12-Dec-2024

ବଲାଙ୍ଗୀର(ପ୍ରେରଣା ଖବର): ବଲାଙ୍ଗୀର ଜିଲ୍ଲା ଓକିଲ ସଂଘର ଦୁଇ ଜଣ ସଦସ୍ୟ ଆଡଭୋକେଟ ପ୍ରଭାସ ମିଶ୍ର ଓ ଡ଼ୋଲାମଣୀ ପ୍ରଧାନଙ୍କୁ  ବିନା କାରଣରେ ବଲାଙ୍ଗୀର ତହସିଲର ମୁଖ୍ୟ କିରାଣୀ ରୀନା ପାଣିଗ୍ରାହୀ ଦୁର୍ବ୍ଯବହାର କରିଥିବା ଅଭିଯୋଗ ହୋଇଛି l ସୂଚନାରୁ ପ୍ରକାଶ ଯେ, ଆଜି ଏହି ଦୁଇ ଆଡଭୋକେଟ୍  ଆବେଦନ କରିଥିବା ଏକ ସାର୍ଟିଫାଏଡ୍ କପି ର ଷ୍ଟlଟସ୍ ସମ୍ପର୍କରେ ଜାଣିବା ପାଇଁ ହେଡ କ୍ଲାର୍କ ଙ୍କ ପାଖକୁ ଯାଇଥିଲେ l ତେବେ ଏଠାରେ କାର୍ଯ୍ୟରତ କିରାଣୀ ଜଣକ ହଠାତ୍ ଏଇ ଦୁଇ ଆଡଭୋକେଟ୍ ଙ୍କୁ ଅଭଦ୍ର ଭାଷା ପ୍ରୟୋଗ କରିବା ସହ ଚପଲ ମାରିବା ପାଇଁ ଉଦ୍ୟମ କରିଥିଲେ l ଏପରିକି ହେଡ୍ କ୍ଲାର୍କ ଜଣକ ଲାଞ୍ଚ  ମାଗୁଥିବା ଓ ଏମାନଙ୍କୁ ଗୁଣ୍ଡା ଲଗାଇ ମାଡ ଦେବାର ଧମକ ଦେଇଥିବା ମଧ୍ଯ ଅଭିଯୋଗ କରିଛନ୍ତି ଓକିଲ ଦ୍ୱୟ l ଏ ସଂକ୍ରାନ୍ତରେ ଦୁଇ ଓକିଲ ଙ୍କ ପକ୍ଷରୁ ବଲାଙ୍ଗୀର ଟାଉନ୍ ଥାନାରେ ଲିଖିତ ଅଭିଯୋଗ କରାଯାଇଛି l ପରେ ଜିଲ୍ଲା ଓକିଲ ସଂଘର ଶତାଧିକ ସଦସ୍ୟ ଅତିରିକ୍ତ ଜିଲ୍ଲାପାଳ ବିଜୟାନନ୍ଦ ସେଠୀଙ୍କୁ ସାକ୍ଷାତ କରି ଦୋଷୀ ସରକାରୀ କର୍ମଚାରୀଙ୍କ ବିରୁଦ୍ଧରେ ଦୃଢ଼ କାର୍ଯ୍ୟାନୁଷ୍ଠାନ ଗ୍ରହଣ କରିବା ପାଇଁ  ଦାବି କରିଛନ୍ତି l ଅନ୍ଯପକ୍ଷରେ ହେଡ୍ କ୍ଲାର୍କ ଶ୍ରୀମତୀ ପାଣିଗ୍ରାହୀ ମଧ୍ୟ ଟାଉନ ଥାନାରେ ପଲଟା ଅଭିଯୋଗ କରିଛନ୍ତି l

  ସୂଚନାଯୋଗ୍ୟ ଯେ,  ବଲାଙ୍ଗୀର ତହସିଲରେ କାର୍ଯ୍ୟରତ ଏହି ମହିଳା ହେଡ୍ କ୍ଲାର୍କ ଜଣକ ଙ୍କ ଆଚରଣକୁ ନେଇ ପୂର୍ବରୁ ମଧ୍ୟ ଏପରି ଏକାଧିକ ଥର ଅଭିଯୋଗ ହୋଇ ସାରିଛି l ବିଭିନ୍ନ ଲୋକଙ୍କୁ ସେ ଏପରି ଦୁର୍ବ୍ଯବହାର କରୁଥିବା ନେଇ ତାଙ୍କ ନାମରେ ଅଭିଯୋଗ ରହିଛି l