07-Feb-2025

ଭୁବନେଶ୍ବର(ପ୍ରେରଣା ଖବର): ଭୁବେନେଶ୍ୱର ସ୍ଥିତ ଜୟଦେବ ଭବନ ଠାରେ ରାଜ୍ୟ ସାମ୍ବାଦିକ ସଂଘ (ଏସ ୟୁ ଜେ) ର ୫ମ ବାର୍ଷିକ ଉତ୍ସବ ମହାସମାରୋହରେ ଅନୁଷ୍ଠିତ ହୋଇଯାଇଛି।ଏହି ଉତ୍ସବରେ ମୁଖ୍ୟ ଅତିଥି ଭାବେ ରାଜ୍ୟ ରାଜସ୍ୱ ମନ୍ତ୍ରୀ ସୁରେଶ ପୂଜାରୀ ଯୋଗ ଦେଇ ନିଜ ବକ୍ତବ୍ୟରେ ସାମ୍ବାଦିକ ମାନେ କେବେ  ବି ସତ୍ୟ ରୁ ବିଚ୍ୟୁତ ହେବା ଉଚିତ୍ ନୁହେ ବୋଲି କହିଥିଲେ l ସତ୍ୟ ପଥରେ ଗଲେ ଅନେକ ଲୋକଙ୍କ ଆକ୍ରୋଶରେ ଶୀକାର ହୁଅନ୍ତି କିନ୍ତୁ କଲମର ଶକ୍ତି ଆଗରେ ବେଳେବେଳେ ସରକାରକୁ ବି  ନତମସ୍ତକ ହେବାକୁ ପଡିଥାଏ ବୋଲି ମନ୍ତ୍ରୀ ଶ୍ରୀ ପୁଝାରୀ ମତ ଦେଇଥିଲେ l  ସମ୍ମାନୀତ ଅତିଥି ଭାବେ ପାଲଲହଡ଼ା ବିଧାୟକ ଅଶୋକ ମହାନ୍ତି ,ଏନୟୁଜେ ସର୍ବ ଭାରତୀୟ ଅଧ୍ୟକ୍ଷ ସୁରେଶ ଶର୍ମା ମଞ୍ଚାସୀନ ଥିଲେ l ମୁଖ୍ୟବକ୍ତା ଭାବରେ ବଶିଷ୍ଠ ସାମ୍ବାଦିକ ରାଜାରାମ ଶତପଥି,(ଏନ୍ ୟୁ ଜେ)  ଯୋଗ ଦେଇ ସର୍ବ ଭାରତୀୟ ସଚିବ ବବୁଲ ସିଂ ଯୋଗ ଦେଇଥିଲେ l ବିଭିନ୍ନ ଜିଲ୍ଲା କମିଟିକୁ ଏହି ଅବସରରେ ସମ୍ବର୍ଦ୍ଧିତ କରାଯାଇଥିଲା l ପରେ ଏସ୍ ୟୁ ଜେ ତରଫରୁ ବାର୍ଷିକ ବିଶେଷଙ୍କ 'ସଂକଳ୍ପ' ଉନ୍ମୋଚନ ହୋଇଥିଲା l  ସଭାକୁ ସଂଘର ଉପସଭାପତି ମେହବୁବ ମହାତବ ସଭାକୁ ସଂଯୋଜନା କରିଥିଲେ l ଅନ୍ୟ ମାନଙ୍କ ମଧ୍ୟରେ ରାଜ୍ୟ ସଭାପତି କୈଳାଶ ଚନ୍ଦ୍ର ନାୟକ, କାର୍ଯ୍ୟକାରୀ ସଭାପତି କୀର୍ତ୍ତି ଚନ୍ଦ୍ର ସାହୁ ସଧାରଣ ସମ୍ପାଦକ ପ୍ରଶାନ୍ତ ପାଢ଼ୀ ,ବରିଷ୍ଠ ଉପସଭାପତି ସମେତ ରାଜ୍ୟର ସମସ୍ତ ଜିଲ୍ଲା ଏବଂ ବ୍ଲକରୁ ପ୍ରାୟ ୬ ଶହରୁ ଊର୍ଦ୍ଧ୍ବ ସାମ୍ବାଦିକ ଯୋଗ ଦାନ କରି ସାମ୍ବାଦିକ ମାନଙ୍କ ସମସ୍ୟାକୁ ବିସ୍ତୃତ ଭାବରେ ଆଲୋଚନା ହୋଇଥିଲା।