05-Feb-2025

ବଲାଙ୍ଗୀର: ଛାତ୍ରଛାତ୍ରୀଙ୍କ ମଧ୍ୟରେ ବୈଜ୍ଞାନିକ ଉଦ୍ଭାବନ ଉପରେ ଜ୍ଞାନଆହରଣ କରିବାକୁ କିଛି ବୁଦ୍ଧିଜୀବି ବିଜ୍ଞାନ ସଚେତନତା କାର୍ଯ୍ୟକ୍ରମ ଆରମ୍ଭ କରିଛନ୍ତି । ଗତକାଲି ବଲାଙ୍ଗୀର ସହରର ତାଲପାଲିପଡାର ପ୍ରାଥମିକ ସ୍କୁଲ ଓ ଆଜି ବ୍ରାହ୍ମଣପଡାର ସ୍କୁଲରେ ବିଜ୍ଞାନଉପକରଣ ପ୍ରଦର୍ସନ କରିଛନ୍ତି । ଏଥିରେ ବଲାଙ୍ଗୀରରୁ ପ୍ରକାଶିତ ହୋଇ ଆସୁଥିବା ବିଜ୍ଞାନ ପତ୍ରିକା ବିଜ୍ଞାନମଧୂପର ମୁଖ୍ୟସଂପାଦକ ଡ.ଅଭିମନ୍ୟୁ ମିଶ୍ର, ସହସଂପାଦକ ଶ୍ରୀ ସନାତନ ଠାକୁର ଓ ଡ.ଭବାନୀଶଙ୍କର ପଟେଲ ଉପସ୍ଥିତ ରହି ବିଜ୍ଞାନର ଉପକାରୀତା ବିଷୟରେ ଛାତ୍ରଛାତ୍ରୀଙ୍କୁ ବୁଝାଇଥିଲେ । ବିଜ୍ଞାନ ଉପକରଣ ଗୁଡିକୁ ପ୍ରଦର୍ଶୀତ କରି ଛାତ୍ରଛାତ୍ରୀଙ୍କୁ ସେ ବିଷୟରେ ବୁଝାଇଥିଲେ । ଏହି କାର୍ଯ୍ୟକ୍ରମରେ ସ୍କୁଲର ପ୍ରଧାନଶିକ୍ଷୟିତ୍ରୀ ଓ ସହକାରୀ ଶିକ୍ଷକ/ଶିକ୍ଷୟିତ୍ରୀଗଣ ସହଯୋଗ୍ କରିଥିଲେ ।