27-Nov-2024

ବଲାଙ୍ଗୀର(ପ୍ରେରଣା ଖବର): ଆଜି ସ୍ଥାନୀୟ ଶ୍ରମିକ ମଙ୍ଗଳ ଭବନ ଠାରେ ବିଙ୍ଗ ହ୍ୟୁମାନ ଫାଉଣ୍ଡେସନ ତରଫରୁ ସମ୍ବର୍ଦ୍ଧନା ସମାରୋହ ଅନୁଷ୍ଠିତ ହୋଇଥିଲା l ଦିଲ୍ଲୀ ଠାରେ ଆୟୋଜିତ ଓଡିଶା ପରବରେ ବଲାଙ୍ଗୀରରୁ ନକୁଳ ଭୁଜା, ରବି ଚା ଦୋକାନ ଏବଂ କୋଶଳ ଫୋକ ଏକାଡେମୀ ର କର୍ମକର୍ତା ମାନେ ଅଂଶଗ୍ରହଣ କରି ସେଠାରେ ଉପସ୍ଥିତ ଦେଶର ମହାମହିମ ରାଷ୍ଟ୍ରପତି, ମାନ୍ୟବର ପ୍ରଧାନମନ୍ତ୍ରୀ, ମାନ୍ୟବର ମୁଖ୍ୟମନ୍ତ୍ରୀ, ମାନ୍ୟବର କେନ୍ଦ୍ରମନ୍ତ୍ରୀ ତଥା ଉପସ୍ଥିତ ଅତିଥି ମାନଙ୍କଠାରୁ ଭୁରିଭୁରି ପ୍ରଶଂସା ସାଉଁଟି ବଲାଙ୍ଗୀର ମାଟିର ଗୌରବ ବଢ଼ାଇଛନ୍ତି l ସେଥିପାଇଁ ତାଙ୍କୁ  ଆଜି ସମ୍ବର୍ଦ୍ଧନା ଦିଆଯାଇଛି l ଆଜି ଏହି ସମ୍ବର୍ଦ୍ଧନା ସମାରୋହରେ ମୁଖ୍ୟ ଅତିଥି ଭାବରେ ପୌରାଧ୍ୟକ୍ଷା ଶ୍ରୀମତୀ ଲିକା ସାହୁ,ସମ୍ମାନିତ ଅତିଥି ଭାବରେ ବରିଷ୍ଠ ନେତା ଗୋପାଳଜୀ ପାଣିଗ୍ରାହୀ, ବରିଷ୍ଠ ଆଇନଜୀବୀ ରତନ ମହାରଣା, ଅନୁଷ୍ଠାନର ମୁଖ୍ୟ ଉପଦେଷ୍ଟା ଲୋଟସ ଷଡ଼ଙ୍ଗୀ, ରଶ୍ମି ରଞ୍ଜନ ପଟ୍ଟନାୟକ, ନବଘନ ଦାସ ଉପସ୍ଥିତ ଥିଲେ l  ଅନୁଷ୍ଠାନ ର ପ୍ରତିଷ୍ଠାତା ସୋମନାଥ ମିଶ୍ର ସଂଯୋଜନା କରିଥିବା ବେଳେ ସଭାପତି ମୁକେଶ ପଧାନ, ସମ୍ପାଦକ ବୁଲୁ ମହାକୁର, ୟୁଥ ଏକ୍ସନ କମିଟି ସଭାପତି ବିନୋଦ କଲସଏ, ସ୍ବେଛାସେବୀ ସଂଗଠନର ଗୋବିନ୍ଦ ଶତପଥି, ସମଲେଇ ମନ୍ଦିର କମିଟିର ବିକାଶ ସା, ବୀରେନ୍ଦ୍ର ସାହୁ, ତପନ ଜାଲ, ପ୍ରିୟା ମିଶ୍ର, ସୁନିତା ବେହେରା, ଶିବାନୀ ଜାଲ, ଶିବାନୀ ମହାପାତ୍ର, ମନୋଜ ଖମାରି, ଶୁଭ୍ରାନ୍ତ ନନ୍ଦ, ରଜତ ପଧାନ, ଅରୁଣ ନାଏକ, ସୋନୁ ମହାକୁର, ରାଜେଶ ପଧାନ, ଘନ ପଶୟତ, ପଞ୍ଚା ପଟ୍ଟନାୟକ ଉପସ୍ଥିତ ଥିଲେ l  
ମହିଳା ଶାଖାର ସଭାପତି ରୂପା ଦାସ ଧନ୍ୟବାଦ ପ୍ରଦାନ କରିଥିଲେ l