26-Nov-2024

ବରଗଡ:(ନିରଞ୍ଜନ ତ୍ରିପାଠୀ)-ବିଶାଶହେ କୁଲିତା ସମାଜ ପକ୍ଷରୁ ଏକ ସଭା ବରଗଡ଼ ଜିଲ୍ଲା ପାଇକମାଲ ବ୍ଲକ ଅନ୍ତର୍ଗତ ମଲଦା ଠାରେ ଅନୁଷ୍ଠିତ ହୋଇଯାଇଛି। ଏହି ସଭାରେ କୁଲିତା ସମାଜର ଏକତାକୁ ନେଇ ପୁଙ୍ଖାନୁପୁଙ୍ଖ ଆଲୋଚନା ହୋଇଥିଲା।ପରେ    ସଭାରେ ମଲଦା କେନ୍ଦ୍ରର ସମାଜର ଭାଇ ମାନଙ୍କୁ ନେଇ ନୂତନ କର୍ମକର୍ତ୍ତା ନିର୍ବାଚନ ହୋଇଥିଲା। ନୂତନ କର୍ମକର୍ତ୍ତା ଭାବେ ସଭାପତି ଶ୍ରୀଯୁକ୍ତ ବିନୋଦ ବିଶ୍ୱାଳ, ଉପସଭାପତି ଭାବେ ଅଶୋକ କୁମାର ଭୋଇ, ସମ୍ପାଦକ ଭାବେ ପାତାଲ ସାହୁ, କୋଷାଧ୍ୟକ୍ଷ ଭାବେ ଲୋକନାଥ ବିଶ୍ୱାଳ ଓ ଉପ କୋଷାଧ୍ୟକ୍ଷ ଭାବେ ହେମନ୍ତ ସାହୁ ସର୍ବସମ୍ମତି କ୍ରମେ ନିର୍ବାଚନ ହୋଇଛନ୍ତି। ଆଗାମୀ ଦିନରେ ମଲଦା କେନ୍ଦ୍ରର ବିଶାଶହେ କୁଲିତା ସମାଜର ସଂଗଠନକୁ ସୁଦୃଢ କରିବା ନେଇ ନୂତନ କର୍ମକର୍ତ୍ତା ମାନେ ଏକପ୍ରକାର ଶପଥଗ୍ରହଣ କରିଥିଲେ। ଶେଷରେ ବାଜୁମନ ନାଏକ ଧନ୍ୟବାଦ ଅର୍ପଣ କଲାପରେ ସଭା ସାଙ୍ଗ ହୋଇଥିଲା।