03-Jan-2025

ବଲାଂଗୀର(ପ୍ରେରଣା ଖବର): ସ୍ଥାନୀୟ ସାମ୍ବାଦିକଭବନ ଠାରେ ଏକ ବର୍ଣ୍ଣାଢ୍ୟ ଉତ୍ସବରେ ତପସ୍ୱିନୀ ଅଡିଓ ଭିଜୁଆଲର କୋଶଲି/ସମ୍ବଲପୁରୀ ମ୍ୟୁଜିକ ଭିଡିଓ 'ବଲାଙ୍ଗିରିଆ ରସିଆ ପିଲା' ମୁକ୍ତିଲାଭ ହୋଇ ଲୋକାର୍ପଣ ହୋଇଯାଇଛି l ପଶ୍ଚିମ ଓଡିଶା ପ୍ରଡ୍ୟୁସରସ ଆସୋସିଏସନ ପକ୍ଷରୁ ଆୟୋଜିତ ଏହି କାର୍ଯ୍ୟକ୍ରମରେ ଅତିଥି ଭାବରେ  ପୂର୍ବତନ ପୋପା ଅଧ୍ୟକ୍ଷ  ଅଜୟ କୁମାର ଦାଶ ଏବଂ ବିଶିଷ୍ଟ କଣ୍ଠଶିଳ୍ପୀ ବ୍ୟାସଦେବ ପୁରୋହିତ ଯୋଗଦାନ କରି ପୋପା ର ଏହି ଉଦ୍ୟମ ଫଳରେ ନୁଆଁ ପିଢ଼ିର କଲାକାର ମାନଙ୍କୁ ଲୋକଲୋଚନକୁ ଆଣି ତାଙ୍କର ପ୍ରତିଭା ବିକାଶରେ ସହଯୋଗ ହୋଇ ପାରିବ ବୋଲି ମତବ୍ୟକ୍ତ କରିଥିଲେ l

ପୋପା ର ଉପସଭାପତି ଶରତ ମହାକୁର ଆଗକୁ ମଧ୍ୟ ଏହିଭଳି କାର୍ଯ୍ୟକ୍ରମ ମାଧ୍ୟମରେ ପ୍ରଯୋଜକ ମାନେ କିଭଳି ଲାଭନ୍ୱିତ ହୋଇ ପାରିବେ ସେଥିପାଇଁ ପ୍ରଚାର ପ୍ରସାର ବ୍ୟାପକ କରାଯିବ ବୋଲି ମତ ରଖିଥିଲେ l ପରେ ଆଲବମ ସହିତ ଜଡିତ ଲେଖକ କପିଳେଶ୍ୱର ଖମାରୀ, ଚୈତନ୍ୟ ମଟାରୀ, ସଂଗ୍ରାମ ମହାପାତ୍ର, ସାଇକୃଷ୍ଣ,ଟୂବୁଲ ସିଂ ଚରଣ, ପୁର୍ଣ, ପରେଶ,  ଆଲବମର ନାୟକ କ୍ରିଷ୍ଣରାଜ, ବ୍ୟବସାୟୀ ଅଭିଜନ ପତି, ପ୍ରୋଜାଜିକା ରତ୍ନମଞ୍ଜରୀ ପତି ପ୍ରମୁଖଙ୍କୁ  ଉପଢୌକନ ଓ ପୁଷ୍ପଗୁଚ୍ଛ ଦେଇ ସମ୍ମାନୀତ କରାଯାଇଥିଲା l ବିଶିଷ୍ଟ ସଙ୍ଗୀତ ଶିଳ୍ପୀ ମୁରଲିଧାରୀ ପତିଙ୍କ ପୌରୋହିତ୍ୟରେ ଆୟୋଜିତ କାର୍ଯ୍ୟକ୍ରମରେ ପୋପା ର ସମ୍ପାଦକ ଦେବେନ୍ଦ୍ର ସାହୁ ଧନ୍ୟବାଦ ଅର୍ପଣ କରିଥିଵା ବେଳେ ପରିଚାଳନା କରିଥିଲେ ସିରିଶା ସୁଭଦର୍ଶିନୀ ପତି l ପରିଶେଷରେ ଶତାଧିକ ଦର୍ଶକଙ୍କ ସମାଗମରେ ଗୀତର ଭିଡିଓ ପ୍ରଦର୍ଶନ କରାଯାଇଥିଲା l