10-Feb-2025

ବରଗଡ଼:(ନିରଞ୍ଜନ ତ୍ରିପାଠୀ)-ସ୍ଥାନୀୟ ପାର୍ବତୀ ଗିରି ମହିଳା ମହାବିଦ୍ୟାଳୟ ବରଗଡ଼ରେ ୧୦.୨.୨୫ରେ ବାର୍ଷିକୋତ୍ସବ "ଉଡ଼ାନ୍" ଅନୁଷ୍ଠିତ ହୋଇ ଯାଇଛି । ଅଧ୍ୟକ୍ଷା ଶ୍ରୀମତୀ ରଞ୍ଜିତା ନାୟକଙ୍କସଭାପତିତ୍ବରେ ଆୟୋଜିତ ଏହି ଉତ୍ସବରେ ମୁଖ୍ୟ ଅତିଥି ମାନ୍ୟବର ବିଧାୟକ ଶ୍ରୀଯୁକ୍ତ ଅଶ୍ଵିନୀ ଷଡ଼ଙ୍ଗୀ ଛାତ୍ରୀମାନଙ୍କୁ ଉଦବୋଧନ ଦେଇ କହିଲେ ଏହି ଅନୁଷ୍ଠାନର ସର୍ବାଙ୍ଗୀନ ବିକାଶ ତାଙ୍କର ପ୍ରଥମ ସ୍ବପ୍ନ । କିଛି ସମସ୍ୟା ତାଙ୍କ ଦୃଷ୍ଟିକୁ ଆଣିବାରୁ ମଞ୍ଚ ଉପରେ ହିଁ ତୁରନ୍ତ କାର୍ଯ୍ୟକାରୀ ହେବା ପାଇଁ ପଦକ୍ଷେପ ନେଇ ଥିଲେ । ଏତଦ୍ ସହ ଅଧ୍ୟକ୍ଷାଙ୍କୁ ପ୍ରତିଶ୍ରୁତି ଦେଇଥିଲେ ଶିକ୍ଷା ମନ୍ତ୍ରୀ ଠାରୁ ଆରମ୍ଭ କରି ଯାହାଠାରେ କିଛି ଗଠନ ମୂଳକ କାର୍ଯ୍ୟ ପାଇଁ ଆଲୋଚନା ଦରକାର ପଡେ ସେ ସକ୍ରିୟ ଭାବରେ ମାର୍ଗ ପ୍ରସ୍ତୁତ କରିବେ । ସମ୍ବଲପୁର ବିଶ୍ଵବିଦ୍ୟାଳୟର ଓଡ଼ିଆ ଭାଷା ଓ ସାହିତ୍ୟ ବିଭାଗର ବରିଷ୍ଠ ପ୍ରାଧ୍ୟାପକ ଡ ଗୋପୀନାଥ ବାଗ ମୁଖ୍ୟ ବକ୍ତା ଭାବରେ ଯୋଗ ଦେଇ ଆଜିର ପିଢ଼ିଙ୍କ  ସମବେଦନା ଓ ଆବେଗ ଶୂନ୍ୟ ଜୀବନ ରେ ସରସତା ଭରିବା ପାଇଁ ଯଥାର୍ଥ ଶିକ୍ଷାର ଭୂମିକା ଉପରେ ଆଲୋକପାତ କରିଥିଲେ । ଏତଦ୍ ସହ ପୋଥିଗତ ବିଦ୍ୟାଠାରୁ ଉପସ୍ଥିତ ବୁଦ୍ଧି କେତେ ଆବଶ୍ୟକ ତାହା କହିଥିଲେ । ବାର୍ଷିକ ବିବରଣୀ ପଠନ କରି ଥିଲେ ସାଂସ୍କୃତିକ ସଂସଦର ଉପଦେଷ୍ଟା ଡ ପୁଷ୍ପାଞ୍ଜଳି ପ୍ରଧାନ । ଅଧ୍ୟକ୍ଷା ଶ୍ରୀମତୀ ନାୟକ ସଭାପତି ଅଭିଭାଷଣରେ ଅନୁଷ୍ଠାନର ସହ ଯୋଗିତା ଓ ସହଭାଗିତାକୁ ପ୍ରଶଂସା କରିଥିଲେ । ଏହି ଅବସରରେ ଅର୍ଥନୀତି ବିଭାଗର ଅଧ୍ୟାପିକା ସୁଶ୍ରୀ ସାଇଦା ବାନୋ ଡକ୍ଟରେଟ ଉପାଧି