26-Nov-2024

ସିନାପାଲି,(ଚିନ୍ତାମଣି ନେତାମ )
 ନୂଆପଡା ଜିଲ୍ଲା ସିନାପାଲି ବ୍ଲକ ଅନ୍ତର୍ଗତ ଘଣ୍ଟିଗୁଡା ପଂଚାୟତ ପରିସରରେ ସ୍ଥାନୀୟ ସରପଞ୍ଚ ଖୁଟୁରାମ ସୁନାନୀଙ୍କ ଅଧ୍ୟକ୍ଷତାରେ ୭୫ତମ ସମ୍ବିଧାନ ଦିବସ ପାଳିତ ହୋଇଯାଇଛି। ଏହି ଅବସରରେ ମୁଖ୍ୟ ଅତିଥି ଭାବରେ ପଶ୍ଚିମ ଓଡିଶା ବିକାଶ ପରିଷଦ ସଦସ୍ୟା ମନ୍ଦାକିନୀ ବଘେଲ ଯୋଗଦାନ କରଥିବା ବେଳେ ମୁଖ୍ୟବକ୍ତା ଭାବେ ସିନାପାଲି ମହାବିଦ୍ୟାଳୟର ଅଧ୍ୟାପକ ବିରେନ୍ଦ୍ର ବେହେରା ଓ ସମ୍ମାନିତ ଅତିଥି ଭାବରେ ଅଧ୍ୟାପକ କ୍ଷେତ୍ରମୋହନ ଦୁରିଆ, ହେମକାନ୍ତ ଭୋଇ, ସାମ୍ବାଦିକ ସନ୍ତୋଷ ବାଗ, ଶିକ୍ଷକ ଉପେନ୍ଦ୍ର ସୁନାନୀ, ଏମବିକେ ଦ୍ରୌପଦୀ ତାଣ୍ଡି, ସାମାଜିକ କର୍ମୀ ମନୁରାମ ସୁନାନୀ,ପୂର୍ବତନ ସରପଞ୍ଚ ମାର୍କଣ୍ଡ ଗହୀର ପ୍ରମୁଖ ମଞ୍ଚଆସିନ ଥିଲେ। କାର୍ଯ୍ୟକ୍ରମ ରେ ସମ୍ବିଧାନକୁ ସମସ୍ତେ ବୁଝି ସଚେତନ ହେବାପାଇଁ ପରାମର୍ଶ ଦେଇଥିଲେ। ସମ୍ବିଧାନ ଦ୍ୱାରା ହିଁ ସମସ୍ତଙ୍କ ହକ ଓ ଅଧିକାର ବଜାୟ ରହିଛି ବୋଲି ମଞ୍ଚଆସିନ ଅତିଥି ମତ ପ୍ରକାଶ କରିଥିଲେ। ଆଗାମୀ ଦିନରେ ସମ୍ବିଧାନ ଦିବସ କୁ ଯେଭଳି ସାର୍ବଜନୀନ କରି  ପୁରପଲ୍ଲୀରେ ପାଳନ କରିବା ନେଇ ମତ ପ୍ରକାଶ ପାଇଥିଲା। ସେହିପରି ଘଣ୍ଟିଗୁଡା ଉଚ୍ଚ ବିଦ୍ୟାଳୟ ଠାରେ ମଧ୍ୟ ପ୍ରଧାନ ଶିକ୍ଷକ ସତ୍ୟବାନ ମେହେରଙ୍କ ଅଧ୍ୟକ୍ଷତାରେ ସମ୍ବିଧାନ ଦିବସ ପାଳିତ ହୋଇଯାଇଛି। କାର୍ଯ୍ୟକ୍ରମ କ୍ରମରେ ଶିକ୍ଷକ ଉପେନ୍ଦ୍ର ସୁନାନୀ, ତୋଷଣ ବୈଠାରୁ, ଡୋଳାମଣି ମେହେର,ବଳରାମ ମେହେର, ବିପିନ ଜଗତ,ରୁଚିସ୍ମିତା ରଥ,ନମିତା ମେହେର,ଶଶୀ ମେହେର,ଗଣେଶ ପଟେଲ,ଉମେଶ ମାଝୀ, ରୁଷଭ ମେହେର,ବିଜୟ ଜଗତ,ଶରତ ବନ୍ଦୀଛୋର ପ୍ରମୁଖ ଉପସ୍ଥିତ ରହି ସମ୍ବିଧାନ ଓ ସମ୍ବିଧାନ ପ୍ରତି  ଆମ୍ବେଦକରଙ୍କ ଅବଦାନ ଉପରେ ବିଶେଷ ମତ ପ୍ରକାଶ କରିଥିଲେ।