12-Dec-2024

ପଦ୍ମପୁର: କେଉଁ ଆବହମାନ କାଳରୁ ପୁରାଣ ପ୍ରସିଦ୍ଧ  ଗନ୍ଧମାର୍ଦ୍ଦନ ଶୋଭା ପାଇଆସୁଛିବଲାଙ୍ଗିର ଜିଲ୍ଲାର ହରିଶଙ୍କର ଏବଂ ଅପରପାର୍ଶ୍ବ ବରଗଡ଼ ଜିଲ୍ଲା ର ନୃସିଂହନାଥ ଠାରେ।ଏହା ଏକ ଦୀର୍ଘ ପର୍ବତମାଳା।ଏକାଧିକ ଝରଣା କୁଲୁ କୁଲୁ ନାଦରେ ବୋହିଯାଉଛି ଏହି ପର୍ବତମାଳାର ପାଦ ଦେଶରେ।ହରିଶଙ୍କର ରେ ଭଗବାନ ଶିବ ଏବଂ ହରି ପୂଜା ପାଉଥିବା ବେଳେ ନୃସିଂହନାଥ ରେ ପ୍ରଭୁ ମାର୍ଜାର ରୂପରେ ପୂଜା ପାଇ ଆସୁଛନ୍ତି।ଏଠାକାର ପ୍ରାକୃତିକ ମନୋରମ ପରିବେଶ ଟାଣି ଆଣେ ଅନେକ ପ୍ରକୃତି ପ୍ରେମୀ ଏବଂ ଭକ୍ତଙ୍କୁ।ବର୍ଷକୁ ଥରେ ଏଠାରେ ନୃସିଂହ ଚତୁର୍ଦ୍ଦଶୀ ମେଳା ମହାଆଡମ୍ବରରେ ପାଳିତ ହୁଏ।ରାଜ୍ୟ ତଥା ରାଜ୍ୟ ବାହାରୁ ଅନେକ ଦର୍ଶକ ତଥା ଭକ୍ତଙ୍କୁ ଟାଣି ଆଣେ ଏହି ମେଳା ଏବଂ ପ୍ରାକୃତିକ ମନୋରମ ପରିବେଶ।ଏଠାରେ ବିଜେ ପ୍ରତ୍ୟକ୍ଷ  ଠାକୁରାଣୀ ମାଁ ଦୁର୍ଗେଇ ଦେବୀ।୧୪ ତାରିଖ ରୁ ମହାଆଡମ୍ବର ରେ ପୂଜାର୍ଚ୍ଚନା ହେବ।୧୪ ପ୍ରାତଃରୁ ପୂଜାରମ୍ଭ କରାଯାଇ ମଧ୍ୟରାତ୍ରୀରେ ମାନସିକ ବଳିପୂଜା ହେବ ବୋଲି ପରିଚାଳନା କମିଟି ସଭାପତି ମଧୁସୂଦନ ପାଣ୍ଡେ ସୂଚନା ଦେଇଛନ୍ତି।ପ୍ରତି ବର୍ଷ ଭଲି ଚଳିତ ବର୍ଷ ମଧ୍ୟ ମାଁ ଙ୍କ ପୂଜାରେ ଲକ୍ଷାଧିକ ଭକ୍ତଙ୍କ ସମାଗମ ହେବାର ଅନୁମାନ କରାଯାଉଛି।ମନସ୍କାମନା ପୂରଣ ପାଇଁ ଦୂରଦୂରାନ୍ତରୁ ବହୁ ମାନସିକଧାରୀ ଭକ୍ତମାନେ ଆସିଥାନ୍ତି।୧୫ ତାରିଖ ସକାଳୁ ପୂର୍ଣ୍ଣାହୁତି ଓ ଶାନ୍ତି ହୋମ ହେବ ବୋଲି କମିଟି ପକ୍ଷରୁ ଜଣାପଡିଛି।ପଶ୍ଚିମ ଓଡ଼ିଶାର ସମସ୍ତ ଶ୍ରଦ୍ଧାଳୁ ଭକ୍ତ ମାନଙ୍କୁ ଏହି ପୂଜାରେ ଯୋଗ ଦେବାକୁ କମିଟି ପକ୍ଷରୁ ବିନମ୍ର ନିବେଦନ କରାଯାଇଛି।ତ୍ରୟୋଦଶ ଶତାବ୍ଦୀରୁ ମାଁ ଦୁର୍ଗା ଦୁର୍ଗେଇ ଦେବୀ ରୂପେ ପୂଜା ପାଇ ଆସୁଛନ୍ତି।ମନଭଙ୍ଗ ଗୌନ୍ତିଆ ଙ୍କୁ ଦେବୀ ତାଙ୍କର ସ୍ଥିତି ଜାହିର ନେଇ ସ୍ୱପ୍ନାଦେଶ ଦେଇଥିଲେ।ତେଣୁ ପାଞ୍ଚ ଖଣ୍ଡ  ମୌଜା କୁ ନେଇ ବେଶ ଧୁମ୍‌ଧାମ୍‌ରେ ପାଳିତ ହୋଇ ଆସୁଛି ଏହି ପୂଜା।ଗନ୍ଧମାର୍ଦ୍ଦନର ପାଦ ଦେଶରେ ଦେବୀ ମାଁ ଦୁର୍ଗା ଭକ୍ତଙ୍କୁ ସୁରକ୍ଷା ଦେଇ ଆସୁଥିବା ଲୋକଙ୍କ ବିଶ୍ୱାସ।ବିପଦ ସମୟରେ ଅଧିଆ ପଡ଼ିଥିବା ଶ୍ରଦ୍ଧାଳୁ ଙ୍କ ମନସ୍କାମନା ପୂରଣ କରିଥାନ୍ତି।ମନସ୍କାମନା ପୂରଣ ହେବା ପରେ ମାଁଙ୍କ ନିକଟକୁ ଆସି ବଳି ଭୋଗ ଦେଇଥାନ୍ତି।ଏହି ପରମ୍ପରା ବହୁ ପୂରାତନ କାଳରୁ ଚାଲି ଆସିଛି।ପୂଜାର୍ଚ୍ଚନା ପାଇଁ ଭକ୍ତ ଙ୍କୁ ବଣପାହାଡ଼ ର ଚଲା ପଥରେ ଯିବାକୁ ହୁଏ।ଦୁର୍ଗେଇ ଖୋଲ ଦୁର୍ଗମ ପଥରେ ଥିବାରୁ ପାହାଚ ଓ ଆଲୋକୀ କରଣ ବ୍ୟବସ୍ଥା କରିବାକୁ ଆୟୋଜକ କମିଟିର ସଭାପତି ମଧୁସୂଦନ ପାଣ୍ତେ ସରକାର ଙ୍କୁ ଅନୁରୋଧ କରିଛନ୍ତି ।