09-Feb-2025

ବଲାଙ୍ଗିର(ପ୍ରେରଣା ଖବର): ଜନଗଣନା ନିର୍ଦ୍ଦେଶାଳୟ , ଓଡ଼ିଶା ପକ୍ଷରୁ ଭାରତ ସରକାରଙ୍କ ନମୁନା ପଞ୍ଜିକରଣ ପଦ୍ଧତି କାର୍ଯ୍ୟକ୍ରମର ବଲାଙ୍ଗିର ଓ ସୋନପୁର ଜିଲ୍ଲାର ସାମୟିକ ଗଣନାକାରୀମାନଙ୍କ ଏକ ଦିବସୀୟ ପ୍ରଶିକ୍ଷଣ କାର୍ଯ୍ୟକ୍ରମ ବଲାଙ୍ଗିର ଜିଲ୍ଲାପାଳ କାର୍ଯ୍ୟାଳୟର ସମ୍ମିଳନୀ କକ୍ଷରେ ଅନୁଷ୍ଠିତ ହୋଇ ଯାଇଛି। ଏହି କାର୍ଯ୍ୟକ୍ରମରେ ମୁଖ୍ୟ ଅତିଥି ଭାବରେ ଜିଲ୍ଲା ମୂଖ୍ୟ ଚିକିତ୍ସା ଅଧିକାରୀ ଓ ସମ୍ମାନିତ ଅତିଥି ଭାବରେ ଜିଲ୍ଲା ସମାଜ କଲ୍ୟାଣ ଅଧିକାରୀ ଯୋଗ ଦେଇ ଥିଲେ। ଜିଲ୍ଲା ମୂଖ୍ୟ ଚିକିତ୍ସା ଅଧିକାରୀ ଜନ୍ମ ମୃତ୍ୟୁ ତଥ୍ୟର ସଂଗ୍ରହ ସକାଶେ ଆଶା, ଅଙ୍ଗନୱାଡ଼ି ଓ ଶିକ୍ଷକ ମାନଙ୍କର ଗୁରୁତ୍ୱପୂର୍ଣ୍ଣ ଭୂମିକା ରହିଛି ଏବଂ ବଲାଙ୍ଗିର ଓ ସୋନପୁର ଜିଲ୍ଲାର ସାମୟିକ ଗଣନାକାରୀମାନେ ସ୍ୱେଚ୍ଛାକୃତ ଭାବରେ ଅଂଶଗ୍ରହଣ କରି ଥିବାରୁ ସେମାନଙ୍କୁ ଅଭିନନ୍ଦନ ଜ୍ଞାପନ କରିଥିଲେ। ଜିଲ୍ଲା ସମାଜ କଲ୍ୟାଣ ଅଧିକାରୀ ତାଙ୍କ ବକ୍ତବ୍ୟରେ ମୋବାଇଲ ଆପ୍ ଦ୍ଵାରା ତଥ୍ଯ ସଂଗ୍ରହ କରାଯାଉଥିବା ସ୍ଥଳେ ସାମୟିକ ଗଣନାକାରୀମାନେ ଲିଖିତ ଭାବରେ ଏହାର ରେକର୍ଡ଼  ସଂରକ୍ଷିତ କରି  ରଖିବାକୁ ଉପଦେଶ ପ୍ରଦାନ କରିଥଲେ। ବଲାଙ୍ଗିର ଓ ସୋନପୁର ଜିଲ୍ଲାର ୨୮ ଜଣ ସାମୟିକ ଗଣନାକାରୀ ଏହି ପ୍ରଶିକ୍ଷଣ କାର୍ଯ୍ୟକ୍ରମରେ ଅଂଶଗ୍ରହଣ କରିବା ସହ ଆଲୋଚନାରେ ସକ୍ରିୟ ଭାଗ ନେଇଥିଲେ। ଏହି ଦିନିକିଆ ପ୍ରଶିକ୍ଷଣ କାର୍ଯ୍ୟକ୍ରମରେ ଜନଗଣନା ନିର୍ଦ୍ଦେଶାଳୟ, ଓଡିଶା ପକ୍ଷରୁ ଉପନିର୍ଦେଶକ ଡ. ଅଭୟ ନାରାୟଣ ନାୟକ ଓ ପବିତ୍ର କୁମାର ମହଲା ପ୍ରଶିକ୍ଷଣ ପ୍ରଦାନ କରିଥଲେ। ଏହି କାର୍ଯ୍ୟକ୍ରମକୁ ଜନଗଣନା ନିର୍ଦ୍ଦେଶାଳୟର ଡାଟା ପ୍ରୋସେସିଙ୍ଗ ଆସିଷ୍ଟାଣ୍ଟ  ମଦନ ମୋହନ ବେହେରା ପରିଚାଳନା କରିଥିବା ବେଳେ  ପରିସଂଖ୍ୟାନ ଅନ୍ଵେଷକ ଗ୍ରେଡ-୧ ସୁଶ୍ରୀ ଅନୂସୟା ପ୍ରଧାନ ଓ ଜିଲ୍ଲା ପ୍ରଶାସନର କର୍ମଚାରୀମାନେ ସହାୟତା ପ୍ରଦାନ କରିଥଲେ।