08-Mar-2025

ବଲାଙ୍ଗୀର (ପ୍ରେରଣା ଖବର): ବଲାଙ୍ଗୀର ଗାନ୍ଧୀ ଷ୍ଟାଡିୟମ୍ ପରିସରରେ ଆଜି ବଲାଙ୍ଗୀର ଚାମ୍ପିଅନ ଟ୍ରଫି କ୍ରିକେଟ ଲିଗ୍ ମେଚ କୁ ନେଇ ଏକ ଜରୁରକାଳୀନ ବୈଠକ ଅନୁଷ୍ଠିତ ହୋଇଯାଇଛି। ତେବେ ଆଜିର ବୈଠକରେ ଯୁବ ଖେଳାଳି ସହ ପୂର୍ବତନ କ୍ରିକେଟ ଖେଳାଳୀଙ୍କ ମଧ୍ୟରେ ଜରୁରୀ ବୈଠକ ଅନୁଷ୍ଟିତ ହୋଇଯାଇଛି।ଯେଉଁଥିରେ ବଲାଙ୍ଗିରରେ ପ୍ରତିବର୍ଷ ଭଳି ଚଳିତ ବର୍ଷ ମଧ୍ୟ ବଲାଙ୍ଗୀର ଚାମ୍ପିଅନ କ୍ରିକେଟ ଲିଗ୍ ଆରମ୍ଭ ହେବାକୁ ଯାଉଛି।ଯାହା ପାଇଁ ଆଜି ପ୍ରଥମ ପର୍ଯ୍ୟାୟ ରେ ଗୁରୁତ୍ୱପୂର୍ଣ୍ଣ ଆଲୋଚନା ମଧ୍ୟ ହୋଇଛି।କେବଳ ବଲାଙ୍ଗୀର ଜିଲ୍ଲାର ଖେଳାଳିଙ୍କୁ ନେଇ ମାର୍ଚ୍ଚ ୧୦ ତାରିଖରୁ ଖେଳାଳି ଆବେଦନ ଫର୍ମ ପ୍ରକିୟା ଆରମ୍ଭ ହୋଇ ମାର୍ଚ୍ଚ ୨୦ତାରିଖ ପର୍ଯ୍ୟନ୍ତ ଜାରି ରହିବ। ୬ଟି କ୍ରିକେଟ ଦଳ ଭାଗ ନେବେ । ୨୦ଓଭର ବିଶିଷ୍ଟ କ୍ରିକେଟ ମେଚ ହେବ।ସକାଳ ୮ଟା ରୁ ଗୋଟେ ମେଚ ମଧ୍ୟାହ୍ନ ୨ଟା ରୁ ଗୋଟେ କ୍ରିକେଟ ମ୍ୟାଚ ହେବା ନେଇ ଆଜିର ଆଲୋଚନା ବୈଠକ ରେ ନିଷ୍ପତ୍ତି ରହିଛି।ତେବେ କେବେ ଠୁଁ ଓ କେତେ ତାରିଖ ରୁ ଆରମ୍ଭ ହେବ ସେ ନେଇ କମିଟି ନିର୍ଦ୍ଧାରିତ କରିନି।ଯାହା ୧୦ ରୁ ୨୦ ତାରିଖ ପର୍ଯ୍ୟନ୍ତ ଖେଳାଳି ଚୟନ ପ୍ରକିୟା ପରେ ତାହା ନିଷ୍ପତ୍ତି ହେବା ନେଇ ଉପସ୍ଥିତ ସମସ୍ତ ଖେଳାଳିଙ୍କ ମଧ୍ୟରେ ଆଲୋଚନା ହୋଇଛି।