11-Sep-2024

ବରଗଡ଼:(ନିରଞ୍ଜନ ତ୍ରିପାଠୀ)-ବରଗଡ଼ ଜିଲ୍ଲା ଅମ୍ବାଭୋନା ବ୍ଳକ ଅନ୍ତର୍ଗତ ସରକାରୀ ଉଚ୍ଚ ପ୍ରାଥମିକ ବିଦ୍ୟାଳୟ ଦ୍ବାରୀରେ ବିଦ୍ୟାଳୟର ପ୍ରଧାନଶିକ୍ଷକ ଶ୍ରୀଯୁକ୍ତ ବଶିଷ୍ଠ ସାହୁ ଙ୍କ ସଭାପତିତ୍ବରେ ସରକାରୀ ଉଚ୍ଚ ପ୍ରାଥମିକ ବିଦ୍ୟାଳୟ ଦ୍ବାରୀରେ ସ୍ୱଚ୍ଛତା ଅଂଶଗ୍ରହଣ ଦିବସ ଓ ହାତ ଧୁଆ ଦିବସ ପାଳିତ ହୋଇଯାଇଛି । ସହକାରୀ ଶିକ୍ଷକ ସରୋଜ କୁମାର ସାହୁ ଉଦ୍ଦେଶ୍ୟ ପ୍ରଦାନ କରିଥିଲେ । ପ୍ରଧାନ ଶିକ୍ଷକ ଶ୍ରୀଯୁକ୍ତ  ବଶିଷ୍ଠ ସାହୁ ବିଦ୍ୟାଳୟ ପରିବେଶକୁ ସବୁଜ ସୁନ୍ଦର ଓ ପରିଷ୍କାର ପରିଚ୍ଛନ୍ନ ରଖିବା ସହ ନିଜେ ପରିଷ୍କାର ପରିଚ୍ଛନ୍ନ ରହିବା ପାଇଁ ଛାତ୍ରଛାତ୍ରୀଙ୍କୁ କହିଥିଲେ । ସହକାରୀ ଶିକ୍ଷକ ସ୍ବାଧିନ କୁମାର ସାହୁ ଦୈନନ୍ଦିନ ଜୀବନରେ ହାତ ଧୋଇବାର ଆବଶ୍ୟକତା, ଖାଇବା ପୂର୍ବରୁ ଓ ପରେ, ଶୌଚାଳୟ ବ୍ୟବହାର ପୂର୍ବରୁ ଓ ପରେ, ବଗିଚା କାମ,ସଫେଇ ପରେ ଭଲ ଭାବରେ ହାତ ଧୋଇବାର କୌଶଳ ବିଷୟରେ ଛାତ୍ର ଛାତ୍ରୀମାନଙ୍କୁ ବୁଝାଇଥିଲେ । ବିଜ୍ଞାନ ଶିକ୍ଷୟିତ୍ରୀ ଶ୍ରୀମତୀ ନିବେଦିତା ବିଶ୍ଵାଳ ନିରାପଦ ପାନୀୟ ଜଳର ବ୍ୟବହାର,ଜଳ ଜନିତ ରୋଗ ସମ୍ପର୍କରେ ଛାତ୍ରଛାତ୍ରୀମାନଙ୍କୁ ବୁଝାଇଥିଲେ । ଏହାପରେ ଛାତ୍ର ଛାତ୍ରୀ ମାନଙ୍କ ମଧ୍ୟରେ ପ୍ରବନ୍ଧ ପ୍ରତିଯୋଗୀତା ଓ ଚିତ୍ରାଙ୍କନ ପ୍ରତିଯୋଗିତା ଅନୁଷ୍ଠିତ ହୋଇଥିଲା।ଚିତ୍ରାଙ୍କନ ପ୍ରତିଯୋଗିତାରେ ଗୌରୀ କର୍ଷାଲ୍ ଅଷ୍ଟମ ଶ୍ରେଣୀ ପ୍ରଥମ,

ଲିଲିମା ମଲ୍ଲିକ ଅଷ୍ଟମ ଶ୍ରେଣୀ ଦ୍ୱିତୀୟ,ଆୟିଷା ନାଏକ ସପ୍ତମ ଶ୍ରେଣୀ ତୃତୀୟ ସ୍ଥାନ ଅଧିକାର କରିଥିବାବେଳେ ପ୍ରବନ୍ଧ ପ୍ରତିଯୋଗୀତା ରେ ଅମିସା ପ୍ରଧାନ ସପ୍ତମ ଶ୍ରେଣୀ ପ୍ରଥମ,ଶ୍ରୁତି ପଟେଲ ଅଷ୍ଟମ ଶ୍ରେଣୀ ଓ ଆୟିସା ନାଏକ ସପ୍ତମ ଶ୍ରେଣୀ ଦ୍ୱିତୀୟ,ବେବୀ ଭୁଏ ତୃତୀୟ ସ୍ଥାନ ଅଧିକାର କରିଥିଲେ । କୃତୀ ପ୍ରତିଯୋଗୀମାନଙ୍କୁ ମାନପତ୍ର ଓ ପୁରସ୍କାର ପ୍ରଦାନ କରାଯାଇଥିଲା। ଏହି କାର୍ଯ୍ୟକ୍ରମରେ ବିଦ୍ୟାଳୟର ସମସ୍ତ ଶିକ୍ଷକ ଶିକ୍ଷୟିତ୍ରୀ   ନମିତା ବଢେଇ, ପଲ୍ଲବୀ ବଢେଇ  ଓ ସମସ୍ତ  ଛାତ୍ର ଛାତ୍ରୀମାନେ ସହଯୋଗ କରିଥିଲେ । ପରିଶେଷରେ ସହକାରୀ  ଶିକ୍ଷୟିତ୍ରୀ ସୁରେସ୍ଵରୀ ସେଠ୍ ଧନ୍ୟବାଦ ଅର୍ପଣ କରିଥିଲେ ।