06-Jan-2025

କଣ୍ଟାମାଳ(ଜୟ କୁମାର ମହାରଣା):  କଣ୍ଟାମାଳ ନିକଟ ବନ୍ଧପାଲିଠାରେ ପ୍ରଜାପତି ଈଶ୍ୱରୀୟ ବିଶ୍ୱ ବିଦ୍ୟାଳୟ କଣ୍ଟାମାଳ ଶାଖା ତରଫରୁ ଆଜି ସ୍ଵଶକ୍ତିକରଣ ଦ୍ୱାରା ଖୁସି ଜୀବନକୁ ନେଇ ଏକ ଆଧ୍ୟାତ୍ମିକ ସଭା ଅନୁଷ୍ଠିତ ହୋଇଥିଲା l ବୌଦ୍ଧ ଶାଖାର ସରୋଜ ଭାଇଙ୍କ ସଂଯୋଜନାରେ ଅନୁଷ୍ଠିତ ଏହି ସଭାରେ ମୁଖ୍ୟ ଅତିଥି ଭାବେ କଣ୍ଟାମାଳ ବିଧାୟକ କହେଁଇ ଚରଣ ଡାଙ୍ଗ, ସମ୍ମାନିତ ଅତିଥି ଭାବେ ବରିଷ୍ଠ ସାମ୍ବାଦିକ ଦିବ୍ୟଶଙ୍କର ରାଉତ, ସମାଜସେବୀ ପିନାକ ରଣା, ସୁଧୀର କୁମାର ଗୁରୁ, ଅନିଲ କୁମାର ପ୍ରଧାନ ଓ ସୋନପୁର କେନ୍ଦ୍ରର ଜୟଶ୍ରୀ ଭଉଣୀ ଉପସ୍ଥିତ ରହି ପ୍ରଜାପତି ଈଶ୍ୱରୀୟ ବିଶ୍ୱ ବିଦ୍ୟାଳୟର ବିଭିନ୍ନ କାର୍ଯ୍ୟକ୍ରମ ଉପରେ ଆଲୋକପାତ କରିବା ସହ କର୍ମମୟ ଜୀବନରେ ଶାନ୍ତି ପାଇଁ ଯୋଗର ଆବଶ୍ୟକତା ଏବଂ ଜୀବନ ଜଂଜାଳ ମଧ୍ୟରୁ କିଛି ସମୟ ବାହାରକରି ସତସଂଗୀ ହେବା ଜରୁରୀ ବୋଲି ଅତିଥି ମାନେ ମାତବ୍ୟକ୍ତ କରି ଥିଲେ l ମୁଖ୍ୟଅତିଥି ଶ୍ରୀଯୁକ୍ତ ଡାଙ୍ଗ କଣ୍ଟାମଲାଠାରେ ପ୍ରତିଷ୍ଠା କରାଯାଇଥିବା ବିଶ୍ୱବିଦ୍ୟାଳୟର ଭିତ୍ତିଭୂମିର ବିକାଶ ପାଇଁ ସହାୟତା ଯୋଗାଇ ଦେgବାକୁ ପ୍ରତିଶ୍ରୁତି ଦେଇ ଥିଲେ l ଏହି ଅବସରରେ କୁନି କୁନି ଭଉଣୀ ମାନଙ୍କ ଦ୍ୱାରା ନୃତ୍ୟ ପରିବେଷଣ କରା ଯାଇଥିଲା l କାର୍ଯ୍ୟକ୍ରମଟିକୁ କଣ୍ଟାମାଳ କେନ୍ଦ୍ରର ସଂଚାଳିକା ବନ୍ଦନା ଭଉଣୀ, ଭଉଣୀ ମାଧୁରୀ ଦୋରା, ଭଉଣୀ ରଶ୍ମିତା ରଣା, ଭାଇ ପ୍ରମୋଦ ପାଢ଼ୀ, ଭାଇ ପଞ୍ଚାନନ ରଣା ପ୍ରମୁଖ           ପରିଚାଳନା କରଥିଲେ  l