27-Nov-2024

ଅତାବିରା(ଆକାଶ ମିଶ୍ର): ଭାରତରେ ଦୁଗ୍ଧ ସମବାୟ ଆନ୍ଦୋଳନରେ ଆଜୀବନ ଉତ୍ସର୍ଗୀକୃତ ସେବା ପାଇଁ ଶ୍ୱେତ ବିପ୍ଳବର ପିତାମହ ଭାବେ ଡ. ଭର୍ଗିସ୍‌ କ୍ୟୁରିଆନ୍‌ଙ୍କୁ ଆଖ୍ୟା ଦିଆଯାଇଛି।ତାଙ୍କରି ଜନ୍ମ ଦିବସରେ ଆମ ଦେଶରେ ପ୍ରତି 
 ବର୍ଷ ଜାତୀୟ ଦୁଗ୍ଧ ଦିବସ ପାଳିତ ହେଉଅଛି। ଏହି ଅବସରରେ ଅତାବିରା ଦୁଗ୍ଧ ଶୀତଳିକରଣ କେନ୍ଦ୍ରରେ ଆଜି ଅତାବିରା ଦୁଗ୍ଧ ସମବାୟ ସମି଼ତି ଆନୁକୁଲ୍ୟରେ ସମିତିର ସଭାପତି ଦୟାନିଧି  ପ୍ରଧାନ ଙ୍କ ଅଧ୍ୟକ୍ଷତାରେ ରାଷ୍ଟ୍ରୀୟ ଦୁଗ୍ଧ ଦିବସ ପାଳିତ ହୋଇ ଯାଇଛି । ଏଥିରେ  ଅତାବିରା ପ୍ରାଣୀ ଚିକିତ୍ସା ଅଧିକାରୀ  ରୁଦ୍ର ପ୍ରତାପ ସାହୁ ମୁଖ୍ୟ ଅତିଥି ରୂପେ ଯୋଗ ଦେଇ ଥିଲେ ।ଦୁଗ୍ଧ ମାର୍ଗର କ୍ଷେତ୍ର ପରିଦର୍ଶକ  ଭରତ ବେହେରା ସଭା ପରିଚାଳନା କରିଥିଲେ ।ଚଳିତ ବିଶ୍ୱ ଦୁଗ୍ଧ ଦିବସର ବାର୍ତ୍ତାଟି ହେଲା ‘ଡେରୀ ଉପଭୋଗ କରିବା’। ଏହି ବାର୍ତ୍ତା କୁ ନେଇ ମୁଖ୍ୟ ଅତିଥି ଦୁଗ୍ଧ ର ଉପାଦାନ ଓ ତାର ଉପଯୋଗିତା  ଉପରେ ତଥା  ଗୋପାଳନ ଉପରେ ବିସ୍ତୃତ ଆଲୋଚନା କରିବା ସହ ଦୁଗ୍ଧ ଚାଷୀଙ୍କୁ ଉତ୍ସାହିତ କରିଥିଲେ । ଶେଷରେ  ସମିତିର ସମ୍ପାଦକ ରବୀନ୍ଦ୍ର ପ୍ରଧାନ ଧନ୍ୟବାଦ୍ ଅର୍ପଣ କରିଥିଲେ ।ଏହି କାର୍ଯ୍ୟକ୍ରମ ରେ  ସମିତିର ସହାୟକ ଓ ଦୁଗ୍ଧ ପରୀକ୍ଷକ  ସାହାଯ୍ୟ   କରିଥିଲେ । ବହୁ ସଂଖ୍ୟକ ଦୁଗ୍ଧ ଚାଷୀ ଉପସ୍ଥିତ ଥିଲେ ।