09-Mar-2025

ଲୋଇସିଂହା, (ବିନୋଦ ଦୀପ) ଲୋଇସିଂହା ସ୍ଥିତ ଆଦିବାସୀ ଭବନ ଠାରେ ଲୋଇସିଂହା ନିର୍ବାଚନ ମଣ୍ଡଳୀ ବିଜୁ ଜନତା ଦଳ ପକ୍ଷରୁ ଆୟୋଜିତ ଆନ୍ତର୍ଜାତିକ ମହିଳା ଦିବସ ପାଳନ ହୋଇଛି । ଲୋଇସିଂହା ନିର୍ବାଚନ ମଣ୍ଡଳୀ ବିଜେଡି ବିଧାୟକ ପ୍ରାର୍ଥୀ ନିହାର ରଞ୍ଜନ ବେହେରା ଙ୍କ ତତ୍ତ୍ଵାବଧାନରେ  ଏକ ସଭା ଅନୁଷ୍ଠିତ ହୋଇଥିଲା।  ପୁଇନ୍ତଲା ବ୍ଲକ ବିଜେଡି ମହିଳା ସଭାନେତ୍ରୀ ଜନନୀ ମହାଳୀଙ୍ଗ ଙ୍କ ସଭାପତିତ୍ବରେ ଆୟୋଜିତ ସଭାରେ ଲୋଇସିଂହା ୩୩ ନମ୍ବର ଜୋନ ଜିଲ୍ଲା ପରିଷଦ ସଭ୍ୟ। ଲିଳୀମା ବେହେରା, ୩୪ ନମ୍ବର ସଭ୍ୟା ସଂଯୁକ୍ତା ବରିହା, ନାରୀ ନେତ୍ରୀ ସଂଘମିତ୍ରା ନାଏକ ପ୍ରମୁଖ ଅତିଥି ଭାବରେ ଯୋଗଦେଇ ଥିଲେ । ଈଶ୍ୱର ଙ୍କ ସର୍ବୋତ୍ତମ ସୃଷ୍ଟି ହେଉଛନ୍ତି ନାରୀ ବୋଲି କହିବା ସହିତ ମହିଳା ସଶକ୍ତିକରଣ ଦିଗରେ ବିଜୁ ଜନତା ଦଳର ବଳିଷ୍ଠ ଭୂମିକା ରହିଛି ବୋଲି ମତବ୍ୟକ୍ତ କରିଥିଲେ। ଏଥିରେ ଶତାଧିକ ମହିଳା ସାମିଲ ହୋଇ ଥିବା ବେଳେ  ଚନ୍ଦ୍ରକାନ୍ତି କଲେତ୍ ଓ ଦୁଲାଶ ରଣା ଙ୍କୁ ସମ୍ବର୍ଦ୍ଧିତ କରାଯାଇଥିଲା। କାର୍ଯ୍ୟକ୍ରମ ପରିଚାଳନାରେ ବ୍ଲକ ବିଜେଡି ସଭାପତି ହୃଦୟାନନ୍ଦ ବେହେରା, ବରିଷ୍ଠ ନେତା ପ୍ରଦୀପ ସାହୁ, କୈଳାସ ବରିହା, ଟିକେଶ୍ୱର୍ ମହାଲୀଙ୍ଗ ସହଯୋଗ କରିଥିଲେ। ସଭାକୁ ସରୋଜ ମହାକୁର ସଂଯୋଜନା କରିଥିବା ବେଳେ ଶେଷରେ ଶ୍ରୀ ବେହେରା ଧନ୍ୟବାଦ୍ ଅର୍ପଣ କରିଥିଲେ l