07-Feb-2025

ଦାରିଙ୍ଗବାଡି(କ୍ଷୀରୋଦ କୁମାର ସାହାଣୀଙ୍କ ରିପୋର୍ଟ ) ଓଡ଼ିଶାର ଭୂସ୍ବର୍ଗ କାଶ୍ମୀରର ମାନ୍ୟତା ପାଇଥିବା କନ୍ଧମାଳ ଜିଲ୍ଲା ଦାରିଙ୍ଗବାଡି ବ୍ଲକ ଅନ୍ତର୍ଗତ  ହାତୀମୁଣ୍ଡା ପଂଚାୟତ ସ୍ଥିତ ଆଶ୍ରମ ବିଦ୍ୟାଳୟରେ ପ୍ରଧାନ ଶିକ୍ଷକ ଜୟକୃଷ୍ଣ ସାହୁଙ୍କ ସଭାପତିତ୍ୱରେ ଅନୁଷ୍ଠିତ ହୋଇଯାଇଛି | ଉକ୍ତ ବାର୍ଷିକ ଉତ୍ସବରେ ମୁଖ୍ୟ ଅତିଥିଭାବେ  ଖଜୁରୀପଡା ବ୍ଲକ ସ୍ଥିତ ଦୁତିପଡା ଆଶ୍ରମ ଉଚ୍ଚ ବିଦ୍ୟାଳୟ  ଅବସର ପ୍ରାପ୍ତ ବରିଷ୍ଠ ପ୍ରଧାନ ଶିକ୍ଷକ ତଥା ଡି ଆଇ ଶ୍ରୀ ଶୁକଦେବ ପ୍ରଧାନ ଯୋଗଦାନ କରିଥିବା ବେଳେ ମୁଖ୍ୟବକ୍ତା ଭାବେ ଶ୍ରୀ ତୀର୍ଥ ବାସି ଘଡେଇ ସାଧାରଣ ସମ୍ପାଦକ କଲ୍ୟାଣ ବିଭାଗ ଶିକ୍ଷକ ସଙ୍ଘ କନ୍ଧମାଳ, ଏବଂ ସନମାନୀତ ଅତିଥିଭାବେ ବିଦ୍ୟାଳୟ ପରିଚାଳନା କମିଟି ସଭାପତି ଶ୍ରୀ ତାରେଶ୍ୱର ଲେଖାମାଝୀ, ଏବଂ ଅନ୍ୟ ସମସ୍ତ ସନମାନୀତ ଅତିଥି ମାନଙ୍କ ମଧ୍ୟରେ କସାବସା ବିଦ୍ୟାଳୟ ର ପ୍ରଧାନ ଶିକ୍ଷୟତ୍ରୀ, ହାତୀ ମୁଣ୍ଡା କ୍ଲଷ୍ଟର ସି ଆର ସି, ହାତୀମୁଣ୍ଡା ସମିତି ସଭ୍ୟ, ଶ୍ରୀମତୀ ଯଂଜ୍ଞସେନୀ ପରିଡା  ଦଣ୍ଡପଦର ସେବାଶ୍ରମ ବିଦ୍ୟାଳୟ ପ୍ରଧାନ ଶିକ୍ଷୟତ୍ରୀ, ଶ୍ରୀ ଯଶୋବନ୍ତ ପ୍ରଧାନ ପୂର୍ବତନ ପ୍ରଧାନ ଶିକ୍ଷକ ହାତୀମୁଣ୍ଡା ଏବଂ ଶ୍ରୀମତୀ ସସ୍ମିତା ମଳିକ ଯୋଗଦାନ କରିଥିଲେ | କାର୍ଯ୍ୟକ୍ରମ ଆରମ୍ଭ ପୂର୍ବରୁ ବରେଣ୍ୟ ମୁଖ୍ୟ ଅତିଥି ଶ୍ରୀ ପ୍ରଦୀପ ପ୍ରଜ୍ବଳନ କରି କରିଥିଲେ, ଏହାପରେ ଅତିଥି ମାନଙ୍କୁ ବିଦ୍ୟାଳୟ ଛାତ୍ର ଛାତ୍ରୀମାନେ ଉତ୍ତରୀୟ ଓ ପୁଷ୍ପମାଲ୍ୟ ଦେଇ ସ୍ୱାଗତ କରିବା ସହିତ ସ୍ୱାଗତ ସଂଗୀତ ପରିବେଷଣ କରିଥିଲେ |  ଏହାପରେ ବାର୍ଷିକ ଉତ୍ସବ ଉପଲକ୍ଷେ ବିଦ୍ୟାଳୟରେ ଅନୁଷ୍ଠିତ ହୋଇଥିବା ବିଭିର୍ଣ୍ଣ ପ୍ରତିଯୋଗିତା ରେ କୃତିତ୍ୱ ଅର୍ଜନ କରିଥିବା ଛାତ୍ର ଛାତ୍ରୀ ମାନଙ୍କୁ  ଯଥା ;- ବାଳକ ବିଭାଗରେ ଚମ୍ପିୟାନ ହୋଇଥିବା ସାଲଭେସନ ମୁଠା ମାଝୀ ଓ ବାଳିକା ବିଭାଗରେ ଚମ୍ପିୟାନ ହୋଇଥିବା ମଧୁସ୍ମିତା ବଳିୟାରସିଂ କୁ ବରେଣ୍ୟ ମୁଖ୍ୟ ଅତିଥିଙ୍କ ଦ୍ୱାରା ପୁରସ୍କାର ଓ ମାନ ପତ୍ର ପ୍ରଦାନ କରାଯାଇଥିଲା | 
       ହାତୀମୁଣ୍ଡା ସେବାଶ୍ରମ ବିଦ୍ୟାଳୟର ଦ୍ୱିତୀୟ ଥର ପାଇଁ ଏଭଳି ଏକ ବାର୍ଷିକ ଉତ୍ସବ ଭଳି ସୁନ୍ଦର କାର୍ଯ୍ୟକ୍ରମ କରାଯାଇଥିବାରୁ ଅଞ୍ଚଳ ବାସି ପ୍ରଧାନ ଶିକ୍ଷକ ଶ୍ରୀ ଜୟକୃଷ୍ଣ ସାହୁଙ୍କୁ ଭୁୟସୀ ପ୍ରଶଂସା କରିଥିଲେ | ଆଜିର ବାର୍ଷିକ ଉତ୍ସବକୁ ଆହୁରି ସରଷ ସୁନ୍ଦର କରିବା ପାଇଁ ନିଷ୍ଠାର ସହିତ ସମସ୍ତ କାର୍ଯ୍ୟକୁ ବିଦ୍ୟାଳୟ ର ସହକାରୀ ଶିକ୍ଷକ ଶ୍ରୀ ଅଂଶୁମାନ ଭୋଇ,ରବୀନ୍ଦ୍ର ଦେଶ ମାଝୀ,  ବିଭୁ ବଳିୟାରସିଂ, ପ୍ରମୁଖ ସକ୍ରିୟ ଅଂଶ ଗ୍ରହଣ କରି ସମସ୍ତ କାର୍ଯ୍ୟକ୍ରମ କୁ ସଫଳତାର ଶୀର୍ଷରେ ପହଞ୍ଚାଇଥିବା ଦେଖିବାକୁ ମିଳିଥିଲା | ଚଳିତ ବର୍ଷ ହାତୀମୁଣ୍ଡା ସେବାଶ୍ରମ ବିଦ୍ୟାଳୟର ବାର୍ଷିକ ଉତ୍ସବ ଅଭିଭାବକ ଓ ଦର୍ଶକ ମାନଙ୍କ ମଧ୍ୟରେ ଏକ ଅଦ୍ଭୁତପୂର୍ବ ଆନନ୍ଦ ଆଣିଦେଇଥିବା ସହିତ ହାତୀମୁଣ୍ଡା ଅଂଚଳବାସୀ ପ୍ରଧାନ ଶିକ୍ଷକ ଶ୍ରୀ ଜୟକୃଷ୍ଣ ସାହୁଙ୍କୁ ଭୁୟସୀ ପ୍ରଶଂସା କରିବା ଦେଖିବାକୁ ମିଳିଥିଲା |