14-Sep-2024

ବରଗଡ଼/ରେଙ୍ଗାଲି(ପ୍ରେରଣା ଖବର): ଗତ ୧୨ ଓ  ୧୩ ତାରିଖ ଦୁଇ ଦିନ ଧରି ଉତ୍ତର ପ୍ରଦେଶର ବନାରସର  ପ୍ଲାଜା ଇନ ହୋଟେଲ  ଠାରେ ରାଷ୍ଟ୍ରୀୟ ଫେରି ପଟରୀ ଠେଲା ବ୍ୟବସାୟୀ ସଙ୍ଗଠନର ରାଷ୍ରୀୟ ଅଧିବେଶନ  ଅନୁଷ୍ଠିତ ହୋଇଯାଇଛି।ଏଥିରେ ଭାରତ ବର୍ଷର ୨୧ଟି ରାଜ୍ୟରୁ ପ୍ରମୁଖ ରାଜ୍ୟ ପ୍ରତିନିଧି ମାନେ ଯୋଗ ଦେଇଥିଲେ। ଓଡ଼ିଶାର ବରଗଡରୁ ରାଷ୍ଟ୍ରୀୟ କାର୍ଯ୍ୟକାରଣୀ ସଦସ୍ୟ ସରଦାର ପ୍ରୀତମ ସିଂ,ଚଣ୍ଡିଖୋଲ (ଯାଜପୁର ଜିଲ୍ଲା)ର ଉଠା ଦୋକାନୀ ସଙ୍ଘ ଓଡ଼ିଶାର ପ୍ରାନ୍ତୀୟ

ଅଧ୍ୟକ୍ଷ ମହେଶ୍ୱର ବଲ ଓ ଭୁବନେଶ୍ୱରର ଭେଣ୍ଡର୍ସ ନେତ୍ରୀ ସୁଶ୍ରୀ ସଂଗୀତା କିଷାନ ଉକ୍ତ କାର୍ଯ୍ୟକ୍ରମରେ ଯୋଗଦାନ କରିଥିଲେ। ଏହି ଦୁଇ ଦିନର ବୈଠକରେ ଉଠା ଦୋକାନୀ ମାନଙ୍କ ବିଭିନ୍ନ ସମସ୍ୟା ଉପରେ ବିସ୍ତାର ଭାବରେ ଆଲୋଚନା

ହୋଇଥିଲା। ୨୦୧୪ ରେ ଉଠା ଦୋକାନୀ ମାନଙ୍କ ପାଇଁ ଯେଉଁ ଆଇନ ତିଆରି ହୋଇଛି ତାକୁ ସବୁ ରାଜ୍ୟରେ ଲାଗୁ କରାଯିବା ପାଇଁ ଚର୍ଚ୍ଚା ଆଲୋଚନା ହୋଇଥିଲା। ସୌନ୍ଦର୍ଯ୍ୟକରଣ ନାମରେ ରାସ୍ତା ଚଉଡା ନାମରେ ଉଚ୍ଛେଦ ହୋଇଥିବା ଭେଣ୍ଡର୍ସ ମାନଙ୍କୁ ନୂତନ ଜାଗାରେ ଥଇଥାନ କରିବା,ତାଙ୍କ ପରିବାର ବର୍ଗର ଅବାସ,ସ୍ୱାସ୍ଥ୍ୟ, ଶିକ୍ଷା ଓ ଆର୍ଥିକ ସ୍ଥିତି ସୁଧାରିବା ପାଇଁ କେନ୍ଦ୍ର ସରକାରଙ୍କୁ ଲେଖି ଦେବା ସହ ସାକ୍ଷାତ କରି ଦାବି  ମଧ୍ୟ ଦିଆଯିବ। ଏଥିରେ ସ୍ଥାନୀୟ ବିଧାୟକ ସହ ଗଣ୍ୟମାନ୍ୟ ଅତିଥିମାନେ ଯୋଗଦାନ କରିଥିଲେ।