08-Mar-2025

ବିନିକା(ହିମାଂଶୁ ଶେଖର ପୁଟେଲ): ବିନିକା ଏନଏସିରେ ମହିଳା ଆନ୍ତର୍ଜାତୀୟ ଦିବସ ପାଳିତ ହୋଇଯାଇଛି ।ଏଥିରେ କାର୍ଯ୍ୟନିର୍ବାହୀ ଅଧିକାରୀ ମାନସ ରଞ୍ଜନ ମଲ୍ଲିକ ସଭାପତିତ୍ବ କରି ବର୍ତ୍ତମାନ ଯୁଗରେ ଖାଦ୍ୟ,ବସ୍ତ୍ର ମିଳୁଛି ହେଲେ ସଂସ୍କାର ମିଳୁନାହିଁ ।ଉଦାହରଣ ସ୍ୱରୂପ ଛୁଆ ଜନ୍ମ ହେବା ପରେ ମା ଡାକ ପ୍ରଥମ।ସଂସ୍କାର ମା ଠାରୁ ହିଁ ଆରମ୍ଭ ।ତେଣୁ ଏହାକୁ ବଦଳାଇ ପାରିଲେ ଏକ ସୁସ୍ଥ ସୁନ୍ଦର ଦେଶ ଗଠନ ହୋଇ ପାରିବ । ସେଥିପାଇଁ ଆଜିର ସମାଜରେ ଉଭୟ ପୁରୁଷ ଓ ମହିଳାଙ୍କ ଭୂମିକା ଗୁରୁତ୍ୱପୂର୍ଣ୍ଣ ବୋଲି କହିଥିଲେ।ଏଥିରେ ମୁଖ୍ୟ ଅତିଥି ଭାବେ ଯୋଗଦେଇ ବିନିକା ତହସିଲଦାର ରେଶମା ଭୋଇ,ସମ୍ମାନିତ ଅତିଥି ଭାବେ ଉପଧକ୍ଷା ତପସ୍ଵିନୀ ମେହେର ଯୋଗଦେଇ କର୍ତ୍ତବ୍ୟ ପଥରେ ମହିଳା ମାନେ କିପରି ଅଗ୍ରସର ହେଉଛନ୍ତି ସେ ଦିଗରେ ପ୍ରାଞ୍ଜଳ ଭାବେ ବୁଝାଇଥିଲେ ।ଅନ୍ୟ ମାନଙ୍କ ମଧ୍ୟରେ କାଉନସିଲର ରେଣୁକା ବରାଇ,ସମାଜସେବୀ ଦୀପାନ୍ନିତା ମାହାଣା,ଶିକ୍ଷକ ହିମାଂଶୁ ଭୂଷଣ ପଣ୍ଡା ବକ୍ତବ୍ୟ ପ୍ରଦାନ କରିଥିଲେ।କାର୍ଯ୍ୟକ୍ରମକୁ ଛାତ୍ରୀ ଆଲିସା ମେହେର, ସଂଯୋଜନା କରିଥିଲେ।ପରେ ଉପସ୍ଥିତ ମହିଳା ମାନଙ୍କ ମନୋରଞ୍ଜନ ସକାଶେ ମଞ୍ଚରେ ସାଂସ୍କୃତିକ କାର୍ଯ୍ୟକ୍ରମ ପରିବେଷଣ ହୋଇଥିଲା।ସେହିପରି ବିନିକା ସିଦ୍ଧାର୍ଥ ଡିଗ୍ରୀ କଲେଜ ଯୁବ ରେଡକ୍ରସ ଓ ରେଡ ରିବନ କ୍ଳବ ତରପରୁ ଆନ୍ତର୍ଜାତିକ ମହିଳା ଦିବସ ପାଳିତ ହୋଇଯାଇଛି।ଏଥିରେ ମହାବିଦ୍ୟାଳୟର ଅଧ୍ୟକ୍ଷ ଡ:ଧୀରେନ୍ଦ୍ର କୁମାର  ନାୟକଙ୍କ ଅଧ୍ୟକ୍ଷତାରେ ଅନୁଷ୍ଠିତ ସଭାରେ ସମ୍ମାନୀତ ଅତିଥି ଭାବରେ

ରାଜନୀତି ବିଜ୍ଞାନ ବିଭାଗ ଅଧ୍ୟାପକ ରୁଦ୍ରନାରାୟଣ ଦାଶ,ମାନସ ରଞ୍ଜନ ମିଶ୍ର, ଇତିହାସ ବିଭାଗର ଦିପ୍ତିରାଣୀ ସ୍ବାଇଁ,ଶିକ୍ଷା ବିଭାଗର ନୀଲିମା ଦାଶ,ମୁଖ୍ଯବକ୍ତା ଭାବେ ବାଣୀପ୍ରସାଦ ବିଶ୍ବାଳ ଯୋଗଦେଇ ସମାଜରେ ମହିଳା ମାନଙ୍କ ଭୂମିକା ଓ ଗୁରୁତ୍ଵ ଉପରେ ବକ୍ତବ୍ଯ ରଖିଥିଲେ। କାର୍ଯ୍ୟକ୍ରମକୁ ଅର୍ଥନୀତି ଅଧ୍ୟାପକ ତଥା ଜିଲ୍ଲା ଯୁବ ରେଡକ୍ରସ ସଂଯୋଜକ ବିଶ୍ବନାଥ ମିଶ୍ର ପରିଚାଳନା କରିଥିବା ବେଲେ ସଂସ୍କୃତ ବିଭାଗ ଅଧ୍ୟାପକ ହରିଶ୍ଚନ୍ଦ୍ର ହୋତା ଧନ୍ଯବାଦ ଅର୍ପଣ କରିଥିଲେ।