12-Dec-2024

ବରଗଡ:(ନିରଞ୍ଜନ ତ୍ରିପାଠୀ)-ସ୍ଥାନୀୟ ବାପୁଜୀ ସ୍ୱତନ୍ତ୍ର ବିଦ୍ୟାଳୟର ଛାତ୍ରଛାତ୍ରୀଙ୍କ ଦ୍ୱାରା ପ୍ରଥମ ଥର ପାଇଁ ବିଜ୍ଞାନ, ଗଣିତ,ପରିବେଶ ମେଳା ଓ ଶିକ୍ଷଣ ସହାୟକ ସାମଗ୍ରୀ  ପ୍ରଦର୍ଶନର କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଥିଲା l ଉପଜିଲ୍ଲାପାଳ, ବରଗଡ଼ -ଶ୍ରୀଯୁକ୍ତ ପ୍ରସନ୍ନ କୁମାର ପାଣ୍ଡେ, ଜିଲ୍ଲା ସାମାଜିକ ସୁରକ୍ଷା ଅଧିକାରୀ ବରଗଡ଼ ଶ୍ରୀଯୁକ୍ତ ତାହିର ହୁସେନ, ସହକାରୀ ଜିଲ୍ଲାପାଳ, ବରଗଡ଼ -ଶ୍ରୀଯୁକ୍ତ ମଦନଲାଲ ପଣ୍ଡା, ଜର୍ଜ ସରକାରୀ ଉଚ୍ଚ ବିଦ୍ୟାଳୟ, ବରଗଡ଼ର ପ୍ରଧାନ ଶିକ୍ଷୟତ୍ରୀ -ଶ୍ରୀମତୀ ଶାଶ୍ଵତୀ ଦାଶ ଅନୁଷ୍ଠାନିକ ଭାବେ ଉଦଘାଟନ କରିଥିଲେ l ଅନ୍ୟ ଅତିଥି ମାନଙ୍କ ମଧ୍ୟରେ ସମାଜସେବୀ -ପ୍ରିତମ ସିଂ, ପ୍ରଧାନ ଶିକ୍ଷକ ତ୍ରୟ-ଅଭୟ କୁମାର ପଧାନ, କିଶୋର ଚନ୍ଦ୍ର ସାହୁ ଓ ମେଘନାଦ ସାହୁ ମଞ୍ଚାସିନ ଥିଲେ l ଅତିଥି ଗଣ ଦୃଷ୍ଟିହୀନ ଓ ବଧିର ଛାତ୍ରଛାତ୍ରୀଙ୍କ ଦ୍ୱାରା ପ୍ରସ୍ତୁତ ୩୩ ଗୋଟି ପ୍ରକଳ୍ପ ବୁଲି ଦେଖିବା ସହ, ଏହାର ଭୂୟସୀ ପ୍ରଶଂସା କରିଥିଲେ l ଏହା ଏକ ଐତିହାସିକ କାର୍ଯ୍ୟକ୍ରମ ବୋଲି ମୁଖ୍ୟ ଅତିଥି ଶ୍ରୀଯୁକ୍ତ ପାଣ୍ଡେ ମତବ୍ୟକ୍ତ କରିଥିଲେ l ଏହି ଅବସରରେ ଦୃଷ୍ଟିହୀନ, ବଧିର ଓ ବୌଦ୍ଧିକ ଅକ୍ଷମତା ବିଦ୍ୟାଳୟର ଶିକ୍ଷକ ଓ ଶିକ୍ଷୟତ୍ରୀ ମାନକ ଦ୍ୱାରା ପ୍ରସ୍ତୁତ ଶିକ୍ଷଣ ସହାୟକ ସାମଗ୍ରୀ ପ୍ରଦର୍ଶନ କରାଯାଇଥିଲା l ଶିକ୍ଷକ ଓ ଶିକ୍ଷୟତ୍ରୀ ସହାୟତାରେ ଛାତ୍ରଛାତ୍ରୀମାନେ ଖୁବସୁନ୍ଦର ଶିକ୍ଷଣୀୟ ସାମଗ୍ରୀ ସହ ପ୍ରକଳ୍ପ ମାନ ପ୍ରସ୍ତୁତ କରି ମେଳାରେ ପ୍ରଦର୍ଶନ କରିଥିଲେ l ସମସ୍ତ ପ୍ରକଳ୍ପରେ ଭାଗ ନେଇଥିବା ଛାତ୍ର ଛାତ୍ରୀ ମାନଙ୍କୁ ପ୍ରଶଂସା ପତ୍ର ପ୍ରଦାନ କରାଯାଇଥିଲା l ମେଳାକୁ ନିଶାମଣି ଉଚ୍ଚ ବିଦ୍ୟାଳୟ ଓ ଶକ୍ତି ନଗର ପ୍ରାଥମିକ ବିଦ୍ୟାଳୟ ର ଶିକ୍ଷୟତ୍ରୀ ଓ ଛାତ୍ର ଛାତ୍ରୀ ମାନେ ପରିଦର୍ଶନରେ ବିଦ୍ୟାଳୟକୁ ଆସିଥିଲେ l ଅନ୍ୟ ମାନଙ୍କ ମଧ୍ୟରେ କମିଟିର ବରିଷ୍ଠ ସଦସ୍ୟ ସମାରୁ ପଧାନ, ଗୋବିନ୍ଦପାଲି ଉଚ୍ଚ ପ୍ରାଥମିକ ବିଦ୍ୟାଳୟର ପ୍ରଧାନ ଶିକ୍ଷକ ସାର୍ତ୍ତିକ ସାହୁ,ପବିତ୍ର ଦେହେରୀ, ଦିବାକର ମାଝୀ, ନନ୍ଦିଘୋଷ ମହାପାତ୍ର, ରମେଶ ଦାଶ ଓ ଅନ୍ୟ ମାନ୍ୟଗଣ ବ୍ୟକ୍ତି ଉପସ୍ଥିତ ଥିଲେ l ପରିଶେଷରେ ଦୃଷ୍ଟିହୀନ ବିଦ୍ୟାଳୟର ପ୍ରଧାନ ଶିକ୍ଷକ ଅଭୟ କୁମାର ପଧାନ ଧନ୍ୟବାଦ ଅର୍ପଣ କରିଥିଲେ lହେଲେ ଏଭଳି ଏକ ସୁନ୍ଦର କାର୍ଯ୍ୟକ୍ରମକୁ ସ୍ଥାନୀୟ ଜିଲ୍ଲାପାଳ ଏବଂ ଶିକ୍ଷାବିଭାଗର ମୁଖ୍ୟଙ୍କ ଦେଖା ନଥିଲା।