10-Feb-2025

ଆଗଲପୁର, (ବିନୋଦ ଦୀପ) ଆଜି ଆଗଲପୁର ର ମିନି ଷ୍ଟାଡିୟମ୍ ଠାରେ ଚାଲିଥିବା ରାଜ୍ୟ ସ୍ତରୀୟ ଫୁଟବଲ୍ ଟୁର୍ଣ୍ଣାମେଣ୍ଟ ର ଶେଷ ତଥା ଫାଇନାଲ ମ୍ୟାଚ ଅନୁଷ୍ଠିତ ହୋଇଥିଲା l ଆଜିର ଫାଇନାଲ ମ୍ୟାଚ ରେ ୟୁନାଇଟେଡ କ୍ଳବ୍ ବରଗଡ଼ ବନାମ ସମ୍ବଲପୁର ଫୁଟବଲ୍ କ୍ଲବ ମଧ୍ୟରେ ଅନୁଷ୍ଠିତ ହୋଇଥିଲା। ଉଭୟ ଦଳର ଖେଳାଳୀ ମାନେ ଅତି ସୁନ୍ଦର୍ ତଥା ଚିତ୍ତାକର୍ଷକ ଖେଳ ପ୍ରଦର୍ଶନ କରିଥିଲେ। ଉଭୟ ଦଳ କର ବା ମର ପରିସ୍ଥିତିରେ ନିଜ ନିଜ ଦଳକୁ ଜିତେଇବା ପାଇଁ ସଂଘର୍ଷପୂର୍ଣ୍ଣ ଭାବରେ ପଡ଼ିଆରେ ନିଜର କଳା ପ୍ରଦର୍ଶନ କରିଥିଲେ। ଅତି ସୁନ୍ଦର୍ ଭାବରେ ଉଭୟ ଦଳ ଖେଳ ଆରମ୍ଭରୁ ଶେଷ ପର୍ଯ୍ୟନ୍ତ ଦର୍ଶକ କୁ ବାନ୍ଧି ରଖିଥିଲେ। ହଜାର ହଜାର ସଂଖ୍ୟାରେ ଦର୍ଶକ ମାନେ ଖେଳପଡିଆ ରେ ଉପସ୍ଥିତ ରହି ଖେଳାଳି ମାନଙ୍କୁ ଉତ୍ସାହିତ କରିଥିଲେ l ଦର୍ଶକ ମାନଙ୍କ ଉତ୍ସାହ ଦେଖି ଖେଳାଳି ମାନେ ମଧ୍ୟ ଅତି ରୋମାଞ୍ଚକର ଖେଳ ପ୍ରଦର୍ଶନ କରିଥିଲେ l

ବରଗଡ଼ ୟୁନାଇଟେଡ କ୍ଳବ୍ 4- 0 ଗୋଲ ରେ ସମ୍ବଲପୁର ଫୁଟବଲ୍ କ୍ଲବ କୁ ହରାଇ ଆଜିର ଚମ୍ପିଅନ ଟ୍ରଫି ହାସଲ କରିଛି।ଆଜିର ଫାଇନାଲ ମ୍ୟାଚ ତଥା ଶେଷ ମ୍ୟାଚ୍ ରେ ମୁଖ୍ୟ ଅତିଥି ଭାବରେ ସମାଜ ସେବୀ ତଥା ବଲାଙ୍ଗୀର ଫୁଟବଲ୍ ଆସୋସିଏସନ୍ ର ସଭାପତି ଡକ୍ଟର ଶ୍ରୀକର ମିଶ୍ର ଯୋଗ ଦେଇଥିଲେ। ସମ୍ମାନିତ ଅତିଥି ଭାବରେ ମନ୍ୟନର ସ୍ବାସ୍ଥ୍ୟ ମନ୍ତ୍ରୀ ଙ୍କ ପ୍ରତିନିଧି ଶ୍ରୀ ସୁରେଶ ମହାଳିଙ୍ଗ, ପୂର୍ବତନ ବିଧାୟକ ଶ୍ରୀ ରମାକାନ୍ତ ସେଠ୍, ବଲାଙ୍ଗୀର ଫୁଟବଲ୍ ଆସୋସିଏସନ୍ ର ସମ୍ପାଦକ ଶ୍ରୀ ଶରତ କୁମାର ନନ୍ଦ, ହେମନ୍ତ ବେହେରା ଓ ଆଗଲପୁର ର ସମାଜ ସେବୀ ତଥା ପୂର୍ବତନ ସରପଂଚ ଶ୍ରୀ ପୂର୍ଣ୍ଣଚନ୍ଦ୍ର ମେହେର ଯୋଗ ଦେଇଥିଲେ। ବିଜେତା ଦଳକୁ ନଗଦ 30 ହଜାର ଟଙ୍କା ସହ ଟ୍ରଫି ପ୍ରଦାନ କରା ଯାଇଥିଲା। ଏବଂ ଉପ ବିଜେତା ଦଳକୁ ନଗଦ କୋଡ଼ିଏ ହଜାର ଟଙ୍କା ସହ ଟ୍ରଫି ପ୍ରଦାନ କରା ଯାଇଥିଲା। ଆଜି ପ୍ରଥମେ ଦର୍ଶକ ବନ୍ଧୁ ମାନଙ୍କ ସକାଶେ ଏକ ବନ୍ଧୁତ୍ୱ ପୂର୍ଣ୍ଣ ମ୍ୟାଚ୍ ଅନୁଷ୍ଠିତ ହୋଇଥିଲା। ଏହି ଖେଳ ଆଗଲପୁର ବର୍ଷୀୟାନ ଦଳ ସହିତ ବଲାଙ୍ଗୀର ବର୍ଷୀୟାନ ମଧ୍ୟରେ ଅନୁଷ୍ଠିତ ହୋଇଥିଲା। ଆଜିର ଫାଇନାଲ ମ୍ୟାଚ ରେ ରେଫାରୀ ଭାବରେ ସର୍ବ ଶ୍ରୀ ନୀଳ ନାୟକ, ସମ୍ ସିନ କୁଡ଼େଇ, ଦେବାଶିଷ ବାଗ ଓ କରୁଣା କର ପଧାନ୍ ଖେଳ ପରିଚାଳନା କରିଥିଲେ। ଆଗଲପୁର ଫୁଟବଲ୍ ଆସୋସିଏସନ୍ ର ସଭାପତି ଶ୍ରୀ ଭିକାରୀ ବାଗ, ସମ୍ପାଦକ ଶ୍ରୀ ବ୍ୟୋମକେଶ ପାଠି ଓ ସଂଯୋଜକ ଶ୍ରୀ ସୁଧାଂଶୁ ସେଠ୍ ମଧ୍ୟ ଉପସ୍ଥିତ ରହି ସାତଦିନ ଧରି ଅନୁଷ୍ଠିତ ହୋଇଥିବା ରାଜ୍ୟ ସ୍ତରୀୟ ଫୁଟବଲ୍ ଟୁର୍ଣ୍ଣାମେଣ୍ଟ କୁ ସୂଚାରୁ ରୂପେ ପରିଚାଳିତ କରିଥିଲେ l