26-Nov-2024

ପାଟଣାଗଡ଼ (ପୁର୍ଣ୍ଣ ଶଶୀ ଶେଖର ରାଓ) ବଲାଙ୍ଗିର ଜିଲ୍ଲା ପାଟଣାଗଡ଼ ପଞ୍ଚାୟତ ସମିତି କାର୍ଯ୍ୟାଳୟ ସମ୍ମୀଳନୀ କକ୍ଷ ସବୁଜ ଜଳବାୟୁ ପାଣ୍ଠି ପ୍ରକଳ୍ପ ରେ ନିୟୋଜିତ ଜଳମିତ୍ର ମାନଙ୍କ ପାଇଁ ପ୍ରଶିକ୍ଷଣ ଶିବିର ଅନୁଷ୍ଠିତ ହୋଇଥିଲା। ଏହି କର୍ମଶାଳାରେ ଓ୍ବାଲମୀ ତରଫରୁ ଅଖଣ୍ଡେଶ୍ବର ଅମାତ ଓ ଗୀତାଞ୍ଜଳି ପ୍ରଧାନ ସାଧନ ପ୍ରଶିକ୍ଷକ ଭାବେ ଯୋଗଦେଇ ବିଭିନ୍ନ ଗ୍ରାମ ପଞ୍ଚାୟତ ରୁ ଆସିଥିବା ମେଟ୍,ଏ ସି ଏମ ଏବଂ ଗୋଷ୍ଠୀ ସ୍ବୟଂ ସହାୟକ ମହିଳା ମାନଙ୍କୁ ବିଶୁଦ୍ଧ ଭାବରେ ଜଳର ପରିଚାଳନା ଏବଂ ଜଳକୁ କିପରି ସଞ୍ଚୟ କରି ଚାଷ କାର୍ଯ୍ୟ ରେ ଲଗାଇ ଉପଯୋଗୀ ହୋଇପାରିବେ ସେ ବିଷୟରେ ଆଲୋକପାତ କରିଥିଲେ। ଏହି କର୍ମଶାଳାରେ ମୁଖ୍ୟ ଅତିଥି ଭାବେ ପାଟଣାଗଡ଼ ଗୋଷ୍ଠୀ ଉନ୍ନୟନ ଅଧିକାରୀ ସୁମନ୍ତ କୁମାର ମିଞ୍ଜ ମୂଖ୍ୟ ଅତିଥି ଭାବେ ଯୋଗ ଦେଇ କାର୍ଯ୍ୟ ର ଶୁଭାରମ୍ଭ କରିଥିଲେ। ଅତିରିକ୍ତ କାର୍ଯକ୍ରମ ଅଧିକାରୀ (ଏ ପି ଓ) ସନ୍ତୋଷ କୁମାର ପ୍ରଧାନ କର୍ମଶାଳାକୁ ପରିଚାଳନା କରିଥିଲେ ଏବଂ କର୍ମଶାଳାରେ ଯୋଗ ଦେଇଥିବା ସଭ୍ୟ ସଭ୍ୟା ମାନଙ୍କୁ ମାନପତ୍ର ପ୍ରଦାନ କରି ସମ୍ମାନିତ କରିଥିଲେ। ଆଗାମୀ ୨୭ ତାରିଖ ରୁ ୩୦ ତାରିଖ ମଧ୍ୟରେ ଆହୁରି ଦୁଇଟି ବ୍ୟାଚ କୁ ମଧ୍ୟ ପ୍ରଶିକ୍ଷଣ ଦିଆଯିବ ବୋଲି ଗୋଷ୍ଠୀ ଉନ୍ନୟନ ଅଧିକାରୀ ସୁମନ୍ତ କୁମାର ମିଞ୍ଜ ସୂଚନା ଦେଇଛନ୍ତି।