣ୍ଡି ଫଟା, ଚୌକି ବସା, ବେଲୁନ ଫଟା, ପୁଚି ଖେଳ, ରୁମାଲ୍ ଚୋରି ଆଦି ପାରମ୍ପରିକ ଖେଳ ପ୍ରତିଯୋଗିତା  ଆୟୋଜନ କରାଯାଇ ବିଜେତା ମାନଙ୍କୁ ପୁରସ୍କୃତ କରାଯାଇଥିଲା। ଏହି ସମସ୍ତ କାର୍ଯ୍ୟକ୍ରମକୁ ନାଗରିକ ବିକାଶ ସଂଗଠନ ର କର୍ମକର୍ତ୍ତା ଉପେନ୍ଦ୍ର ସୁନାନୀ, ଉର୍ମି ଲିଡର ପ୍ରେମଶିଳା ପାଣିଗ୍ରାହୀ, ବୀଣାପାଣି ସୁନାନୀ ଜନସାଥୀ ମୁକ୍ତା ଠାକୁର, ତ୍ରିନାଥ ବେଶ୍ରା ପରିଚାଳନା କରିଥିଲେ  କାର୍ଯ୍ୟକ୍ରମ  ପରିଚାଳନାରେ ସହଯୋଗ ପ୍ରଦାନ କରିଥିଲେ। ଅନୁଷ୍ଠିତ ହୋଇଥିବା ଏହି ଆନ୍ତର୍ଜାତିୟ ମହିଳା ଦିବସରେ ଖୁଣ୍ଟିଆ ଓ ସାନପୋଡ଼ାଗୁଡା ଗ୍ରାମ ପଞ୍ଚାୟତ ଅନ୍ତର୍ଗତ ସମସ୍ତ ଗ୍ରାମ ଓ ପଡ଼ାର ଶତାଧିକ ମହିଳାମାନେ ଯୋଗଦାନ କରିଥିଲେ।