26-Nov-2024

ଜମନକିରl(ଅବଦୁଲ ଗୁଲାମ କାଦିର)::ଜମନକିରା ଭୋଜପୁର ପି.ଡବ୍ଲୁ.ଡି ରାସ୍ତା ରୁ ଲୌହ ସାମଗ୍ରୀ ଚୋରି ହେଉଥିବା ଅଞ୍ଚଳବାସୀ ପ୍ରକାଶ କରିଛନ୍ତି। ସୂଚନା ଅନୁଯାୟୀ ଉକ୍ତ ପି.ଡବ୍ଲୁ.ଡି ରାସ୍ତାର ଉଭୟ ପାର୍ଶ୍ୱରେ ଲୌହ ବ୍ୟାରିକେଟ ଲଗାଯାଇଥିଲା ଓ ବିଗତ ଦିନରେ ଏହି ବ୍ୟାରିକେଟ କୁ ଦୁର୍ବୁତ୍ତ ମାନେ କଟର ରେ କାଟି ଚୋରି କରିନେଇଥିଲେ ଓ ପୋଲିସ ଦୁର୍ବୁତ୍ତ ମାନଙ୍କୁ ଧରିବାରେ ସଫଳ ମଧ୍ୟ ହୋଇଥିଲା। ବର୍ତ୍ତମାନ ଏହି ରାସ୍ତା କଲାପାଟଗ୍ରାମ ନିକଟରେ ଲାଗିଥିବା ଅବଶିଷ୍ଟାଂଶ ଲୌହ ଖୁଣ୍ଟ କୁ ଦୁର୍ବୁତ୍ତ ମାନେ ମାଟିରୁ ଉପାଡି ତାଡ଼ି ନେଇଯାଉଥିବା ଅଞ୍ଚଳ ବାସୀଙ୍କ ମନରେ ସନ୍ଦେହ ସୃଷ୍ଟି କରିଛି। କଲାପାଟଗ୍ରାମ ପାଖରେ ଥିବା ପ୍ରାୟ ୨୦ ରୁ ୩୦ ଟି ଲୌହଖୁଣ୍ଟ ନ ଥିବା ବେଳେ ଏହି ଲୌହଖୁଣ୍ଟ ରେ ଲାଗିଥିବା ଲୌହ ପ୍ଲେଟ ମଧ୍ୟ ଖୋଲିଦେଇ ରାସ୍ତାକଡରେ ପଡିଛି। ପୂର୍ବରୁ ଏହି ରାସ୍ତାର ବଡ଼ମାଲ ଘାଟି ପର୍ଯ୍ୟନ୍ତ ଚୋରିହୋଇଥିବା ବେଳେ ବର୍ତ୍ତମାନ ଦୁର୍ବୁତ୍ତ ମାନେ କଲାପାଟଗ୍ରାମରୁ କଟଙ୍ଗପାଣି ଗ୍ରାମ ପର୍ଯ୍ୟନ୍ତ ଲାଗିଥିବା ଅବଶିଷ୍ଟାଂଶ ଲୌହଖୁଣ୍ଟ ଗୁଡିକୁ ଟାର୍ଗେଟ କରିଥିବା ବେଳେ ପୋଲିସର ପେଟ୍ରୋଲିଂ କାର୍ଯ୍ୟକୁ ନେଇ ମଧ୍ୟ ଅଞ୍ଚଳରେ ଚର୍ଚ୍ଚା ହେଉଛି। ଅନ୍ୟପଟେ ଉକ୍ତ ଘଟଣା ସମ୍ପର୍କରେ ବିଭାଗୀୟ ଅଧିକାରୀ ଜାଣି ନ ଥିବା ବେଳେ ପୋଲିସ ରାତିରେ କିଭଳି ସୁରକ୍ଷା ଦେଉଛି ତାହା ମଧ୍ୟ ଚିନ୍ତାର ବିଷୟ। ଅନ୍ୟପଟେ ସରକାର ପରିବର୍ତ୍ତନ ହୋଇ ବିଭିନ୍ନ ଫଳକ ଓ ରଙ୍ଗ ପରିବର୍ତ୍ତନ ହେଉଥିବା ଯୋଗୁଁ ଏହି ଚୋରିକୁ ବିଭାଗୀୟ କାର୍ଯ୍ୟକ୍ରମ ବୋଲି ଗ୍ରାମବାସୀ ଚିନ୍ତା କରୁଥିବା ପ୍ରକାଶ କରିଛନ୍ତି। ତେଣୁ କରି ବିଭାଗୀୟ ଅଧିକାରୀ ଓ ପୋଲିସ ଘଟଣା କୁ ଗୁରୁତ୍ୱପୂର୍ଣ୍ଣ ଭୂମିକା ଗ୍ରହଣ କରି ଯଥାକ୍ରମେ ଏହାର ତଦନ୍ତ ସହିତ କାର୍ଯ୍ୟନୁଷ୍ଠାନ ଗ୍ରହଣ ପାଇଁ ସାଧାରଣ ରେ ଦାବି ହୋଇଛି। ଏ ସମ୍ପର୍କରେ କୁଚିଣ୍ଡା ଏସ ଡି ଓ ନବୀନ ବାଗେ ଙ୍କୁ ଯୋଗାଯୋଗ କରି ପଚାରିବାରୁ ଏଭଳି କୌଣସି କାର୍ଯ୍ୟ ବିଭାଗ ପକ୍ଷରୁ ଚାଲୁ ନାହିଁ ଓ ଆମେ ଯଥାଶୀଘ୍ର ଏହାର ତଦନ୍ତ କରି ଉପଯୁକ୍ତ ପଦକ୍ଷେପ ନେବୁ ଓ ପୋଲିସ କୁ ମଧ୍ୟ ଜଣାଇବୁ ବୋଲି କହିଛନ୍ତି।
ଜମନକିରା ରୁ ଅବଦୁଲ ଗୁଲାମ କାଦିର