06-Feb-2025

ବରୀ(ରଞ୍ଜିତ ମହାନ୍ତି): ଓଡ଼ିଶାର ମୁଖ୍ୟମନ୍ତ୍ରୀ ମାନ୍ୟବର ମୋହନ ଚରଣ ମାଝୀ ଖୋର୍ଦ୍ଧା ଜିଲ୍ଲା ଠାରେ ବିକଶିତ ଗାଁ ବିକଶିତ ଓଡିଶା କାର୍ଯ୍ୟକ୍ରମ ଶୁଭରାମ୍ଭ କରିଛନ୍ତି। ଏହି ମର୍ମରେ  ଆଜି ବରୀ ବ୍ଲକ କାର୍ଯ୍ୟଳୟ ପରିସରରେ ମଧ୍ୟ କାର୍ଯ୍ୟକ୍ରମ ଅନୁଷ୍ଠିତ ହୋଇଛି। ଉକ୍ତ କାର୍ଯ୍ୟକ୍ରମରେ ବ୍ଲକ ମଣ୍ଡଳ ଉନ୍ନୟନ ଅଧିକାରୀ ଅସିଦ କୁମାର ମହାନ୍ତି ସଭାପତିତ୍ୱ କରିଥିବା ବେଳେ ମୁଖ୍ୟ ଅତିଥି  ଭାବେ ବରୀ ବିଧାୟକ ବିଶ୍ୱ ରଞ୍ଜନ ମଲ୍ଲିକ ଯୋଗ ଦେଇ ଗାଁ ର ବିକାଶ ହେଲେ ଏହି ସୁବିଧା ସୁଯୋଗ ସାଧାରଣ ଲୋକଙ୍କ ନିକଟରେ ପହଂଚି ପାରିବ। ଦଳୀୟ ଚିନ୍ତା ଧାରାରୁ ଉର୍ଦ୍ଧରେ ରହି ଲୋକ ପ୍ରତିନିଧି ମାନେ ସେମାନଙ୍କ ର  ସମସ୍ୟା ସମାଧାନ କଲେ ତାହା ଲୋକ ମାନଙ୍କ ପାଇଁ ଆଦୃତ ହେବ ବୋଲି  ମତ ରଖିଥିଲେ। ସମ୍ମାନିତ ଅତିଥି ଭାବେ ବରୀବ୍ଲକ ଅଧକ୍ଷ ଅଶୋକ କୁମାର ଗେଡି, ଉପାଧକ୍ଷା ଅର୍ଚନା ମଲ୍ଲିକ, ଯାଜପୁର ସାଂସଦ ପ୍ରତିନିଧି ଅଭୟ ପଲେଇ ଯୋଗଦେଇ ଥିଲେ। ଏହି କାର୍ଯ୍ୟକ୍ରମରେ ଅତିରିକ୍ତ ମଣ୍ଡଳ ଉନ୍ନୟନ ଅଧିକାରୀ ମହେଶ୍ୱର ସେଠି,ଗ୍ରାମ ପଂଚାୟତ ସମ୍ପ୍ରସାରଣ ଅଧିକାରୀ ଲକ୍ଷ୍ମୀକାନ୍ତ ମହାରଣା, ମହିଳା ଶିଶୁ ବିକାଶ ଅଧିକାରିଣୀ ସଂଗୀତା ଏଡ୍ଡା, ସାମାଜିକ ସୁରକ୍ଷା ଅଧିକାରୀ ରଞ୍ଜିତ ଜେନା,ଜିଲ୍ଲା ପରିଷଦ ସଭ୍ୟ ସଭ୍ୟା,ବରୀ ବ୍ଲକର ସରପଂଚ, ସମିତି ସଭ୍ୟ/ ସଭ୍ୟା,ମିଶନ ଶକ୍ତି ମହିଳା, ଏସଏସ ଜି ର ମହିଳା ମାନେ ଯୋଗ ଦେଇଥିଲେ। ଉକ୍ତ କାର୍ଯ୍ୟକମକୁ ସଫଳ କରିବା କ୍ଷେତ୍ରରେ ବରୀ ବ୍ଲକର କନିଷ୍ଠ ଯନ୍ତ୍ରୀ ରାକେଶ ମଲ୍ଲିକ,ବିଭୁତି ଭୂଷଣ ପଣ୍ଡା, ଦୁର୍ଗା ସାହୁ, ସରୋଜ ପଣ୍ଡା, ପୂର୍ଣ୍ଣ ଚନ୍ଦ୍ର ନାୟକ,ବ୍ଲକର ଅନ୍ୟାନ୍ୟ କର୍ମଚାରୀ ମାନେ ସହଯୋଗ କରିଥିଲେ।