13-Dec-2024

ତୁଷୁରା (ପଞ୍ଚାନନ ନାଏକ) ବଲାଙ୍ଗୀର ଜିଲ୍ଲା ଗୁଡଭେଲାବ୍ଲକ ଅନ୍ତର୍ଗତ ବଡଙ୍ଗୋମୁଣ୍ଡା ଗ୍ରାମପଞ୍ଚାୟତର  ପୂର୍ବତନ ସରପଞ୍ଚ ତଥା ବିଜେଡିର ଟାଣୁଆ ନେତ୍ରୀ ପ୍ରଭାସିନୀ ପ୍ରଧାନ ଓ ତାଙ୍କ ସ୍ବାମୀ ତଥା ତେନ୍ତୁଳିଖୁଣ୍ଟି କଲେଜ ଅଧ୍ୟକ୍ଷ ଚକ୍ରଧର ପ୍ରଧାନ ମିଶି ଗୁଡଭେଲାବ୍ଲକ ଅନ୍ତର୍ଗତ ସରଗଡା ଗ୍ରାମର ବହୁ ମହିଳାମାନଙ୍କ ଠାରୁ ଲକ୍ଷ ଲକ୍ଷ ଟଙ୍କା ହଡପ କରିଥିବା ନେଇ ମହିଳା ମାନେ ଗୁରୁବାର ପ୍ରାୟ ୧୦ଟା ସମୟରେ ଗ୍ରାମର ରଶ୍ମୀ ମହାକୁର, ସନ୍ଧ୍ୟାରାଣୀ ବାଗ, ପଦ୍ମା ମହାକୁର, ହେମାଦିନୀ ବୁଡେକ, ପ୍ରତିମା ଭୋଇ, ନିସ୍ତିନି ଭୋଇ, ସୁରେଖା ହାତୀ, ସୀତା ପ୍ରଧାନ, ଗୀତାଞ୍ଜଳୀ ସାହୁ, ହେମାଙ୍ଗିନୀ ପ୍ରଧାନ, ସାଶାନ୍ତି ସାହୁ, ସମାରି ଦଣ୍ଡସେନା, ହୀନା ଭୁଏ, ସତ୍ୟଭାମା ସାହୁ,ବୃନ୍ଦାବତି ସିଂ ଚିନ୍ଦା, ସୁଭାଗୀନୀ ଭୋଇ ଆଦି ବହୁ ମହିଳା ଏକତ୍ରୀତ ହୋଇ ତୁଷୁରା ଥାନାରେ ଅଭିଯୋଗ କରିଥିଲେ। ପ୍ରାୟ ଏକ ବର୍ଷ ତଲେ ନିଜ ଝିଅ ବିବାହ କରିବା ପାଇଁ ଗ୍ରାମର ପ୍ରାୟ ୪୫ଜଣ ମହିଳାଙ୍କ ଠାରୁ ସ୍ବାମୀ ଓ ସ୍ତ୍ରୀ ମିଶି ପ୍ରାୟ ୫୦ଲକ୍ଷ ଟଙ୍କା ହଡପ କରିଥିବା ଅଭିଯୋଗ ହେଉଛି । ଉକ୍ତ ମହିଳା ମାନଙ୍କୁ ବିଭିନ୍ନ ଫାଇନାନ୍ସ ଗ୍ରୁପ ଠାରୁ ଟଙ୍କା ଧାର କରିଇ ଦେଇ ଉକ୍ତ ଟଙ୍କା ନିଜ ପାଖରେ ସ୍ବାମୀ ଓ ସ୍ତ୍ରୀ ରଖୁଥିଲେ। ଉକ୍ତ ଟଙ୍କା ଏବେ ଫାଇନାନ୍ସ କମ୍ପାନୀର କର୍ମଚାରୀମାନ ମାଗିବାରୁ ମହିଳା ମାନେ ସ୍ବାମୀ ଓ ସ୍ତ୍ରୀଙ୍କୁ ମାଗିବାରୁ ସେ ଦେବାକୁ ମନା କରିବାରୁ ମହିଳା ମାନେ ଥାନାର ଦ୍ବାରସ୍ଥ ହେବା ସହ ଉକ୍ତ ଟଙ୍କା ଦେବାକୁ ଦାବୀ କରିଥିଲେ। ପ୍ରାୟ ସଂଧ୍ଯ ୬ଟାରେ ସ୍ବାମୀ ଓ ସ୍ତ୍ରୀ ସମସ୍ତଙ୍କ ଟଙ୍କା ଫେରସ୍ତ କରିବାକୁ ଲିଖିତ ପ୍ରତିଶୃତି ଦେବା ପରେ ସମାଧାନ ହୋଇଥିଲା।