08-Feb-2025

ଫୁଲବାଣୀ ( ଶ୍ରୀ କ୍ଷୀରୋଦ କୁମାର ସାହାଣୀଙ୍କ ରିପୋର୍ଟ ) କନ୍ଧମାଳ ଜିଲ୍ଲା ସଦର ଫୁଲବାଣୀ ଶିକ୍ଷା ମଣ୍ଡଳ ଅଧୀନରେ ଥିବା ବିଶିପଡା ପଂଚାୟତ ସ୍ଥିତ ଶ୍ରୀଦେବୀ ଉଚ୍ଚ ବିଦ୍ୟାଳୟ ର ନୂତନ ପ୍ରଧାନ ଶିକ୍ଷକ ଭାବେ ଶ୍ରୀ ଚତୁର୍ଭୁଜ ବେହେରା ଦାୟିତ୍ୱ ଗ୍ରହଣ କରିବା ପରେ ବିଦ୍ୟାଳୟ ରେ ଅଧ୍ୟୟନରତ ଛାତ୍ର ଛାତ୍ରୀ ମାନଙ୍କୁ ପୋଷାକ ବିତରଣ କରିଛନ୍ତି | ଏହି ପୋଷାକ ବିତରଣ କାର୍ଯ୍ୟକ୍ରମ ରେ ସ୍ଥାନୀୟ ସରପଞ୍ଚ ଶ୍ରୀମତୀ ସାକାଳୀ କହଁର ମୁଖ୍ୟ ଅତିଥିରୂପେ ଯୋଗଦାନ କରିଥିବା ବେଳେ ଏସଏମସି ର ସଭାପତି ଶ୍ରୀ ସୁକାନ୍ତ କୁମାର ବେହେରା ସନମାନୀତ ଅତିଥି ଭାବେ ଯୋଗଦାନ କରିଥିଲେ ଓ ସରପଞ୍ଚ ଶ୍ରୀମତୀ ସାକାଳୀ କହଁର ଛାତ୍ର ଛାତ୍ର ଛାତ୍ରୀ ମାନଙ୍କୁ ବିଦ୍ୟାଳୟ ର ଅନ୍ୟ ସମସ୍ତ କର୍ମକର୍ତ୍ତା ଙ୍କ ଉପସ୍ଥିତିରେ ପୋଷାକ ବିତରଣ କରିଥିଲେ | 
     ସୂଚନା ପ୍ରକାରେ ପୂର୍ବତନ ପ୍ରଧାନ ଶିକ୍ଷକ ଶ୍ରୀ ସଞ୍ଜୟ କୁମାର ସାହୁ ଗତ 31ଜାନୁୟାରୀ 2025 ରେ ଚାକିରୀ ଜୀବନରୁ ଅବସର ଗ୍ରହଣ କରିଥିଲେ | ଏଣୁ ସରକାର ଙ୍କ ଶିକ୍ଷା ବିଭାଗର ନିୟମ ପ୍ରକାରେ ବିଦ୍ୟାଳୟ ର ବରିଷ୍ଠ ଶିକ୍ଷକ ଭାବେ ଶ୍ରୀ ଚତୁର୍ଭୁଜ ବେହେରା ପ୍ରଧାନ ଶିକ୍ଷକ ଭାବେ ଦାୟିତ୍ୱ ଗ୍ରହଣ କରିବାର କିଛି ଦିନ ପରେ ସର୍ବପ୍ରଥମେ ଛାତ୍ର ଛାତ୍ରୀ ମାନଙ୍କ ପାଇଁ ଉଦ୍ଧିଷ୍ଟ ପୋଷାକ ବିତରଣ କାର୍ଯ୍ୟକ୍ରମ ହାତକୁ ନେଇ ସ୍ଥାନୀୟ ସରପଞ୍ଚଙ୍କ ଦ୍ୱାରା ଉକ୍ତ କାର୍ଯ୍ୟକୁ ସୁନ୍ଦର ଭାବେ ସମ୍ପାଦନ କରିପାରିଛନ୍ତି, ଯାହା ଫଳରେ ଅଧ୍ୟୟନ ରତ ଛାତ୍ର ଛାତ୍ରୀ ମାନେ ସ୍ଥାନୀୟ ସରପଞ୍ଚ  ସାକାଳୀ କହଁର ଓ ସ୍କୁଲ କମିଟି ସଭାପତି ସୁକାନ୍ତ କୁମାର ବେହେରାଙ୍କ ହାତରୁ ପୋଷାକ ଗ୍ରହଣ କରି ଖୁସି ହୋଇଥିବା ଦେଖିବାକୁ ମିଳିଛି | ପୋଷାକ ବିତରଣ କାର୍ଯ୍ୟକ୍ରମ ବେଳେ ବିଜ୍ଞାନ ଶିକ୍ଷକ ଶ୍ରୀ ସନ୍ତୋଷ କୁମାର ପ୍ରଧାନ ଓ ସଂସ୍କୃତ ଶିକ୍ଷକ ଶ୍ରୀ ରଞ୍ଜନ କୁମାର ମିଶ୍ର, ମୋ ସ୍କୁଲ ଅଭିଯାନ ର ସଭାପତି ଶ୍ରୀ ରଂଜିତ କୁମାର ବେହେରା ପ୍ରମୁଖ ଉପସ୍ଥିତି ଥିଲେ  ଏବଂ ନୂତନ ଭାବେ ଦାୟିତ୍ୱ ଗ୍ରହଣ କରିଥିବା ପ୍ରଧାନ ଶିକ୍ଷକ ଶ୍ରୀ ବେହେରା ଜଣେ ଦାୟିତ୍ୱ ସମ୍ପନ୍ନ ଅଭିଜ୍ଞ ଓ ଛାତ୍ର ବତ୍ସା୍ଳ ଶିକ୍ଷକ ଭାବେ ଅଂଚଳରେ ପରିଚିତ ଅଟନ୍ତି ଓ ବିଶେଷ ଘଟଣା ହେଲା ଶ୍ରୀଦେବୀ ଉଚ୍ଚ ବିଦ୍ୟାଳୟ ପ୍ରତିଷ୍ଠା କ୍ଷେତ୍ରରେ ମଧ୍ୟ୍ୟ ମହାବିଦ୍ୟାଳୟ ର ପ୍ଲସ ଥ୍ରୀ ଛାତ୍ର ଥିବା ବେଳେ ଚତୁର୍ଭୁଜ ବେହେରା ଙ୍କ ବଳିଷ୍ଠ ସହଯୋଗ କରିଥିଲେ, ହେଲେ ସେତେବେଳେ ର ପରିଚାଳନା କମିଟି ଶ୍ରୀ ସଞ୍ଜୟ ସାହୁଙ୍କୁ ପ୍ରଧାନ ଶିକ୍ଷକ ଭାବେ ନିଯୁକ୍ତି ଦେଇଥିଲେ ଓ ଶ୍ରୀ ଚତୁର୍ଭୁଜ ବେହେରାଙ୍କୁ ସହକାରୀ ଶିକ୍ଷକ ଭାବେ ନିଯୁକ୍ତି ପ୍ରଦାନ କରାଯାଇଥିଲା | ସେହି ଦିନ ଠାରୁ ଶ୍ରୀ ଚତୁର୍ଭୁଜ ବେହେରା ଚାରି ଶହ ଟଙ୍କା ଦରମାରେ ସହକାରୀ

ଶିକ୍ଷକ ଭାବେ ନିଷ୍ଠାର ସହିତ ଶିକ୍ଷାଦାନ କରିବା ସହିତ ବିଦ୍ୟାଳୟ ର ଉର୍ନ୍ନତି ପାଇଁ ଅଣ୍ଟା ଭିଡି ଆସିଛନ୍ତି ଓ ବର୍ତ୍ତମାନ ପ୍ରଧାନ ଶିକ୍ଷକ ଭାବେ ଦାୟିତ୍ୱ ଗ୍ରହଣ କରିବା ପରେ ଆଉ ଗୋଟାଏ ପାଦ ଆଗକୁ ବଢ଼ାଇ ଶିକ୍ଷାଦାନ ସହିତ ବିଦ୍ୟାଳୟ ର ଉର୍ନ୍ନତି କରିବେ ବୋଲି  ସଂକଳ୍ପ ବଧ ଅଟନ୍ତି ଏବଂ ଶ୍ରୀ ବେହେରାଙ୍କୁ ପ୍ରଧାନ ଶିକ୍ଷକ ଭାବେ ପାଇ ବିଶିପଡା ପଂଚାୟତ ବାସୀ ତାଙ୍କ ନିକଟରୁଶ୍ରୀଦେବୀ ବିଦ୍ୟାଳୟ ର ଉର୍ନ୍ନତି ପାଇଁ ବହୁତ କିଛି ଆଶା ପୋଷଣ କରିଥିବା ବୁଦ୍ଧିଜୀବୀ ମହଲରେ ଦେଖିବାକୁ ମିଳୁଛି, ହେଲେ ଶ୍ରୀ ଚତୁର୍ଭୁଜ ବେହେରା ମଧ୍ୟ୍ୟ ଆଉ କେତେ ମାସ ପରେ ଯଥା ଆଗାମୀ ମେ 31 ତାରିଖରେ ଅବସର ଗ୍ରହଣ କରିବେ ବୋଲି ମଧ୍ୟ୍ୟ ବିଶେଷ ସୂତ୍ରରୁ ସୂଚନା ମିଳୁଛି | ବର୍ତ୍ତମାନ ପୂର୍ବତନ ପ୍ରଧାନ ଶିକ୍ଷକ ଙ୍କ ଅବସର ଗ୍ରହଣ ପରେ ମାତ୍ର ହାତ ଗଣତି 3ଜଣ ଶିକ୍ଷକ ବିଦ୍ୟାଳୟ ରେ ଶିକ୍ଷାଦାନ କରୁଛନ୍ତି, ଏଭଳି ପରିସ୍ଥିତିରେ ବିଦ୍ୟାଳୟ ରେ ଛାତ୍ର ଛାତ୍ରୀ ମାନଙ୍କ ଶିକ୍ଷାଦାନକରିବା ସହିତ ପ୍ରଧାନ ଶିକ୍ଷକ ଶ୍ରୀ ବେହେରା ଙ୍କୁ ସରକାରୀ କାର୍ଯ୍ୟ ମଧ୍ୟ୍ୟ ସମ୍ଭାଳିବାକୁ ପଡିବ, ଦେଖାଯାଉ ଶ୍ରୀ ବେହେରା ତାଙ୍କର ସ୍ୱଳ୍ପ ସମୟ ପ୍ରଧାନ ଶିକ୍ଷକ ଭାବେ କିଭଳି ନିଜ ଦାୟିତ୍ୱ ସମ୍ଭାଳୁଛନ୍ତି ତାହା ଆଗାମୀ ଦିନରେ ଦେଖିବାକୁ ମିଳିବ |