11-Feb-2025

କଣ୍ଟାମାଳ(ଜୟ କୁମାର ମହାରଣା): ବୌଦ୍ଧ ଜିଲ୍ଲା କଣ୍ଟାମାଳ ବ୍ଲକ ଘଣ୍ଟାପଡ଼ା-ପୋଡ଼ାପଦରସ୍ଥିତ ବାବା କଳକେଶ୍ୱର ମନ୍ଦିର ପ୍ରାଙ୍ଗଣରେ ମାଘ ପୂର୍ଣ୍ଣିମାରେ ପ୍ରତିବର୍ଷ ଭଳି ଏବର୍ଷ ମଧ୍ୟ ଅଷ୍ଟପ୍ରହର ନାମଯଜ୍ଞ ନିମନ୍ତେ କଳସ ଶୋଭାଯାତ୍ରା ଅନୁଷ୍ଠିତ ହୋଇଯାଇଛି। ସୋମବାର ବହୁ ମହିଳା ଶ୍ରଦ୍ଧାଳୁ ଓ ପୁରୁଷ ଶ୍ରଦ୍ଧାଳୁ ନିକଟସ୍ଥ ତେଲ ନଦୀର ସମଲେଶ୍ଵରୀ ଘାଟରୁ

ପୂଜାର୍ଚ୍ଚନା ପରେ ଜଳପୂର୍ଣ୍ଣ କଳସରେ ଘଣ୍ଟ, ଶଙ୍ଖ, ସଂକୀର୍ତ୍ତନ ଓ ହୁଳହୁଳି ଧ୍ବନିରେ ଗ୍ରାମ୍ୟ ପରିକ୍ରମା ପରେ ପୂଜା ମଣ୍ଡପରେ ସ୍ଥାପନ କରାଯାଇ ଅଧିବାସ କରାଯାଇଥିଲା। ପଣ୍ଡିତ ରାଧା ରମଣ ପାଣିଗ୍ରାହୀ ପୂଜା କାର୍ଯ୍ୟ କରିଥିବା ବେଳେ 

ଅନନ୍ତରାମ ମାଝୀ ଓ ପତ୍ନୀ ଶଙ୍ଖଜିନୀ ମାଝୀ କର୍ତ୍ତାକାର୍ଯ୍ୟ ତୁଲାଇଥିଲେ। ସେହିପରି ମନ୍ଦିର ପୂଜକ ନିତ୍ୟାନନ୍ଦ ସେନାପତି, ମନ୍ଦିର କମିଟୀ ସଭାପତି ପୁରନ୍ଦର ମହାକୁଡ଼, ସଂପାଦକ ଗଜେନ୍ଦ୍ର କହଁର,ସଦସ୍ୟ ଅଶୋକ ସାହୁ ,ମହେଶ୍ୱର ରଣା, ସୁଦାମ ପ୍ରଧାନ, ଜଗତ ରାମ ରଣା, ସଂକ୍ରାନ୍ତି କମିଟୀ ସଂପାଦକ ଶ୍ରୀପତି ମଲିକ, ଜିତେନ୍ଦ୍ର ନାଏକଙ୍କ ସହ ସମସ୍ତ ଗ୍ରାମବାସୀ ସହଯୋଗ କରିଥିଲେ।