24-Nov-2024

ବଲାଙ୍ଗୀର: ସଦର ବ୍ଲକ ହର୍ଡଟାଲ ଗ୍ରାମ ଠାରେ  ବଲାଙ୍ଗୀର ଜିଲ୍ଲା ଗଣ୍ଡ ସମାଜ ଆନୁକୂଲ୍ୟରେ ରେ ଗଣ୍ଡ ସମାଜ ଉଦ୍ଦେଶ୍ୟ ରେ ଗଣ୍ଡ ଭବନ ପୂର୍ବତନ ଆଇନ ମନ୍ତ୍ରୀ ନରସିଂହ ମିଶ୍ର ଙ୍କ କରକମଳ ରେ ଶୁଭ ଉଦଘାଟନ ପୂର୍ବକ ଲୋକାର୍ପଣ ହୋଇଯାଇଛି।ଉଦଘାଟନୀ ପରବର୍ତ୍ତୀ ସଭାରେ ମୁଖ୍ୟ ଅତିଥି ରୂପେ ଶ୍ରୀଯୁକ୍ତ ମିଶ୍ର ଯୋଗଦେଇ ଗଣ୍ଡ ସମାଜ ର ବିକାଶ ପାଇଁ ଶିକ୍ଷା ହିଁ ଏକ ମାତ୍ର ବିକଳ୍ପ, ଆଜି ବି ଗଣ୍ଡ ସମାଜ ଅବହେଳିତ ଓ ଲାଂଛିତ ଓ ସବୁ ସମୟରେ ପ୍ରତାରିତ ହୋଇ ଆସିଅଛି ଅତଏବ ସମାଜ ରେ ଶିକ୍ଷା ର ସଚେତନତା ନିତାନ୍ତ ଜରୁରୀ ସହ ସମସ୍ତେ ଏକଜୁଟ ହୋଇ ନିଜ ହକ ପାଇଁ ଲଢେଇ କରିବାକୁ ପଡିବ ବୋଲି ନିଜ ବକ୍ତବ୍ୟ ରେ କହିଥିଲେ ,ସରକାର ସଦା ସର୍ବଦା ଆଦିବାସୀ ଓ ଗଣ୍ଡ ଙ୍କ ଜମି ଓ ଜଙ୍ଗଲ ଉପରେ ଲୋଲୁପ ଦୃଷ୍ଟି ପକେଇ ଆସିଛି ଅତଏବ ଆମେ ସମସ୍ତେ ଏକଜୁଟ ହୋଇ ଅନ୍ୟାୟ ବିରୋଧ ରେ ସ୍ୱର ଉତ୍ତୋଳନ କରିବାକୁ ପଡିବ। ବଲାଙ୍ଗୀର ତଥା ବରଗଡ଼ ଜିଲ୍ଲା ର ଆଦିବାସୀ ଓ ଗଣ୍ଡ ମାନେ ନିଜ ଜୀବିକା ପାଇଁ ପୁରାତନ କାଳରୁ ଗନ୍ଧମାର୍ଦ୍ଦନ ପାହାଡ଼ ଉପରେ ନିର୍ଭରଶୀଳ କିନ୍ତୁ ବିଡମ୍ବନା ବିଷୟ ଆଜି ସରକାର ଅଦାନୀ ଗ୍ରୁପ କୁ ବିକ୍ରି କରିବାର ଚକ୍ରାନ୍ତ କରୁଛନ୍ତି ତେଣୁ ସମସ୍ତେ ଏହାର ବିରୋଧ କରିବା ଉଚିତ।  ଆଜିର ଆୟୋଜିତ ଏହି  କାର୍ଯ୍ୟକ୍ରମ ରେ ଜିଲ୍ଲା ର କୋଣ ଅନୁକୋଣ ରୁ ଗଣ୍ଡ ସମ୍ପ୍ରଦାୟର ର ଲୋକ ଙ୍କ ସମାଗମ ହୋଇଥିଲା ।ଶତାଧିକ ମହିଳା ପୁରୁଷ ପରମ୍ପରା ମତେ ପ୍ରଥମେ କଳସ ଯାତ୍ରା କରି ନିଜ  ଇଷ୍ଟଦେବ ବୁଢା ଦେଓ ଙ୍କ ପୂଜାର୍ଚନା କରିଥିଲେ। ଏହି ପୂଜା କାର୍ଯ୍ୟ ରେ ତିନି ଦେଓ ରୁ ସାତ ଦେଓ ପର୍ଯ୍ୟନ୍ତ ପୂଜା କରାଯାଇଥିଲା। କାର୍ଯ୍ୟକ୍ରମ ରେ ଗଣ୍ଡ ସମ୍ପ୍ରଦାୟର ର ଶିଶୁ କଳାକାର ମାନଂକ ଦ୍ୱାରା ବିଭିନ୍ନ ନୃତ୍ୟ ଗୀତ ପରିବେଷଣ ସହ ଉପସ୍ଥିତ ଜନ ସାଧାରଣ ଙ୍କ ମନ ମୋହି ଥିଲେ।ଆଜି ଅନୁଷ୍ଠିତ ଏହି କାର୍ଯ୍ୟକ୍ରମ ରେ ସମାଜ ପ୍ରେମୀ କର୍ମକର୍ତା କେନ୍ଦୁଝର ଜିଲ୍ଲା ସଭାପତି ଜନାର୍ଦନ ନାଏକ ମୁଖ୍ୟ ବକ୍ତା ରୂପେ ଯୋଗଦେଇଥିଲେ।ଅନ୍ୟ ମାନଙ୍କ ମଧ୍ୟରେ ନୂଆପଡା ଜିଲ୍ଲା ସମ୍ପାଦକ ଜୟବର୍ଧନ ଧରୁଆ,ବାମଡା ବ୍ଲକ ସଭାପତି କିଶୋର ସିଂ ମହାପାତ୍ର, ନବରଙ୍ଗପୁର ଜିଲ୍ଲା ସଭାପତି ପୁନିତ ଗଣ୍ଡ,ଦଶରଥ ଗଣ୍ଡ,ରାଧାକାନ୍ତ ଭୋଇ,ଅନିତା ଧରୁଆ,ଗଣନାଥ ଧରୁଆ, ପ୍ରାଣବନ୍ଧୁ ନାଏକ,ରାମଚନ୍ଦ୍ର ଧରୁଆ ଙ୍କ ସହ ଗଣ୍ଡ ସମ୍ପ୍ରଦାୟର ଅନେକ  ବିଶିଷ୍ଟ ବ୍ୟକ୍ତି ବିଶେଷ ଯୋଗଦେଥିଲେ।ମଞ୍ଚ ପରିଚାଳନା କରିଥିଲେ ମହାଦେବ ବଡ଼କା ଏବଂ ହରିବନ୍ଧୁ ଧରୁଆ ସ୍ୱାଗତ ଭାଷଣ ଦେଇଥିଲେ।ଶେଷରେ ନିରଞ୍ଜନ ଧରୁଆ ଧନ୍ୟବାଦ ଦେଇଥିଲେ