11-Feb-2025

ଲୋଇସିଂହା, (ବିନୋଦ ଦୀପ) ଆଜି ସରଗଡ଼ ଠାରେ ଜୋନ 34 ର ସମସ୍ତ ସରପଞ୍ଚ ଓ ସମିତି ସଭ୍ୟ ସଭ୍ୟା ମାନଙ୍କର ସମ୍ମିଳନୀ ଓ ନୂତନ ବ୍ଲକ ଗଠନ ଦାବୀ ନିମନ୍ତେ ଏକ ବୈଠକ ଅନୁଷ୍ଠିତ ହୋଇଥିଲା l ସରଗାଡ଼ ସରପଞ୍ଚ ସରୋଜ ବେହେରା ଙ୍କ ସଭାପତିତ୍ୱ ରେ ଅନୁଷ୍ଠିତ ଏହି ସମ୍ମିଳନୀ ରେ 34 ନମ୍ବର ଜୋନ ର 11 ଟି ପଂଚାୟତ ର ସମସ୍ତ ସରପଞ୍ଚ ଓ ସମିତି ସଭ୍ୟ ଯୋଗ ଦେଇଥିଲେ l ଏହାସହ ସରଗାଡ଼ ଗାଁ ର ଗଅନ୍ତିଆ ସୁରେନ୍ଦ୍ର ପଟେଲ ଓ ଶାନ୍ତି କଟିର ସଦସ୍ୟ ମାନଙ୍କ ସହିତ ଭଦ୍ରବ୍ୟକ୍ତି ଓ ଅନ୍ୟାନ୍ୟ ସଦସ୍ୟ ମାନେ ଉପସ୍ଥିତ ରହି ଉକ୍ତ କାର୍ଯ୍ୟକ୍ରମ ରେ ସହଯୋଗ କରିଥିଲେ l

ଉକ୍ତ ସମ୍ମିଳନୀ ର ମୁଖ୍ୟ ଉଦ୍ଦେଶ୍ୟ ଏହା ଯେ ଲୋଇସିଂହା ବ୍ଲକ ଯେହେତୁ 34 ନମ୍ବର ଜୋନ ର ବିଭିନ୍ନ ପଂଚାୟତ ତିରିଶ ରୁ ଚାଳିଶ କିମି ଦୂର ହେଉଛି ଯାହା ଫଳରେ ଲୋକଙ୍କ ବିଭିନ୍ନ ଅଫିସିଆଲି କାମ ପାଇଁ ହଇରାଣ ହେବାକୁ ପଡୁଛି l ବିଭିନ୍ନ ଭତ୍ତା ହେଉ କି ରାସନ କାର୍ଡ ହେଉ ଲୋକଙ୍କ ବିଭିନ୍ନ ଉନ୍ନତିମୂଳକ କାର୍ଯ୍ୟ ଠିକ ସମୟରେ ହୋଇପାରୁ ନାହିଁ l ଏଣୁ ଲୋକଙ୍କ ଦାବୀ ଏହା ଯେ 34 ନମ୍ୱର ଜୋନ ରେ ନୂତନ ବ୍ଲକ ହେଲେ ସମସ୍ତ ଙ୍କ ପାଇଁ ଅଫିସିଆଲି କାର୍ଯ୍ୟ ହେଉ ଅବା ଉନ୍ନତିମୂଳକ ଶୀଘ୍ର ସହଜରେ ହେବବୋଲି ପଂଚାୟତ ଜନ ପ୍ରତିନିଧି ସମେତ ଜନ ସାଧାରଣ ମତ ପ୍ରଦାନ କରିଥିଲେ l ଉକ୍ତ କାର୍ଯ୍ୟକ୍ରମ କୁ ପରିଚାଳନା ଓ ଧନ୍ୟବାଦ ଅର୍ପଣ କରିଥିଲେ ସରଗାଡ଼ ସମିତି ସଭ୍ୟ ବୀରେନ୍ଦ୍ର ସାହୁ l