11-Feb-2025

ଯାଜପୁର/ବରୀ(ରଞ୍ଜିତ ମହାନ୍ତି): ବରୀ ବ୍ଲକସ୍ତରୀୟ ନିପୁଣ ଓଡିଶା ମେଳା କାର୍ଯ୍ୟକ୍ରମ ସୋମବାର ଦିନ ବରୀ ଉର୍ଦୁ ଉନ୍ନୀତ ମଧ୍ୟ ଇଂରାଜୀ ବିଦ୍ୟାଳୟ ପରିସରରେ ଅନୁଷ୍ଠିତ ହୋଇ ଯାଇଛି। ଏହି ମେଳା କାର୍ଯ୍ୟକ୍ରମରେ ମୁଖ୍ୟ ଅତିଥି ଭାବେ ବରୀ ବ୍ଲକ ଅଧକ୍ଷ ଅଶୋକ କୁମାର ଗେଡ଼ି ଯୋଗ ଦେଇ ଅନୁଷ୍ଠାନିକ ଭାବେ ଉଦଘାଟନ କରିଥିଲେ। ଉକ୍ତ କାର୍ଯ୍ୟକ୍ରମ ରେ ବରୀ ମଣ୍ଡଳ ଶିକ୍ଷା ଅଧିକାରୀ ଭିକାରୀ ଚରଣ କବି ସଭାପତିତ୍ୱ କରିଥିଲେ।ସମ୍ମାନିତ ଅତିଥି ଭାବେ ବରୀ ପଂଚାୟତର ସରପଂଚ ସୋନାଲି ସିଂହ ଯୋଗ ଦେଇ ଶିକ୍ଷକ ଶିକ୍ଷୟିତ୍ରୀ ମାନେ ହେଉଛନ୍ତୁ ଶିକ୍ଷା ର ମୂଳଦୁଆ. ସେମାନେ ଉଦ୍ୟମ କଲେ ଏହି ଅଂଚଳରୁ ଉତ୍ତମ ଶିକ୍ଷାଦାନ କରି ବହୁ ଛାତ୍ର ଛାତ୍ରୀ ବିଭିନ୍ନ ପଦ ପଦବୀରେ ଅବସ୍ଥାପିତ ହୋଇ ପାରିବେ ବୋଲି ମତ ରଖିଥିଲେ। ସମ୍ମାନିତ ଅତିଥି ଭାବେ ବି ଆର ସି /ଏ ବି ଇ ଓ ଜଳଧର ଖଟୁଆ, ଏ ବି ଓ ସୁରନ୍ଦ୍ର କୁମାର ସାହୁ, ସଂଯୁକ୍ତା ମିଶ୍ର, ବିଦ୍ୟାଳୟ ପ୍ରଧାନ ଶିକ୍ଷୟିତ୍ରୀ ସ୍ଵଂୟପ୍ରଭା ଖୁଣ୍ଟିଆ ଯୋଗ ଦେଇଥିଲେ। ୧୩ଗୋଟି ସାଧନା ଜେନ୍ଦ୍ରରୁ ୩୦୦ ଜଣ ଛାତ୍ରଛାତ୍ରୀ ଅଂଶ ଗ୍ରହଣ କରିଥିଲେ। ଛାତ୍ର ଛାତ୍ରୀଙ୍କ ମୌଳିକ ଓ ସଂଖ୍ୟା ଜ୍ଞାନ ସମ୍ପକିତ ୮୮ ଟି ପ୍ରକଳ୍ପ ପ୍ରଦର୍ଶିତ ହୋଇଥିଲା। କାର୍ଯ୍ୟକ୍ରମକୁ ସୁଚାର ରୂପେ ସମ୍ପାଦିତ କରିବା କ୍ଷେତ୍ରରେ ଆଞ୍ଚଳିକ ସାଧନା କେନ୍ଦ୍ରର ସଂଯୋଜକ ଜିତେନ୍ଦ୍ର ସାହୁ, ଚକ୍ରଧର ମୁଦୁଲି, ଅରୁଣ କୁମାର ଦାସ, ସୁଦର୍ଶନ ପାଢ଼ୀ, ଦେବବ୍ରତ ରାଉତ, ଅଜୟ କୁମାର ସାମଲ, ଅଭୟ କୁମାର ସେଠି, ଅଜୟ ମଲ୍ଲିକ, ପ୍ରତାପ ଚନ୍ଦ୍ର ସାହୁ ପ୍ରଶାନ୍ତ ତ୍ରିପାଠୀ, ନର୍ମଦା ପ୍ରଧାନ,ଅନୁପମା ଦ୍ବିବେଦୀ ଗାୟତ୍ରୀ ଦାସ, ବିଭିନ୍ନ ବିଦ୍ୟାଳୟରୁ ଆସିଥିବା ପ୍ରଧାନ ଶିକ୍ଷକ ଓ ଶିକ୍ଷୟିତ୍ରୀ ସହଯୋଗ କରିଥିଲେ।ଏହି ମେଳାରେ ଅଂଶ ଗ୍ରହଣ କରିଥିବା ବିଦ୍ୟାଳୟ ର ଗାଇଡ଼ ଶିକ୍ଷକ ଓ ଛାତ୍ର ଛାତ୍ରୀ ମାନଙ୍କୁ ପ୍ରଂଶସା ପତ୍ର ସହ ପୁରସ୍କୃତ କରାଯାଇଥିଲା। କାର୍ଯ୍ୟକ୍ରମ ଶେଷରେସିଆର ସିସି ଚକ୍ରଧର ମୁଦୁଲି ଧନ୍ୟବାଦ ଅର୍ପଣ କରିଥିଲେ।