13-Sep-2024

 ବରଗଡ଼: ଶୁକ୍ରବାର ଦିନ ସ୍ୱଚ୍ଛତା ପକ୍ଷର ତ୍ରୟୋଦଶ ଦିବସରେ ଅମ୍ବାଭୋନା ବ୍ଳକ ଅନ୍ତର୍ଗତ ସରକାରୀ ଉଚ୍ଚ ପ୍ରାଥମିକ ବିଦ୍ୟାଳୟ ଦ୍ବାରୀରେ ବିଦ୍ୟାଳୟର ପ୍ରଧାନଶିକ୍ଷକ ଶ୍ରୀଯୁକ୍ତ ବଶିଷ୍ଠ ସାହୁଙ୍କ ଅଧ୍ୟକ୍ଷତାରେ ବିଦ୍ୟାଳୟ ସ୍ବଚ୍ଛତା ସମ୍ବନ୍ଧୀୟ ପ୍ରଦର୍ଶନୀ ଓ ସ୍ୱଚ୍ଛତା ସମ୍ବନ୍ଧୀୟ ଯୋଜନା ସଭା ଆୟୋଜନ କରାଯାଇଥିଲା । ପ୍ରାରମ୍ଭରେ ଅଗ୍ରପୂଜ୍ୟ ଗଣେଶଙ୍କ ପୂଜାର୍ଚ୍ଚନା କରାଯାଇଥିଲା। ଷଷ୍ଠ ଶ୍ରେଣୀର ଛାତ୍ରମାନେ ସ୍ବାଗତ ସଙ୍ଗୀତ ଗାନ କରିଥିଲେ । ସହକାରୀ ଶିକ୍ଷକ ଶ୍ରୀଯୁକ୍ତ ସରୋଜ କୁମାର ସାହୁ ଉଦ୍ଦେଶ୍ୟ ପ୍ରଦାନ କରିଥିଲେ। ପ୍ରଧାନ ଶିକ୍ଷକ ଶ୍ରୀଯୁକ୍ତ ବଶିଷ୍ଠ ସାହୁ ସ୍ବଚ୍ଛତା ପକ୍ଷ ବିଷୟରେ ଛାତ୍ରଛାତ୍ରୀମାନଙ୍କୁ ବୁଝାଇଥିଲେ। ସହକାରୀ ଶିକ୍ଷକ ସ୍ବାଧିନ କୁମାର ସାହୁ ପରିଷ୍କାର ପରିଚ୍ଛନ୍ନତା, ଅଦରକାରୀ କାଗଜ ପତ୍ରରୁ ଆବର୍ଜନା କୁଣ୍ଡ, ଶିକ୍ଷଣ ସାମଗ୍ରୀ ପ୍ରସ୍ତୁତି ବିଷୟରେ ସ୍ବଚ୍ଛତା କାର୍ଯ୍ୟ ଯୋଜନା ବିଷୟରେ ଛାତ୍ରଛାତ୍ରୀମାନଙ୍କୁ ବୁଝାଇଥିଲେ। ସହକାରୀ ଶିକ୍ଷୟିତ୍ରୀ ନିବେଦିତା ବିଶ୍ୱାଳ, ନମିତା ବଢେଇ, ପଲ୍ଲବୀ ବଢେଇ, ସୁରେଶ୍ଵରୀ ସେଠ୍ ଛାତ୍ରଛାତ୍ରୀମାନଙ୍କ ମଧ୍ୟରେ ବ୍ୟଙ୍ଗଛିତ୍ର ଓ  ସ୍ଲୋଗାନ ପ୍ରତିଯୋଗୀତା ଆୟୋଜନ କରିଥିଲେ  ।  ଚିତ୍ରାଙ୍କନ ରେ ଅମିସା  ପ୍ରଧାନ ସପ୍ତମ ଶ୍ରେଣୀ ପ୍ରଥମ,ଲିଲିମା ମଲ୍ଲିକ ଅଷ୍ଟମ ଶ୍ରେଣୀ ଦ୍ୱିତୀୟ, ଅର୍ଚ୍ଚିତା ଭୋଇ ଅଷ୍ଟମ ଶ୍ରେଣୀ ତୃତୀୟ  ଓ ସ୍ଲୋଗାନ ପ୍ରତିଯୋଗୀତାରେ ଶ୍ରୁତି ପଟେଲ ଅଷ୍ଟମ ଶ୍ରେଣୀ ପ୍ରଥମ,ଗୌରୀ କର୍ଷାଲ ଅଷ୍ଟମ ଶ୍ରେଣୀ ଦ୍ୱିତୀୟ ଓ ପୂଜା ବାଗ, ଦି ବ୍ୟା  ସତ ନାମୀ ଷଷ୍ଠ ଶ୍ରେଣୀ ତୃତୀୟ ସ୍ଥାନ ଅଧିକାର କରିଥିଲେ ।  ପ୍ରଥମ, ଦ୍ୱିତୀୟ ଓ  ତୃତୀୟା ସ୍ଥାନ ଅଧିକାର କରିଥିବା ଛାତ୍ରଛାତ୍ରୀମାନଙ୍କୁ  ପୁରସ୍କାର ପ୍ରଦାନ କରାଯାଇଥିଲା । ଏହି ସଭାରେ ବିଦ୍ୟାଳୟର ସମସ୍ତ ଶିକ୍ଷକ ଶିକ୍ଷୟିତ୍ରୀ ଓ ସମସ୍ତ ଛାତ୍ରଛାତ୍ରୀ ସହଯୋଗ କରିଥିଲେ । ଶେଷରେ ସହକାରୀ ଶିକ୍ଷକ ମଙ୍ଗଳୁ ମୁଣ୍ଡଚୁଳିଆ ଧନ୍ୟବାଦ ଅର୍ପଣ କରିଥିଲେ ।