26-Nov-2024

ଅତାବିରା (ଆକାଶ ମିଶ୍ର): ଅତାବିରା ଏନ୍ ଏ ସି ସ୍ଥିତ ହୋଲି ଆର୍ଟସ୍ ସ୍କୁଲ ପରିସରରେ ଦଶମ ବାର୍ଷିକୋତ୍ସବ ସ୍କୁଲ ର ନିର୍ଦେଶକ ସମିତ ପ୍ରଧାନଙ୍କ  ଅଧ୍ୟକ୍ଷତା  ରେ ଅନୁଷ୍ଠିତ ହୋଇ ଯାଇଛି । ବରଗଡ ସାଂସଦ ପ୍ରଦୀପ ପୁରୋହିତ ମୁଖ୍ୟ ଅତିଥି ଭାବେ ଯୋଗ ଦେଇଥିବା ବେଳେ ଶିକ୍ଷା ବିଭାଗ   ସମ୍ବଲପୁର ବିଶ୍ଵ ବିଦ୍ୟାଳୟ , ବୁର୍ଲା  ର ପ୍ରଫେସର ଡଃ ଯୁବରାଜ ଖମାରୀ  ମୁଖ୍ୟ ବକ୍ତା ତଥା ସମ୍ମାନିତ ଅତିଥି ରୂପେ ମଞ୍ଚlଷିନ ଥିଲେ ।
ଅତିଥି ମାନଙ୍କୁ ଉପଢୌକନ ଓ ଫୁଲତୋଡ଼ା ପ୍ରଦାନ କରି ସମ୍ବର୍ଦ୍ଧିତ କରିବା  ପରେ ଛାତ୍ରୀ ମାନଙ୍କ ଦ୍ଵାରା ସ୍ବାଗତ ସଙ୍ଗୀତ ଗାନ କରାଯାଇଥିଲା । ପ୍ରଧାନ ଶିକ୍ଷକ ରବୀନ୍ଦ୍ର ପୂଜାରୀ   ସ୍ବାଗତ  ଅଭିଭାଷଣ ସହ ବାର୍ଷିକ ବିବରଣୀ ପ୍ରଦାନ କରିଥିଲେ  ।ସୀମା ଦେବତା ଅତିଥି  ପରିଚୟ ପ୍ରଦାନ କରିଥିଲେ ।  ଅନୁଶୟା ଦାଶ ଓ ସୃତି ଦାଶ ମଞ୍ଚ ପରିଚାଳନା କରିଥିଲେ ।  ଏହି ଅବସରରେ  ଅତାବିରା ଅବସର ପ୍ରାପ୍ତ ସୈନିକ ସଂଘ ଓ ଅତାବିରା ଜେ ସି ଆଇ  ର ସଭାପତି ନିତୁ ଅଗ୍ରୱାଲ ଙ୍କୁ ଟ୍ରଫି ସହ ସମ୍ବର୍ଦ୍ଧିତ କରାଯାଇଥିଲା । ଗତ ବର୍ଷ ଏହି ଅନୁଷ୍ଠାନ ର  ପ୍ରଥମ ରୁ ପଞ୍ଚମ ଶ୍ରେଣୀ ପର୍ଯ୍ୟନ୍ତ ପ୍ରତ୍ୟେକ

ଶ୍ରେଣୀ ର ପ୍ରଥମ ସ୍ଥାନ ଅଧିକାର ଜାରିଥିବା ସୁପ୍ରିୟ ସାହୁ, ସ୍ଵସ୍ଥିକ ପ୍ରଧାନ, ରିଦ୍ଧି  ପାଣ୍ଡେ,ରୀୟାନ୍ସ ଅଗ୍ରୱାଲ, ଶ୍ରେୟାନ୍ସି ସଂସୀତା ଜେନା ଆଦି , ୫ ଜଣ  ଙ୍କୁ ଟ୍ରଫି ସହ ମାନପତ୍ର  ଦେଇ ପୁରସ୍କୃତ କରାଯାଇଥିବା । ଓଡ଼ିଶା ଆଦର୍ଶ ବିଦ୍ୟାଳୟ ପରୀକ୍ଷାରେ ଉତ୍ତୀର୍ଣ୍ଣ ହୋଇଥିବା ୫ ମ ଶ୍ରେଣୀ ର ବିନୀତ ପଟେଲ, ଶ୍ରେୟନ୍ସି  ସଂଶିତା ଜେନା , ଦେବସ୍ମିତା ସ୍ୱାଇଁ  ଓ ଆୟତ ନିଶା ଆଦି ୪  ଜଣ ଙ୍କୁ ପୁରସ୍କୃତ କରାଯାଇଥିଲା ।ରାଜେଶ ଭୋଇ ଓ ମିତା ମହାକୁର ଙ୍କ ନିର୍ଦ୍ଦେଶନା ରେ ସାଂସ୍କୃତିକ କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା ।୨୯୬  ଜଣ ଛାତ୍ର ଛାତ୍ରୀ  ବିଭିନ୍ନ ପ୍ରକାର ନୃତ୍ୟ ପରିବେଷଣ  କରି  ଦର୍ଶକ ଙ୍କୁ  ମୁଗ୍ଧ କରିଥିଲେ ।ଏହି କାର୍ଯ୍ୟକ୍ରମକୁ  ବିଦ୍ୟାଳୟ ର  ସମସ୍ତ ଶିକ୍ଷକ ,ଶିକ୍ଷୟତ୍ରୀ ,କର୍ମଚାରୀ ତଥା ଅଭିଭାବକ ଅଭିଭାବିକା ମାନେ ସହଯୋଗ କରିଥିବା ବେଳେ ଅମ୍ବିକା ମହାନନ୍ଦ ଧନ୍ୟବାଦ୍ ଅର୍ପଣ କରିଥିଲେ ।