11-Sep-2024

ଫୁଲବାଣୀ(କ୍ଷୀରୋଦ କୁମାର ସାହାଣୀଙ୍କ ରିପୋର୍ଟ ) କନ୍ଧମାଳ ଜିଲ୍ଲା ହୋମଗାର୍ଡ ସଂଘର ସାଧାରଣ ବୈଠକ ଫୁଲବାଣୀ ସ୍ଥିତ ନାରାୟଣୀ କଲ୍ୟାଣ ମଣ୍ଡପରେ ଜିଲ୍ଲା ସଭାପତି ପ୍ରଭାତ କୁମାର ସାହାଣୀଙ୍କ ଅଧକ୍ଷତାରେ ଅନୁଷ୍ଠିତ ହୋଇଥିଲା |ଉକ୍ତ ବୈଠକରେ ଜିଲ୍ଲା ଗୃହରକ୍ଷୀ ବାହିନୀରେ କାର୍ଯ୍ୟକରୁଥିବା  କର୍ମଚାରୀ ମାନଙ୍କର ଭବିଷ୍ୟତ ଉପରେ ପୁଙ୍ଖାନୁପୁଙ୍ଖ ଭାବେ ଆଲୋଚନା କରାଯାଇଥିଲା | ବୈଠକରେ କାର୍ଯ୍ୟକାରୀ ସଭାପତି ଅକ୍ଷୟ କୁମାର ରାୟଙ୍କ ତତ୍ବାବଧାନରେ ସଂଘର  ଲାଗିରହିଥିବା ଦୀର୍ଘଦିନର ସମସ୍ୟା ଉପରେ ମଂଚାସୀନ ଅତିଥି ମାନଙ୍କୁ ଅବଗତ କରିଥିଲେ | କନ୍ଧମାଳ ଜିଲ୍ଲାରେ ପ୍ରାୟ ପାଞ୍ଚ ଶହରୁ ଊର୍ଦ୍ଧ୍ବ ହୋମଗାର୍ଡ କର୍ମଚାରୀ ମାନଙ୍କୁ ନେଇ ଦୀର୍ଘ ବର୍ଷ ହେବ ସଂଘ ଜିଲ୍ଲା ପ୍ରଶାସନ  ଆଇ,ଜି, ଆର୍  ୧୮୬୦, ନିୟମାବଳୀ ଅନୁସାରେ ପଞ୍ଜୀକୃତ କରାଯାଇଛି। ଜିଲ୍ଲା ହୋମଗାର୍ଡ ସଙ୍ଘକୁ ଶୃଙ୍ଖଳିତ,ସୁଦୃଢ କରି ସରକାରୀ ନିୟମ ପ୍ରକାରେ ପରିଚାଳିତ କରିବା ପାଇଁ ଜିଲ୍ଲା ସଂଘର ଆଇନ୍ ପରାମର୍ଶଦାତା ଭାବେ କନ୍ଧମାଳ ଜିଲ୍ଲାର ବରିଷ୍ଠ ବିଜେପି ନେତା ତଥା ଆଇନଜୀବୀ  ଭଗବାନ ମହାନ୍ତି ଏବଂ କନ୍ଧମାଳ ଜିଲ୍ଲା ବିଜେପି ଉପସଭାପତି ତଥା ଓଡିଶା ଉଚ୍ଚନ୍ୟାୟଳୟର ବରିଷ୍ଠ ଆଇନଜୀବୀ ଅଜିତ କୁମାର ପଟନାୟକଙ୍କୁ ସଂଗଠନ ତରଫରୁ ମନୋନୀତ କରାଗଲା l ନବନିଯୁକ୍ତ ଆଇନ ପରାମର୍ଶଦାତାଙ୍କୁ ପୁଷ୍ପଗୁଛ ଉତ୍ତରୀୟ ଦେଇ ସମ୍ମାନୀତ କରାଯାଇଥିଲା । ନବନିଯୁକ୍ତ ବରିଷ୍ଠ ଆଇନଜୀବୀ ମାନେ ସଂଘର ଉଜ୍ଜଳ ଭବିଷ୍ୟତ ପାଇଁ  ଆଇନଗତ ପରାମର୍ଶ ଦେବା ସହିତ ଆବଶ୍ୟକ ପଡିଲେ ସଂଘ ପାଇଁ ଆଇନ ଅଦାଲତରେ ଲଢେଇ କରି ସଂଘର ଅସୁବିଧା ଦୂର କରି ଗୃହରକ୍ଷୀ ମାନଙ୍କୁ ଉଚିତ ନ୍ୟାୟ ପ୍ରଦାନ କରିବେ ବୋଲି ବୈଠକରେ ନିଷ୍ପତ୍ତି ଗ୍ରହଣ କରାଯାଇଛି | ବିଗତ ଦିନରେ କନ୍ଧମାଳ ଜିଲ୍ଲାର ବାଲିଗୁଡା ଥାନାରେ କାର୍ଯ୍ୟରତ ମହିଳା ହୋମଗାର୍ଡ ଶ୍ରୀମତୀ ମଞ୍ଜୁଳା ନାୟକ ଏବଂ ଅନ୍ୟ ପାଞ୍ଚଜଣ ପୁରୁଷ ହୋମଗାର୍ଡ କର୍ମଚାରୀଙ୍କୁ ନେଇ ୨୦୨୦ ମସିହାରେ ହାଇକୋର୍ଟରେ ହୋମଗାର୍ଡ ବିଭାଗର ବିଭିନ୍ନ ସମସ୍ୟାର  ସମାଧାନ କରିବା ପାଇଁ ଏକ କେସ  ଫାଇଲ କରାଯାଇଥିଲା ବର୍ତ୍ତମାନ ଉକ୍ତ କେସ  ହାଇକୋର୍ଟରେ ଡିଗ୍ରୀ ହାସଲକରିବା ପରେ ସୁପ୍ରିମକୋର୍ଟରେ ବିଚାରଧୀନ  ରହିଛି। ସୁପ୍ରିମକୋର୍ଟଙ୍କ ନିର୍ଦେଶ ପ୍ରକାରେ ବର୍ତ୍ତମାନ ରାଜ୍ୟ ସରକାର ଓଡ଼ିଶାର କାର୍ଯ୍ୟରତ ହୋମଗାର୍ଡ କର୍ମଚାରୀ ମାନଙ୍କର ବିଭିନ୍ନ ସମସ୍ୟାର ସମାଧାନ କରିବା ସହିତ ଖାଲି ପଡିଥିବା ହୋମଗାର୍ଡ ପଦବୀ ପୂରଣ କରିବା ଏବଂ ଚାକିରି କାଳ ମଧ୍ୟରେ  ଯେଉଁ ହୋମଗାର୍ଡ କର୍ମଚାରୀ ମୃତ୍ୟୁ ବରଣ କରିଛନ୍ତି ତାଙ୍କ ପରିବାର ସଦସ୍ୟଙ୍କୁ ନିଯୁକ୍ତି ଦେଇ ଉପଯୁକ୍ତ ନ୍ୟାୟ ଦେବା ପାଇଁ  ମାନ୍ୟବର ମୁଖ୍ୟମନ୍ତ୍ରୀ ମୋହନ ଚରଣ ମାଝି ପ୍ରଶତିଶୃତି ଦେଇଥିବାରୁ ଆଜିର ବୈଠକରେ କନ୍ଧମାଳ ଜିଲ୍ଲା  ହୋମଗାର୍ଡ ସଂଘ ତରଫରୁ ବିଜେପି ର ରାଜ୍ୟ ସରକାରଙ୍କୁ କୃତଜ୍ଞତା ଜଣାଇଛନ୍ତି | ଏହାଦ୍ୱାରା ରାଜ୍ୟରେ କାର୍ଯ୍ୟରତ ହୋମଗାର୍ଡ ସହିତ ସେମାନଙ୍କ ପରିବାର ଉପକୃତ ହୋଇପାରିବେ ବୋଲି ରାଜ୍ୟ ସଂଘର ଆବାହକ ତଥା ବରିଷ୍ଠ କର୍ମକର୍ତ୍ତା ବିରାଜ ପ୍ରଧାନ ପ୍ରକାଶ କରିଛନ୍ତି |  ଜିଲ୍ଲା ହୋମଗାର୍ଡ ସଂଘର ଉର୍ନ୍ନତି ପାଇଁ  କନ୍ଧମାଳ ଜିଲ୍ଲାର ମାନ୍ୟବର ସାଂସଦ ସୁକାନ୍ତ କୁମାର