ହାସଲ କରି ଥିବାରୁ ଓ ମନସ୍ତତ୍ତ୍ୱ ବିଭାଗ ର ସୁଶ୍ରୀ ଶୋଭିନା ଭୋଇ ଓଏଏସ ପାଇ ଥିବାରୁ ସ୍ଵତନ୍ତ୍ର ସମ୍ବର୍ଦ୍ଧନା ଦିଆ ଯାଇଥିଲା । ବିଶିଷ୍ଟ ବୁଦ୍ଧିଜୀବୀ ଶ୍ରୀଯୁକ୍ତ ଅରୁଣ ମହାନ୍ତିଙ୍କ ଦ୍ଵାରା ପ୍ରାୟୋଜିତ" କିରଣମୟୀ ମହାପାତ୍ର ସ୍ମୃତି ସମ୍ମାନ" ପାଇଲେ ଚଳିତ ବର୍ଷ ର ବେଷ୍ଟ ଗ୍ରାଜୁଏଟ ଓଡ଼ିଆ ସମ୍ମାନ ର ବିନି ପ୍ରଧାନ ଓ ଗୃହ ବିଜ୍ଞାନ ସମ୍ମାନ ର ଅଲ୍ ରାଉଣ୍ଡର ଭାବରେ ସମ୍ମାନିତ ହେଲେ ଯୁକ୍ତ ତିନି ଶେଷ ବର୍ଷର ଛାତ୍ରୀ ଦୁଲାରି ପ୍ରଧାନ । ସାଂସ୍କୃତିକ ସଂସଦ ଦ୍ଵାରା ଆୟୋଜିତ ବିଭିନ୍ନ ପ୍ରତିଯୋଗିତାର କୃତୀ ଛାତ୍ରୀଙ୍କୁ ପୁରସ୍କୃତ କରା ଯାଇଥିଲା ।

ପୁରସ୍କାର ବିତରଣ କାର୍ଯ୍ୟକ୍ରମ ର ସଂଯୋଜନା କରିଥିଲେ ଅଧ୍ୟାପିକା ମୌସୁମୀ ଲିଜା ନାୟକ ଓ ଅନୁପମା ଚାନ୍ଦ ତଥା ସହଯୋଗ କରିଥିଲେ  ଡ ଚନ୍ଦ୍ରମଣି ଦେବତା ଓ ଅଧ୍ୟାପିକା ଚୁଳମୁକ୍ତା ପ୍ରଧାନ । ଛାତ୍ରୀ ସଂସଦ ଉପଦେଷ୍ଟା ଶ୍ରୀଯୁକ୍ତ ଧର୍ମରାଜ ତ୍ରିପାଠୀ ଧନ୍ୟବାଦ ଅର୍ପଣ କରିଥିଲେ । ସମସ୍ତ କାର୍ଯ୍ୟକ୍ରମ ଡ ସଂଘମିତ୍ରା ମିଶ୍ର ପରିଚାଳନା କରିଥିଲେ । ଦ୍ଵିତୀୟ ଅଧିବେଶନରେ ନାଟ୍ୟ ଗୁରୁ ଶଙ୍କର ପଟ୍ଟନାୟକ ଓ ସଙ୍ଗୀତ ଗୁରୁ ସୁଶୀଳ ପ୍ରଧାନ ଙ୍କ ନିର୍ଦ୍ଦେଶନା ଓ ଡ ଲକ୍ଷ୍ମିବନ୍ତ ସାହୁ ଓ ନନ୍ଦିନୀ ନୀରଦ ପଣ୍ଡାଙ୍କ ସହଯୋଗରେ ସାଂସ୍କୃତିକ କାର୍ଯ୍ୟକ୍ରମ ଅନୁଷ୍ଠିତ ହୋଇ ଥିଲା । ଏହି କାର୍ଯ୍ୟକ୍ରମ ସଂଯୋଜନା କରିଥିଲେ ଛାତ୍ରୀ ସପନା ସାହୁ । ଦୁଲାରୀ ପ୍ରଧାନ , ହର୍ଷିତା ପ୍ରଧାନ ଓ ସାଥୀ । ପୂର୍ବତନ ଅଧ୍ୟକ୍ଷ ଦଧିବାମନ ଦାଶ,ସନ୍ତୋଷ ପଣ୍ଡା ତଥା ଅନେକ ନିମନ୍ତ୍ରିତ ଅତିଥି ଯୋଗ ଦେଇ ଛାତ୍ରୀମାନଙ୍କୁ ଉତ୍ସାହିତ କରିଥିଲେ ।