11-Feb-2025

ଭେଡେନ,ତା,୧୧/୨(ପ୍ରେରଣା ଖବର):
ବରଗଡ଼ ଜିଲ୍ଲା ଭେଡେନ ବ୍ଲକ୍ ଅନ୍ତର୍ଗତ ବରପଦର୍ ମଧ୍ୟ ଇଂରାଜୀ ବିଦ୍ୟାଳୟରେ ୧୯୭୯-୧୯୮୧ ମସିହାରେ ସପ୍ତମ ଶ୍ରେଣୀ ପଢୁଥିବା ଛାତ୍ର ଛାତ୍ରୀମାନଙ୍କ ଏକ ବନ୍ଧୁମିଳନ ଐତିହାସିକ ପପଙ୍ଗା ପାହାଡ ଠାରେ ଅନୁଷ୍ଠିତ ହୋଇଯାଇଅଛି। ଏହି ଅବସରରେ ଅନୁଷ୍ଠିତ ସମ୍ବର୍ଦ୍ଧନା ସଭାରେ ମୁଖ୍ୟ ଅତିଥି ଭାବରେ ବିଦ୍ୟାଳୟର ଅବସର ପ୍ରାପ୍ତ ପ୍ରଧାନ ଶିକ୍ଷକ ଶ୍ରୀଯୁକ୍ତ ଜରା ସାହୁ ଉପସ୍ଥିତ ରହି ସମସ୍ତଙ୍କୁ ଆଶୀର୍ବାଦ ପ୍ରଦାନ କରିବା ସହ ତାଙ୍କ ସମୟରେ ଘଟିଥିବା ଘଟଣା ଗୁଡ଼ିକର ସ୍ମୃତିଚାରଣ କରିଥିଲେ ।ସଭାର ପ୍ରାରମ୍ଭରେ ସ୍ବର୍ଗତ ଶିକ୍ଷକ ଗୋପୀନାଥ କରଣ ଏବଂ ଜଗବନ୍ଧୁ ଚିନ୍ଦ୍ରା ଓ ଛାତ୍ର ଉକିଳ ଛନ୍ଦଙ୍କ ଅମର ଆତ୍ମାର ସତ୍ ଗତି ପାଇଁ ଏକ ମିନିଟ ନୀରବ ପ୍ରାର୍ଥନା କରିଥିଲେ।ପରେପରେ  ସମସ୍ତ ଛାତ୍ରଛାତ୍ରୀ ପ୍ରଧାନ ଶିକ୍ଷକଙ୍କ ପଦଧୌତ କରି ଫୁଲ ଚନ୍ଦନ ଦେଇ ପୂଜାର୍ଚ୍ଚନା କରିଥିଲେ। ସଭାକୁ ଦୀନବନ୍ଧୁ ପ୍ରଧାନ ସଂଯୋଜନା କରିଥିବା ବେଳେ ଦୁଃଖନାସନ ପଣ୍ଡା ସ୍ବାଗତ ଭାଷଣ ପ୍ରଦାନ କରିଥିଲେ। ସଭାପତି କୈଳାଶ ଚନ୍ଦ୍ର ଅଗ୍ରୱାଲ ମାନପତ୍ର ପାଠକରି ଥିବା ବେଳେ ଭଜମନ ଖୁଣ୍ଟିଆ ଧନ୍ୟବାଦ୍ ଅର୍ପଣ କରିଥିଲେ।

କାର୍ଯ୍ୟକ୍ରମରେ ଦିଲ୍ଲୀପ ନେଗି, ଗଙ୍ଗାଧର ମହାକୁର, ତ୍ରିନନ୍ଦ ପ୍ରଧାନ, ନରେନ୍ଦ୍ର ବାଗ , ସୀତା ମେଳି, ସୌଦାମିନୀ ପଣ୍ଡା, ରସ୍ମିରେଖା ପ୍ରଧାନ ସହିତ ୫୦ ଜଣ ଯୋଗଦାନ କରିଥିଲେ।