08-Mar-2025

ନୂଆପଡା :(ଡୋଲେଶ୍ବର ବାଗ) ନୂଆପଡା ଜିଲ୍ଲା ବୋଡ଼େନ ବ୍ଲକ ଅନ୍ତର୍ଗତ କରଙ୍ଗାମଲ ପି ଏମ ଶ୍ରୀ ଉଚ୍ଚ ସରକାରୀ ବିଦ୍ୟାଳୟ ର ୫୩ ତମ ବାର୍ଷିକକ୍ରୀଡ଼ା ଉତ୍ସବ ଅନୁଷ୍ଠିତ ହୋଇଯାଇଛି । ଏହି ସଭାରେ ସଭାପତି ଶ୍ରୀଯୁକ୍ତ ସତ୍ୟନାରାୟଣ ମେହେର (ପ୍ରଧାନ ଶିକ୍ଷକ ପି ଏମ ଶ୍ରୀ ଉଚ୍ଚ ସରକାରୀ ବିଦ୍ୟାଳୟ କରାଙ୍ଗାମାଲ) ଙ୍କ ସଭାପତିତ୍ବରେ ଅନୁଷ୍ଠିତ ସଭାରେ ମୁଖ୍ୟ ଅତିଥି ଶ୍ରୀଯୁକ୍ତ ରାଜେନ୍ଦ୍ର ବଢେଇ (ଜିଲ୍ଲା କ୍ରୀଡା ଶିକ୍ଷା ଅଧିକାରୀ),ସମ୍ମାନିତ ଅତିଥି ଶ୍ରୀଯୁକ୍ତ ଲମ୍ବୋଦର ନିଆଲ (ପୂର୍ବତନ ଅଧ୍ୟକ୍ଷ ପଞ୍ଚାୟତ ସମିତି ବୋଡ଼େନ), ସମ୍ମାନିତ ଅତିଥି ଶ୍ରୀଯୁକ୍ତ ମହେଶ କୁମାର ଦଣ୍ଡସେନା (ଜିଲ୍ଲା ଶାରୀରିକ ଅଧିକାରୀ), ସମ୍ମାନିତ ଅତିଥି ଶ୍ରୀଯୁକ୍ତ ବଦ୍ୟନାଥ ପଣ୍ଡା ( ଅବସର ପ୍ରାପ୍ତ ପ୍ରଧାନଶିକ୍ଷକ କରଂଗାମାଲ ହାଇସ୍କୁଲ),, ସମ୍ମାନିତ ଅତିଥି ଶ୍ରୀଯୁକ୍ତ ରାଧାକାନ୍ତ ଯୋଷୀ (ଅବସର ପ୍ରାପ୍ତ ପ୍ରଧାନଶିକ୍ଷକ ତୁକଲା ହାଇସ୍କୁଲ)ମୁଖ୍ୟ ବକ୍ତାଭାବେ ଶ୍ରୀଯୁକ୍ତ ସନତ କୁମାର ପଣ୍ଡା (ଅବସର ପ୍ରାପ୍ତ ପ୍ରଧାନଶିକ୍ଷକ ସିନାପାଳି ହାଇସ୍କୁଲ) ମଞ୍ଚାସିନ ହୋଇଥିଲେ । ଦେବପୂଜନ ସହ ବିଦ୍ୟାଳୟ ଛାତ୍ରଛାତ୍ରୀ ମାନଙ୍କ ଦ୍ବାରା ପ୍ରାରମ୍ଭିକ ସଂଗୀତ ଗାନ କରାଯାଇଥିଲା । ବିଦ୍ୟାଳୟ ତଥା ଛାତ୍ରଛାତ୍ରୀ ମାନଙ୍କ ପ୍ରତିଭାର‌ ପରିସ୍ଫୁଟ ପାଇଁ ବାର୍ଷିକ କ୍ରୀଡା ଉତ୍ସବର ଗୁରୁତ୍ବ ଓ‌ ଶିକ୍ଷାର ମହତ୍ତ୍ଵ ସଂପର୍କରେ ସମସ୍ତ ଅତିଥି ଓ‌ ବକ୍ତା ଛାତ୍ରଛାତ୍ରୀ ମାନଙ୍କୁ ଦିଗଦର୍ଶନ ଦେଇଥିଲେ । ବିଭିନ୍ନ ବିଭାଗର କୃତିତ୍ୱ ଅର୍ଜନ କରିଥିବା ଛାତ୍ରଛାତ୍ରୀ ମାନଙ୍କୁ ପ୍ରଶଂସା ପତ୍ର ସହ ପୁରସ୍କୃତ କରାଯାଇଥିଲା ।  ଏହି କାର୍ଯ୍ୟକ୍ରମକୁ  ପି ଏମ ଶ୍ରୀ ଉଚ୍ଚ ବିଦ୍ୟାଳୟ ର ହିନ୍ଦୀ ଶିକ୍ଷକ ଶ୍ରୀଯୁକ୍ତ  ସୁଶାନ୍ତ କୁମାର ବୁ ବାଗ ପରିଚାଳନା କରିଥିବା ବେଳେ କଳାଶିକ୍ଷକ ଶ୍ରୀଯୁକ୍ତ ହରିଶଙ୍କର ବେହେରା ଧନ୍ୟବାଦ ଅର୍ପଣ କରିଥିଲେ।ଏହି କାର୍ଯ୍ୟ କ୍ରମ କୁ ସମସ୍ତ ଛାତ୍ର ଛାତ୍ରୀ ତଥା ଶିକ୍ଷକ ଶିକ୍ଷୟତ୍ରୀସହଯୋଗ କରିଥିଲେ।