07-Feb-2025

କୁଚିଣ୍ଡା,(ସିଲୁ ସୁନାନୀ):ସମ୍ବଲପୁର ଜିଲ୍ଲା କୁଚିଣ୍ଡା ଠାରେ ବୃହତ୍ ଉଠା ଜଳ ସେଚନ ପ୍ରକଳ୍ପ ତଥା ଫସଲ ବିବିଧି କରଣ ଯୋଜନା ଆନୁକୁଲ୍ୟ କୁଚିଣ୍ଡା ସ୍ଥିତ ରୋପ ଅନୁଷ୍ଠାନ ପରିସରରେ ମହିଳା ସ୍ଵୟଂ ସହାୟକ ଗୋଷ୍ଠୀଙ୍କୁ ନେଇ ରୋଷେଇ ପ୍ରତିଯୋଗିତା ଅନୁଷ୍ଠିତ ହୋଇଥିଲା । ଏଥିରେ ୮ ଟି ସ୍ୱୟଂ ସହାୟିକା ଗୋଷ୍ଠୀ ମହିଳା ମାନେ  ବିରି,ମୁଗ, କୋଳଥ, ଝୁଡୁଙ୍ଗ, ମସୁରି, କ୍ଷୁଦ୍ର ଶସ୍ୟ ମାଣ୍ଡିଆ, ତୈଳ ବୀଜ ଫସଲ ତଥା ଚିନାବାଦାମ, ରାଶି  ଓ ବିଭିନ୍ନ ପ୍ରକାର ପନିପରିବାକୁ ନେଇ ବିଭିନ୍ନ ପ୍ରକାର ରୋଷେଇ ପାରମ୍ପରିକ ସ୍ୱାଦିଷ୍ଟ ଖାଦ୍ୟ ତଥା ପିଠା, ମିଠା, ଖିରି, ଲଡୁ, ଘାଣ୍ଟ ତରକାରୀ, ଭଜା, ଡାଲି, ସାଲାଡ଼, ପୋଡ ପିଠା, ଶାଗ ଇତ୍ୟାଦି ପ୍ରସ୍ତୁତ କରିଥିଲେ। ଏହି ରୋଷେଇ ପ୍ରତିଯୋଗିତା ରେ ମୂଖ୍ୟ ଅତିଥି ଭାବରେ   ଶ୍ରୀଯୁକ୍ତ ପ୍ରସନ୍ନ କୁମାର ସ୍ଵାଇଁ କୃଷି ଜିଲ୍ଲା ଅଧିକାରୀ ଯୋଗଦେଇ ଉଦ୍ଘାଟନ କରିଥିଲେ।  ସମ୍ମାନିତ ଅତିଥି ଭାବରେ କୁଚିଣ୍ଡା ଗୋଷ୍ଠୀ ଉନ୍ନୟନ ଅଧିକାରୀ ଜୟନ୍ତ ସାହୁ ଯୋଗଦେଇଥିବାବେଳେ କୁଚିଣ୍ଡା ବ୍ଲକ କୃଷି ଅଧିକାରୀ ଦିବ୍ୟସ୍ଵରୂପ ପଣ୍ଡା, ସହକାରି କୃଷି ଅଧିକାରୀ ସସ୍ମିତା କିରୋ, ସହକାରୀ ଉଦ୍ୟାନ କୃଷି ଅଧିକାରୀ ଭିକ୍ଟୋରିଆ ପ୍ରଧାନ, ଆଇ ସି ଡ଼ି ଏସ ସୁପରଭାଇଜର , ସହକାରୀ କୃଷିଯନ୍ତ୍ରୀ ସୁଧାଂଶୁ ପ୍ରଧାନ ଓ ବ୍ଲକ ସେକ୍ସନ୍  ଅଫିସର ତରୁଣ ପ୍ରସାଦ ବିଶ୍ବାଲ ପ୍ରମୁଖ ବିଚାରକ ଭାବେ ଯୋଗଦାନ କରିଥିଲେ ଏବଂ ବିଭିନ୍ନ ଗୋଷ୍ଠି ଦ୍ଵାରା ପ୍ରସ୍ତୁତ ଖାଦ୍ୟ ସ୍ୱାଦିଷତା , ଗୁଣବତ୍ତା, ଓ ସ୍ଵାସ୍ଥ୍ୟ ଉପଯୋଗୀ ପରୀକ୍ଷା ନିରୀକ୍ଷା କରି ମୂଲ୍ୟାଙ୍କନ କରିଥିଲେ। ଅଂଶ ଗ୍ରହଣ କରିଥିବା ସ୍ବୟଂ ସହାୟକ ଗୋଷ୍ଠି ମାନଙ୍କୁ  ପ୍ରମାଣପତ୍ର ପ୍ରଦାନ କରିବା ସହ ପ୍ରତିଯୋଗିତାରେ ପ୍ରଥମ ,ଦ୍ବିତୀୟ, ତୃତୀୟ ସ୍ଥାନ ଅଧିକାର କରିଥିବା ଗ୍ରୁପ କୁ ମୂଖ୍ୟ ଅତିଥି ପୁରସ୍କାର ପ୍ରଦାନ କରିଥିଲେ। ଏହାକୁ ରୋପ୍ କାର୍ଯ୍ୟକ୍ରମ ସଂଯୋଜିକା ତୃପ୍ତି ମୟୀ ଦାସ  ପରିଚଳନା କରିଥିବା ବେଳେ ରୋପ୍ ସ୍ଵେଚ୍ଛାସେବୀ ମିଲି ବାଦୀ, ଜୁଲି ମହନ୍ତ, ରଚନା ନାୟକ, ସରୋଜ ପୃଷେଠ୍ ସହଯୋଗ କରିଥିଲେ।
ସମ୍ବଲପୁର କୁଚିଣ୍ଡାରୁ ସିଲୁ ସୁନାନୀ ଙ୍କ ରିପୋର୍ଟ