ପାଣିଗ୍ରାହୀ ଏବଂ ବିଧାୟକ  ଉମାଚରଣ ମଳିକଙ୍କୁ ସଂଘର  ଥିବା ସମସ୍ୟାର ସମାଧାନ  କରିବା ପାଇଁ ଅନୁରୋଧ କରାଯିବ ବୋଲି ବରିଷ୍ଠ ସଦସ୍ୟ ତଥା ଜିଲ୍ଲା ସଭାପତି ପ୍ରଭାତ କୁମାର ସାହାଣୀ କହିଥିଲେ | ମାନ୍ୟବର ସାଂସଦ ଏବଂ ବିଧାୟକ ଗୃହରକ୍ଷୀ ନିଯୁକ୍ତି ସମୟରେ କାର୍ଯ୍ୟ କରୁଥିବା ସମୟରେ ମୃତ୍ୟୁ ବରଣ କରିଥିବା ହୋମଗାର୍ଡ ପରିବାର ର ଯୋଗ୍ୟ ବ୍ୟକ୍ତିଙ୍କୁ ନିଯୁକ୍ତି ପ୍ରଦାନ କରାଯିବା ପାଇଁ ସରକାର ଏକ ନୂତନ ଆଇନ ପ୍ରଣୟନ

କରିବା ପାଇଁ ରାଜ୍ୟ ସରକାରଙ୍କୁ ପରାମର୍ଶ ଦିଅନ୍ତୁ ବୋଲି ବୈଠକରେ ଅନୁରୋଧ କରାଯାଇଥିଲା | 

       ଆଜିର ବୈଠକରେ କନ୍ଧମାଳ ଜିଲ୍ଲା ହୋମଗାର୍ଡ ସଂଘର ନବ ନିଯୁକ୍ତ ଆଇନ୍ ପରାମର୍ଶ ଦାତା ଶ୍ରୀ ଭଗବାନ ମହାନ୍ତି, ଓ ଶ୍ରୀ ଅଜିତ କୁମାର ପଟନାୟକ, ଏବଂ  ଆଇନ୍ ଜୀବୀ ତଥା ବରିଷ୍ଠ ସାମ୍ବାଦିକ ଶ୍ରୀ ଯୁକ୍ତ ଆଦିତ୍ୟ କୁମାର ତ୍ରିପାଠୀ, ବରିଷ୍ଠ ସାମ୍ବାଦିକ ତଥା ହୋମଗାର୍ଡ ସଂଘର ମିଡ଼ିଆ ସମ୍ପାଦକ ଶ୍ରୀ କ୍ଷୀରୋଦ କୁମାର ସାହାଣୀ , ସାମ୍ୱାଦିକ ଶ୍ରୀ କୁନା ଦିଗାଲ, ଶ୍ରୀ ଅମ୍ବୁଜ ବେହେରା, ହୋମଗାର୍ଡ ସଂଘ ସଭାପତି ଶ୍ରୀ ପ୍ରଭାତ କୁମାର ସାହାଣୀ, ଆବାହକ,ତଥା ଉପ ସଭାପତି, ବିରାଜ କୁମାର ପ୍ରଧାନ,ସମ୍ପାଦନା, ସାଧାରଣ ସମ୍ପାଦକ ଶ୍ରୀ ସପନ କୁମାର ମିଶ୍ର, କୋଷାଧ୍ୟକ୍ଷ, ଶେଖ୍ ରିହାଜୁଦନ, ଉପସଭାପତି ସାଫ୍ରିନ ଖାଁନ, ଜୟନ୍ତୀ ଚୌଧୁରୀ, ସରସ୍ବତୀ ନାୟକ, ଶ୍ରୀ ଶୁଳାପାଣି ସାହାଣୀ, ପ୍ରତାପ କୁମାର ସାହାଣୀ ସମେତ ସଂଘର ଅନ୍ୟ ସମସ୍ତ ସଦସ୍ୟ, ସଦସ୍ୟା ଏବଂ ସମସ୍ତ ହୋମଗାର୍ଡ ଭାଇ ଭଉଣୀ ମାନେ ଉପସ୍ଥିତ ରହି ବୈଠକରେ ସକ୍ରିୟ ଭାବେ ଅଂଶ ଗ୍ରହଣ କରିଥିଲେ।